bayan karta hoon zindan mein kya qayamat thi
ghareeb baba se jis dam ghareeb beti mili
wo apne baba ke sar se lipat ke rone lagi
tadap ke li jo sakina ne aakhri hichki
kaleja phat'ta hai kaise sunaaun wo manzar
rakhe thay beti ne rukhsaar baap ke moo par
andheri qaid mein phir kya hua suno aage
behan ko dekha jo baba ke sar se lipte huwe
tadap ke bali sakina ke paas aa pahunche
jo nabz dekhi to sajjad ne kaha roke
utha rahi thi jo gham ab wo thak gayi gham se
phuphi hamari sakina bichad gayi hum se
laraz raha tha wo zindan aah o girya se
ye bole abide muztar ghareeb e zahra se
chudaaun kaise mai sar aap ka sakina se
mili hai kitne dino baad apne baba se
bahot ghareeb hoon ye gham utha na paunga
behan ki godh se mai sar chuda na paunga
sar e hussain chudaya jo ya ali keh kar
kaha sakina se tum par salaam ay khwahar
na jaane kitne hai ehsaan aap ke mujh par
ye bhai kaise utarega qabr ke andar
ye dekho jakda hai zanjeer mein hamara badan
tumhara laasha na bhai se uth sakega behan
sitamgaron ne jo karbobala mein baandhi thi
gale mein ho gayi paywast haye wo rassi
chini thi baliyan hai kaan aaj bhi zakhmi
sitam ki had ye hui aap mar gayi pyasi
ayaan hai chehre pe ab tak nishan tamachon ke
chupaaun kaise bhala mai ye neel gaalon ke
wo raah e shaam wo ghurbat bhulaaun mai kaise
ek aisa mod tha ghazi ka sar tha naize pe
jab unke saamne laa kar pakad ke baalon se
tamache maare thaay zaalim ne tum ko has has ke
layeen kehta tha abbas ab na aayega
nahi hai koi jo durron se ab bachayega
pukari laashe sakina pe zainab e muztar
ye karbala mein qayamat guzar gayi tum par
phupi ke saath khadi dekhti rahi manzar
chalaya bhai ke sookhe gale pe jab khanjar
kaha ye bhai ne do mera saath ay zainab
rakho sakina ki aankhon pe haath ay zainab
phuphi bhatije se kehti thi mat karo faryad
tumhara saath mai deti hoon syed e sajjad
padi hai hum pe qayamat se bhi badi uftaad
tumhari tarha mere haath bhi nahi azaad
hai ab ye shaam ka zindan hi watan iska
yehi jala hua kurta hai ab kafan iska
kaha ye saani e zahra ne bibiyon aao
janaza bali sakina ka saath uthwao
jo apne baba ko roti thi usko dafnao
nahi hai pani to turbat pe ashk barsao
wo raat aayi thi zeeshan aur raza kaisi
lehad mein so gayi beti ghareeb e zahra ki
بیان کرتا ہوں زنداں میں کیا قیامت تھی
غریب بابا سے جسدم غریب بیٹی ملی
وہ اپنے بابا کے سر سے لپٹ کے رونے لگی
تڑپ کے لی جو سکینہ نے آخری ہچکی
کلیجہ پھٹتا ہے کیسے سناؤں وہ منظر
رکھے تھے بیٹی نے رخسار باپ کے منہ پر
اندھیری قید میں پھر کیا ہوا سنو آگے
بہن کو دیکھا جو بابا کے سر سے لپٹے ہوئے
تڑپ کے بالی سکینہ کے پاس آ پہنچے
جو نبض دیکھی تو سجاد نے کہا روکے
اُٹھارہی تھی جوغم اب وہ تھک گئی غم سے
پھوپی ہماری سکینہ بچھڑ گئی ہم سے
لرز رھا تھا وہ زندان آہ و گریہ سے
یہ بولے عابدِ مضطر غریبِ زہرا سے
چھڑاؤں کیسے میں سر آپ کا سکینہ سے
ملی ہے کتنے دنوں بعد اپنے بابا سے
بہت غریب ہوں یہ غم اُٹھا نہ پاؤنگا
بہن کی گود سے میں سر چھڑا نہ پاؤنگا
سرِ حسین چھڑایا جو یاعلی کہکر
کہا سکینہ سے تم پر سلام اے خواہر
نہ جانے کتنے ہیں احسان آپکے مجھ پر
یہ بھائی کیسے اُتارے گا قبر کے اندر
یہ دیکھو جکڑا ہے زنجیر میں ہمارا بدن
تمہارا لاشہ نہ بھائی سے اُٹھ سکے گا بہن
ستمگروں نے جو کربوبلا میں باندھی تھی
گلے میں ہوگئی پیوست ہائے وہ رسی
چھنی تھی بالیاں ہیں کان آج بھی زخمی
ستم کی حد یہ ہوئی آپ مر گئیں پیاسی
عیاں ہیں چہرے پہ ابتک نشاں طمانچوں کے
چھپاؤں کیسے بھلا میں یہ نیل گالوں کے
وہ راہِ شام وہ غربت بھلاؤں میں کیسے
اک ایسا موڑ تھا غازی کا سر تھا نیزے پہ
جب اُنکے سامنے لاکر پکڑ کے بالوں سے
طمانچےمارےتھےظالم نے تمکو ہنس ہنس کے
لعین کہتا تھا عباس اب نہ آئیگا
نہیں ہے کوئی جو دُروں سے اب بچائیگا
پکاریں لاشے سکینہ پہ زینبِ مضطر
یہ کربلا میں قیامت گزر گئی تم پر
پھوپی کے ساتھ کھڑی دیکھتی رہی منظر
چلا تھا بھائی کے سوکھے گلے پہ جب خنجر
کہا یہ بھائی نے دو میرا ساتھ اے زینب
رکھو سکینہ کی آنکھوں پہ ھاتھ اے زینب
پھوپی بھتیجے سےکہتی تھیں مت کرو فریاد
تمہارا ساتھ میں دیتی ہوں سیدِ سجاد
پڑی ہے ہم پہ قیامت سے بھی بڑی اُفتاد
تمہاری طرح میرے ہاتھ بھی نہیں آزاد
ہے اب یہ شام کا زندان ہی وطن اِسکا
یہی جلا ہوا کُرتا ہے اب کفن اِسکا
کہا یہ ثانیِ زہرا نے بیبیوں آؤ
جنازہ بالی سکینہ کا ساتھ اُٹھواؤ
جو اپنے بابا کو روتی تھی اُسکو دفناؤ
نہیں ہے پانی تو تُربت پہ اشک برساؤ
وہ رات آئی تھی ذیشان اور رضا کیسی
لحد میں سوگئی بیٹی غریبِ زہرا کی