chale aao baba
sunati hai mujhko phupi jaan kahani
karun kya magar neend aati nahi hai
chale aao baba chale aao baba
mujhe khaak par neend aati nahi hai
kaleje mein uth'ta hai ek dard aisa
ke jis ke liye na dawa na dilaasa
mai kal tak to seene pe soti thi baba
yehi soch kar neend aati nahi hai
chale aao baba...
hua kyun na jaane sitamgar zamana
kabhi ghurkiyan de kabhi taziyana
yehi khauf hai jo sataata hai mujhko
isi baat par neend aati nahi hai
chale aao baba...
rulaati hai mujhko layeeno ki baatein
guzarti hai aise yateemi ki raatein
kahin shimr aakar tamache na maare
hai dil mein ye darr neend aati nahi hai
chale aao baba...
khabar hai ye mujhko khata meri kya hai
yehi na ke jadh mera mushkil kusha hai
sunaye wo mushkil kusha mujhko lori
unhe do khabar neend aati nahi hai
chale aao baba...
yateemi ka ehsaas hi ek sitam hai
musalsal tadapne se honton pe dam hai
agar ab ye zindan hi ghar hai mera
chale aao ghar neend aati nahi hai
chale aao baba...
kabhi maine socha nahi tha ye baba
ke tumse bichad kar bhi jeena padega
tumhare bina hi mujhe ab hai jeena
yehi jaan kar neend aati nahi hai
chale aao baba...
phupi jaan se aksar suna hai ye nauha
tadapta hai ban mein shahe deen ka laasha
mere paas aa jao maqtal se baba
tumhe bhi agar neend aati nahi hai
chale aao baba...
masayeb ne ye haal sab ka kiya hai
ke din raat matam hai aaho buka hai
phupi ho ke sajjad ho ya sakina
kisi ko idhar neend aati nahi hai
chale aao baba...
ye irfan o mazhar ke dil ki sada hai
jahan shaahzadi ka madfan bana hai
hai jisne bhi dekha sitam ka wo zindan
usay umr bhar neend aati nahi hai
chale aao baba...
چلے آؤ بابا
سناتی ہے مجھکو پھپھی جاں کہانی
کروں کیا مگر نیند آتی نہیں ہے
چلے آؤ بابا چلے آؤ بابا
مجھے خاک پر نیند آتی نہیں ہے
کلیجے میں اٹھتا ہے ایک درد ایسا
کہ جس کے لئے نہ دوا نہ دلاسہ
میں کل تک تو سینے پہ سوتی تھی بابا
یہی سوچ کر نیند آتی نہیں ہے
چلے آؤ بابا۔۔۔
ہوا کیوں نہ جانے ستمگر زمانہ
کبھی گھڑکیاں دے کبھی تازیانہ
یہی خوف ہے جو ستاتا ہے مجھکو
اسی بات پر نیند آتی نہیں ہے
چلے آؤ بابا۔۔۔
رلاتی ہے مجھکو لعینوں کی باتیں
گزرتی ہے ایسے یتیمی کی راتیں
کہیں شمر آ کر طمانچے نہ مارے
ہے دل میں یہ ڈر نیند آتی نہیں ہے
چلے آؤ بابا۔۔۔
خبر ہے یہ مجھکو خطا میری کیا ہے
یہی نہ کہ جد میرا مشکل کشاء ہے
سناے وہ مشکل کشاء مجھکو لوری
انہیں دو خبر نیند آتی نہیں ہے
چلے آؤ بابا۔۔۔
یتیمی کا احساس ہی ایک ستم ہے
مسلسل تڑپنے سے ہونٹوں پہ دم ہے
اگر اب یہ زندان ہی گھر ہے میرا
چلے آؤ گھر نیند آتی نہیں ہے
چلے آؤ بابا۔۔۔
کبھی میں نے سوچا نہیں تھا یہ بابا
کہ تم سے بچھڑ کر بھی جینا پڑے گا
تمہارے بنا ہی مجھے اب ہے جینا
یہی جان کر نیند آتی نہیں ہے
چلے آؤ بابا۔۔۔
پھپھی جاں سے اکثر سنا ہے یہ نوحہ
تڑپتا ہے بن میں شہ دیں کا لاشہ
میرے پاس آ جاؤ مقتل سے بابا
تمہیں بھی اگر نیند آتی نہیں ہے
چلے آؤ بابا۔۔۔
مصایب نے یہ حال سب کا کیا ہے
کہ دن رات ماتم ہے آہ و بکا ہے
پھپھی ہو کہ سجاد ہو یا سکینہ
کسی کو ادھر نیند آتی نہیں ہے
چلے آؤ بابا۔۔۔
یہ عرفان و مظہر کے دل کی صدا ہے
جہاں شاہزادی کا مدفن بنا ہے
ہے جس نے بھی دیکھا ستم کا وہ زنداں
اسے عمر بھر نیند آتی نہیں ہے
چلے آؤ بابا۔۔۔