karti thi ye ro ro ke fughan zainab e nashaad
faryaad hai faryaad
pardes mein zehra ka bhara ghar hua barbaad
faryaad hai faryaad
barchi ki ani seena e akbar mein lagi hai
kya maa pa bani hai
tasveer e nabi ran mein hui jaati hai barbaad
faryaad hai faryaad...
zeenat ke liye daale hai gardan mein jo quran
surat ke musalman
hum aale payambar hai inhe ye bhi nahi yaad
faryaad hai faryaad...
kya kya na masayeb huwe kya kya na sahe gham
jab qaid huwe hum
har gaam par ek taaza sitam ek nayi uftaad
faryaad hai faryaad...
pardes mein hum ahle haram aise lute hai
sar nange phire hai
ruk jaate to dete thay aziyat sitam eejaad
faryaad hai faryaad...
tapti hui sehra ki zameen raah mein kaante
aur paon mein chaale
ghash khaa ke na gir jaaye kahin sayyed e sajjad
faryaad hai faryaad...
ab aun o mohamed hai na abbas na akbar
qasim hai na asghar
har ek ne ghar chod ke maqtal kiya aabaad
faryaad hai faryaad...
roti thi sakina jo kabhi gham se bilak kar
ho jaata tha mehshar
gaalon pa lagate thay tamache sitam eejaad
faryaad hai faryaad...
ghabrati thi zindan ke andhere mein sakina
dushwaar tha jeena
ab qaid mein soti hai wohi bekas o nashaad
faryaad hai faryaad...
sahir ghame shabbir mein aansu na rukenge
ta hashr bahenge
ab hum ko nahi kuch bhi masayab ke siwa yaad
faryaad hai faryaad...
کرتی تھی یہ رو رو کے فغاں زینب ناشاد
فریاد ہے فریاد
پردیس میں زہرا کا بھرا گھر ہوا برباد
فریاد ہے فریاد
برچھی کی انی سینۂ اکبر میں لگی ہے
کیا ماں پہ بنی ہے
تصویر نبی رن میں ہوئی جاتی ہے برباد
فریاد ہے فریاد۔۔۔
زینت کے لئے ڈالے ہیں گردن میں جو قرآن
صورت کے مسلماں
ہم آل پیمبر ہیں انہیں یہ بھی نہیں یاد
فریاد ہے فریاد۔۔۔
کیا کیا نہ مصائب ہوے کیا کیا نہ سہے غم
جب قید ہوئے ہم
ہر گام پر ایک تازہ ستم ایک نیء افتاد
فریاد ہے فریاد۔۔۔
پردیس میں ہم اہلِ حرم ایسے لٹے ہیں
سر ننگے پھرے ہیں
رک جاتے تو دیتے تھے اذیت ستم ایجاد
فریاد ہے فریاد۔۔۔
تپتی ہوئی صحرا کی زمیں راہ میں کانٹے
اور پیروں میں چھالے
غش کھا کے نہ گر جائے کہیں سید سجاد
فریاد ہے فریاد۔۔۔
اب عون و محمد ہے نہ عباس نہ اکبر
قاسم ہے نہ اصغر
ہر ایک نے گھر چھوڑ کے مقتل کیا آباد
فریاد ہے فریاد۔۔۔
روتی تھی سکینہ جو کبھی غم سے بلک کر
ہو جاتا تھا محشر
گالوں پہ لگاتے تھے طمانچے ستم ایجاد
فریاد ہے فریاد۔۔۔
گھبراتی تھی زنداں کے اندھیرے میں سکینہ
دشوار تھا جینا
اب قید میں سوتی ہے وہی بیکس و ناشاد
فریاد ہے فریاد۔۔۔
ساہر غم شبیر میں آنسوں نہ رکیں گے
تا حشر بہیں گے
اب ہم کو نہیں کچھ بھی مصایب کے سوا یاد
فریاد ہے فریاد۔۔۔