dar dhoond ke zindan ka ye kehti hai sakina
baba mujhe seene pe sulane chale aao
is aalam e tanhaai mein mar jaaun na baba
marne se sakina ko bachane chale aao
har waqt teri yaad mein roti hai sakina
maghmoom teri aas mein hoti hai sakina
naraaz teri lakhte jigar tujhse hai baba
roothi hui beti ko manane chale aao
dar dhoond ke...
mai chain ka ek saans bhi baba nahi leti
ye pyaas ki shiddat mujhe sone nahi deti
ab neend teri beti ko na aayegi baba
ek chain ki lori hi sunane chale aao
dar dhoond ke...
asghar mera bhaiya wo meri jaan kahan hai
cheh maah jo dunya mein tha mehman kahan hai
baba mujhe bhaiya ki judaai nahi bhooli
asghar ko sakina se milane chale aao
dar dhoond ke...
ek daagh hai bhai ka kamar tod'di jis ne
ek daagh hai bete ka nazar cheenli jis ne
jo dil pe lage zakhm tumhe karbobala mein
baba wo sakina ko dikhane chale aao
dar dhoond ke...
bistar nahi sone ke liye farshe zameen hai
mai sheh ki yateema hoon mera qalb hazeen hai
zindan ka andhera hai muqaddar mera baba
tareeki e zindan ko mitane chale aao
dar dhoond ke...
mai aale mohamed ke gharane ka nagina
is waaste baba mujhe kehte thay sakina
zaalim ke tamachon ne sukoon cheena hai mera
kab aaoge baba ye batane chale aao
dar dhoond ke...
wo zulm kiye shimr ne chehre se ayaan hai
rukhsaar pe zaalim ke tamachon ke nishan hai
baba mere rone pe yahan pehre lage hai
in pehron ko ay baba hatane chale aao
dar dhoond ke...
در ڈھونڈ کے زنداں کا یہ کہتی ہے سکینہ
بابا مجھے سینے پہ سلانے چلے آئو
اس عالم تنہائی میں مر جائوں نہ بابا
مرنے سے سکینہ کو بچانے چلے آئو
ہر وقت تیری یاد میں روتی ہے سکینہ
مغموم تیری آس میں ہوتی ہے سکینہ
ناراض تیری لختِ جگر تجھ سے ہے بابا
روٹھی ہوئی بیٹی کو منانے چلے آئو
در ڈھونڈ کے۔۔۔
میں چین کا اک سانس بھی بابا نہیں لیتی
یہ پیاس کی شدت مجھے سونے نہیں دیتی
اب نیند تری بیٹی کو نہ آئے گی بابا
اک چین کی لوری ہی سنانے چلے آئو
در ڈھونڈ کے۔۔۔
اصغر میرا بھیا وہ میری جان کہاں ہے
چھ ماہ جو دنیا میں تھا مہمان کہاں ہے
بابا مجھے بھیا کی جدائی نہیں بھولی
اصغر کو سکینہ سے ملانے چلے آئو
در ڈھونڈ کے۔۔۔
اک داغ ہے بھائی کا کمر توڑ دی جس نے
اک داغ ہے بیٹے کا نظر چھین لی جس نے
جو دل پہ لگے زخم تمہیں کرب و بلا میں
بابا وہ سکینہ کو دکھانے چلے آئو
در ڈھونڈ کے۔۔۔
بستر نہیں سونے کے لئے فرشِ زمیں ہے
میں شہہ کی یتیمہ ہوں میرا قلب حزیں ہے
زنداں کا اندھیرا ہے مقدر میرا بابا
تاریکیِ زنداں کو مٹانے چلے آئو
در ڈھونڈ کے۔۔۔
میں آلِ محمد کے گھرانے کا نگینہ
اس واسطے بابا مجھے کہتے تھے سکینہ
ظالم کے طمانچوں نے سکوں چھینا ہے میرا
کب آئو گے بابا یہ بتانے چلے آئو
در ڈھونڈ کے۔۔۔
وہ ظلم کئے شمر نے چہرے سے عیاں ہیں
رخسار پہ ظالم کے طمانچوں کے نشاں ہیں
بابا میرے رونے پہ یہاں پہرے لگے ہیں
اِن پہروں کو اے بابا ہٹانے چلے آئو
در ڈھونڈ کے۔۔۔