ghode se ran mein jab gire hamshakle mustafa
baba mera salaam ho di aakhri sada
daude kamar ko thaam ke yun shaahe karbala
aankhon se ashk jaari thay honton pe marsiya
aankhon ka noor kho gaya dhoondun kahan tujhe
beta kahan ho aakhri awaaz do mujhe
aina ali akbar aina ali akbar
awaaz do baba ko kahan ho mere dilbar
dikhta nahi aankhon se sada do mujhe beta
girta hoon sambhalta hoon jigar thaam ke tanha
ghurbat pe tere baap ki haste hai sitamgar
aina ali akbar...
beta utho seene se zara haath hatao
dikhlao hamay kya hua hum se na chupao
yun thaam ke dil aediyan ragdo na dilawar
aina ali akbar...
kya haal mere laal tera hogaya haye
allah kisi baap ko ye din na dikhaye
peeri mein falak ne hamay dikhlaye jo manzar
aina ali akbar...
kis tarha mere laal tere dard ko thaamun
seene se tere kis tarha barchi ko nikalun
aajaye kaleja na kahin seene se baahar
aina ali akbar...
yun chod ke ghurbat mein na jao mujhe beta
bas tum hi ho jeene ka sahara mere beta
kis tarha teri laash uthaunga mai dilbar
aina ali akbar...
maadar se teri jaa ke bhala kaise kahunga
akbar ko tere ran mein qaza aagayi laila
wo dekh rahi hogi teri raah khule sar
aina ali akbar...
گھوڑے سے رن میں جب گرے ہم شکلِ مصطفے
بابا مرا سلام ہو دی آخری صدا
دوڑے کمر کو تھام کے یوں شاہ کربلا
آنکھوں سے اشک جاری تھے ہونٹوں پہ مرثیہ
آنکھوں کا نور کھو گیا ڈھونڈوں کہاں تجھے
بیٹا کہاں ہو آخری آواز دو مجھے
أَينَ علی اکبر أَينَ علی اکبر
آواز دو بابا کو کہاں ہو میرے دلبر
دکھتا نہیں آنکھوں سے صدا دو مجھے بیٹا
گرتا ہوں سنبھلتا ہوں جگر تھام کے تنہا
غربت پہ تیرے باپ کی ہنستے ہیں ستم گر
أَينَ علی اکبر۔۔۔
بیٹا اُٹھو سینے سے ذرا ہاتھ ہٹاؤ
دکھلاؤ ہمیں کیا ہوا ہم سے نہ چھپاؤ
یوں تھام کے دل ایڈیاں رگڑو نہ دلاور
أَينَ علی اکبر۔۔۔
کیا حال میرے لال تیرا ہو گیا ہائے
اللہ کسی باپ کو یہ دن نہ دکھائے
پیری میں فلک نے ہمیں دکھلائے جو منظر
أَينَ علی اکبر۔۔۔
کس طرح میرے لال تیرے درد کو تھاموں
سینے سے تیرے کس طرح برچھی کو نکالوں
آجائے کلیجا نہ کہیں سینے سے باہر
أَينَ علی اکبر۔۔۔
یوں چھوڑ کے غربت میں نہ جاؤ مجھے بیٹا
بس تم ہی ہو جینے کا سہارا میرے بیٹا
کس طرح تیرے لاش اُٹھاؤں میں دلبر
أَينَ علی اکبر۔۔۔
مادر سے تیری جا کے بھلا کیسے کہوں گا
اکبر کو تیرے رن میں قضا آ گئی لیلیٰ
وہ دیکھ رہی ہوگی تیری راہ کھلے سر
أَينَ علی اکبر۔۔۔