kaash akbar tere jaisa tera beta hota
tujhko andaza mere darde jigar ka hota
maangne aata jawani mein wo marne ki riza
aur beta bhi tera hota mohamed jaisa
pooch kar dil se bata haal tera kya hota
kaash akbar tere...
kis tarha karta jawan laal ko rukhsat beta
kaise deta usay marne ki ijazat beta
teri behno ne jise naaz se paala hota
kaash akbar tere...
kaampte haath larazte huwe saanson ke qadam
kis tarha dekhta aankhon se nikalte huwe dam
pyaar bhi us se tujhe sab se zyada hota
kaash akbar tere...
tere hisse mein meri jaisi ghareebi aati
waqt se pehle mere laal zaeefi aati
wo pisar saamne jab khoon mein dooba hota
kaash akbar tere...
dekhta aankhon se jab noor-e-nazar ke tukde
baap ke moo se nikal aate jigar ke tukde
saath barchi ke jo haathon pe kaleja hota
kaash akbar tere...
khaak par khoon mein tadapti ho nabi ki tasveer
sabr kar leta bata haath mein rakh ke shamsheer
jab ke haste huwe qaatil ko bhi dekha hota
kaash akbar tere...
tujhko maaloom bhi hota na uthega ye pisar
kya tere dil pe guzarti ye bata de akbar
uski sughra ka bhi khat aane hi waala hota
kaash akbar tere...
bas ye kehte thay takallum shah e waala ro kar
hoti akbar teri aulaad zamane mein agar
tujhko ehsaas mere dil ki tadap ka hota
kaash akbar tere...
کاش اکبر تیرے جیسا تیرا بیٹا ہوتا
تجھ کو اندازہ میرے دردِ جگر کا ہوتا
مانگنے آتا جوانی میں وہ مرنے کی رضا
اور بیٹا بھی ترا ہوتا محمد جیسا
پوچھ کر دل سے بتا حال ترا کیا ہوتا
کاش اکبر تیرے۔۔۔
کس طرح کرتا جواں لعل کو رخصت بیٹا
کیسے دیتا اسے مرنے کی اجازت بیٹا
تیری بہنوں نے جسے ناز سے پالا ہوتا
کاش اکبر تیرے۔۔۔
کانپتے ہاتھ لرزتے ہوئے سانسوں کے قدم
کس طرح دیکھتا آنکھوں سے نکلتے ہوئے دم
پیار بھی اس سے تجھے سب سے زیادہ ہوتا
کاش اکبر تیرے۔۔۔
تیرے حصے میں مری جیسی غریبی آتی
وقت سے پہلے مرے لعل ضعیفی آتی
وہ پسر سامنے جب خون میں ڈوبا ہوتا
کاش اکبر تیرے۔۔۔
دیکھتا آنکھوں سے جب نورِ نظر کے ٹکڑے
باپ کے منہ سے نکل آتے جگر کے ٹکڑے
ساتھ برچھی کے جو ہاتھوں پہ کلیجہ ہوتا
کاش اکبر تیرے۔۔۔
خاک پر خوں میں تڑپتی ہو نبی کی تصویر
صبر کر لیتا بتا ہاتھ میں رکھ کر شمشیر
جب کہ ہنستے ہوئے قاتل کو بھی دیکھا ہوتا
کاش اکبر تیرے۔۔۔
تجھ کو معلوم بھی ہوتا نہ اٹھے گا یہ پسر
کیا ترے دل پہ گزرتی یہ بتا دے اکبر
اس کی صغرا کا بھی خط آنے ہی والا ہوتا
کاش اکبر تیرے۔۔۔
بس یہ کہتے تھے تکلم شہہِ والا روکر
ہوتی اکبر تری اولاد زمانے میں اگر
تجھ کو احساس مرے دل کی تڑپ کا ہوتا
کاش اکبر تیرے۔۔۔