hussain waalon suno ye hai qatl gaah e hussain
tadap raha tha yahin par ali ke dil ka chain
isi muqam pe zehra ye kar rahi thi bain
na qatl kar meri godhi mein mera noor e ain
yahan talak suno kaise hussain aaya tha
layeen khaynch ke baalon se usko laaya tha
tamacha maar ke seene pe jab sawaar hua
tadap ke reh gaye shabbir sirf itna kaha
utar ja seene se zaalim na zulm kar aisa
hai mere seene pe bas haq meri sakina ka
yahan pe aayi to mar jayegi wo ro ro kar
sakina dekh na le tujhko mere seene par
kabhi badan pe wo khanjar se waar karta tha
kabhi hussain ke zakhmon pe khaak daalta tha
phir apne paaon se zakhmon ko jab masalta tha
ali ka beta wahan baar baar marta tha
ghareeb e zehra jab abbas ko pukarta tha
layeen daadhi pakad kar tamacha maarta tha
isi maqam se sattar qadam thi door bahan
pukarti rahi na kaat shimr sookha dahan
tu jaanta hai bahot door hai hamara watan
mai le ke aaungi uske liye kahan se kafan
wahan hassan ko mile do kafan mai bhooli nahi
yahan hussain ki qismat mein ek kafan bhi nahi
zaban khushk hai zakhmi hai iski peshani
jawan bete ke qaatil ne maari hai barchi
hazaron zakhm ye khaakar gira hai thak ke abhi
hawa hai garm zameen tap rahi hai maqtal ki
pila de pani mohamed ka ye nawasa hai
hai moo khula hua na jaane kitna pyasa hai
ay rone waalon ye dil thaam kar suno manzar
chali churi to rakha haath maa ne ro ro kar
gala samajh ke wh karta tha waar gin ke magar
haan zakhm aate rahe fatema ke haathon par
hussain kehte thay amma hata lo haath amma
gale pe chalne do khanjar bacha lo haath amma
tadapte reh gaye maqtal mein dono maa bete
gale pe shaah ke zaalim ne tera waar kiye
bayaan haal ho zeeshan aur raza kaise
abhi talak to bahan uth rahi thi gir gir ke
sar e hussain kata dekh na saki zainab
zameen pe aise giri jaise mar gayi zainab
حسین والوں سنو یہ ہے قتل گاہِ حسین
تڑپ رہا تھا یہیں پر علی کے دل کا چین
اِسی مقام پہ زہرا یہ کر رہیں تھیں بین
نہ قتل کر میری گودی میں میرا نورِ عین
یہاں تلک سنو کیسے حسین آیا تھا
لعین کھینچ کے بالوں سے اُسکو لایا تھا
طمانچہ مارکے سینے پہ جب سوار ہوا
تڑپ کے رہ گئے شبیر صرف اتنا کہا
اُترجا سینے سے ظالم نہ ظلم کر ایسا
ہے میرے سینے پہ بس حق میری سکینہ کا
یہاں پہ آئی تو مرجائیگی وہ رو رو کر
سکینہ دیکھ نہ لے تجھکو میرے سینے پر
کبھی بدن پہ وہ خنجر سے وار کرتا تھا
کبھی حسین کے زخموں پہ خاک ڈالتا تھا
پھر اپنے پاؤں سے زخموں کو جب مسلتا تھا
علی کا بیٹا وہاں بار بار مرتا تھا
غریبِ زہرا جب عباس کو پکارتا تھا
لعین داڑھی پکڑ کر طمانچہ مارتا تھا
اسی مقام سے ستر قدم تھی دور بہن
پکارتی رہی نا کاٹ شمر سوکھا دہن
تو جانتا ہے بہت دور ہے ہمارا وطن
میں لیکے آؤنگی اسکے لئے کہاں سے کفن
وہاں حسن کو ملے دو کفن میں بھولی نہیں
یہاں حسین کی قسمت میں اک کفن بھی نہیں
زبان خشک ہے زخمی ہے اسکی پیشانی
جوان بیٹے کے قاتل نے ماری ہے برچھی
ہزاروں زخم یہ کھاکر گرا ہے تھک کے ابھی
ہَوا ہے گرم زمیں تپ رہی ہے مقتل کی
پلادے پانی محمد کا یہ نواسہ ہے
ہے منہ کھُلا ہوا نا جانے کتنا پیاسہ ہے
اے رونے والوں یہ دل تھام کر سنو منظر
چلی چھری تو رکھا ہاتھ ماں نے رو رو کر
گلا سمجھ کے وہ کرتا تھا وار گن کے مگر
ہاں زخم آتے رہے فاطمہ کے ہاتھوں پر
حسین کہتے تھے اماں ہٹالو ہاتھ اماں
گلے پہ چلنے دو خنجر بچالو ہاتھ اماں
تڑپتے رہ گئے مقتل میں دونوں ماں بیٹے
گلے پہ شاہ کے ظالم نے تیرا وار کئے
بیان حال ہو ذیشان اور رضا کیسے
ابھی تلک تو بہن اُٹھ رہی تھی گِر گِر کے
سرِ حسین کٹا دیکھ نا سکی زینب
زمیں پہ ایسے گری جیسے مرگئی زینب