ay rone walon aayengi mehshar mein fatema
bibi ka haal dekh ke royenge ambiya
poochenge haath pehlu pe kyun hai rakha hua
kyun jhuk ke chal rahi hai bhala kya maajra
awaaz aayegi ye shah e mashraqain ki
sab nazron ko jhukao ye maa hai hussain ki
mehshar mein ek hashr uthayengi fatema
ek daastan e zulm sunayengi fatema
royengi ahle gham ko rulayengi fatema
nanha sa ek laasha dikhayengi fatema
poochenge sab ye kis ka tan e paash paash hai
bibi kahengi ye ali asghar ki laash hai
phir bibi badh ke arsh ka paaya hilayengi
bete ka apne khoon bhara kurta dikhayengi
haathon pe do kate huwe shaano ko laayengi
insaaf maangne ke liye haath uthayengi
ya rab qasoor kya tha mere noor e ain ka
ummat se pooch kaata gala kyun hussain ka
hogi sada e ghaib suno fatema suno
tum khoon baha hussain ka jo chaahiye wo lo
lekin hamare saamne tum is tarha na ro
bolengi sayyeda ye guzaarish qubool ho
khul jaaye ek ek pe ghurbat hussain ki
ya rab dikha de sab ko shahadat hussain ki
sab ko dikhayi jayegi phir asr e karbala
mazloom khoon mein dooba nazar sab ko aayega
zahra kahengi dekhiye baba udhar zara
ye aap ka hussain hai faujon mein ghir chuka
ek pal nahi tha chain mere dil ke chain ko
nau laakh mil ke maar rahe thay hussain ko
seene pe kitne zakhm thay teeron ke dekhiye
leta tha saans behte thay fawware khoon ke
us par bhi ahle shaam ke hamle kahan ruke
bekas pe aisa waar kiya ek layeen ne
dandaan bhi shaheed huwe noor e ain ke
aise labon pe maara tha pathar hussain ke
zakhmon ki samt rayt uda kar koi badha
koi chala ke baazu pe khanjar guzar gaya
talwaar koi maar ke mazloom par hasa
un zaalimon mein ek bine kaahil layeen tha
usne kiya wo waar ke mazloom dhal gaya
sab phasliyon ko tod ke naizah nikal gaya
wo dard tha ke zeen pe baitha nahi gaya
usne utarna chaaha par utra nahi gaya
paaon raqaab se bhi nikaala nahi gaya
aise kisi ko ran mein giraya nahi gaya
jab hurmala ka teer laga tha jabeen par
ghode se moo ke bal gira pyasa zameen par
mazloom ke sirhane gaya shimr e bad gohar
bekas ko maarta tha wo thokar idhar udhar
laaya wo qatl gaah talak zulfein khaynch kar
zainab pe uski nazrein thi zaanu hussain par
zahra ki betiyon ke dilon ko dukhata tha
daadhi pakad ke shimr tamache lagata tha
tehra na minnton se bhi baba wo bad sifaat
ghurbat mein apne laal ka choda na maine saath
sab ko to ye pata hai ke zakhmi hai mere haath
baba khareeb aayein bataaun ek aur baat
zakhmi nahi hai haath faqat dil malool ke
khanjar chala hai baba galay par batool ke
pehli chali jo zarb to sab ambiya hate
thi doosri hi zarb hassan bhi nahi ruke
wo zarb teesri thi ali jis pe ro pade
bas baba chouthi zarb talak aap saath thay
phir uske baad mai thi mere dil ka chain tha
khanjar tha meri jholi thi mera hussain tha
sajjad hashr hoga jo royenge khud nabi
bolengi zehra khatm musibat kahan hui
looti hai sab laash ghareeb ud dayar ki
baba mere hussain ki tauheen ki gayi
angushtri pe nazrein thi ek badnaseeb ki
ungli layeen ne kaati hai baba ghareeb ki
اے رونے والوں آئیں گی محشر میں فاطمہ
بی بی کا حال دیکھ کے روئیں گے انبیا
پوچھیں گے ہاتھ پہلو پہ کیوں ہے رکھا ہوا
کیوں جھک کے چل رہی ہے بھلا کیا ماجرا
آواز آئگی یہ شہ مشرقین کی
سب نظروں کو جھکاؤ یہ ماں ہے حسین کی
محشر میں ایک حشر اٹھائیں گی فاطمہ
اک داستانِ ظلم سنائیں گی فاطمہ
روئیں گی اہلِ غم کو رلائیں گی فاطمہ
ننھا سا ایک لاشہ دکھائیں گی فاطمہ
پوچھیں گے سب یہ کس کا تنِ پاش پاش ہے
بی بی کہیں گی یہ علی اصغر کی لاش ہے
پھر بی بی بڑھ کے عرش کا پایا ہلائیں گی
بیٹے کا اپنے خوں بھرا کرتا دکھائیں گی
ہاتھوں پہ دو کٹے ہوئے شانوں کو لائیں گی
انصاف مانگنے کے لیئے ہاتھ اٹھائیں گی
یا رب قصور کیا تھا مرے نورِ عین کا
امت سے پوچھ کاٹا گلا کیوں حسین کا
ہوگی صدائے غیب سنو فاطمہ سنو
تم خوں بہا حسین کا جو چاہیے وہ لو
لیکن ہمارےسامنے تم اسطرح نہ رو
بولیں گی سیدہ یہ گزارش قبول ہو
کھل جائے ایک ایک پہ غربت حسین کی
یارب دکھا دے سب کو شہادت حسین کی
سب کو دکھائی جائے گی پھر عصر کربلا
مظلوم خوں میں ڈوبا نظر سب کو آئگا
زہرا کہیں گی دیکھیے بابا ادھر ذرا
یہ آپکا حسین ہے فوجوں میں گھر گیا
اک پل نہیں تھا چین مرے دل کے چین کو
نو لاکھ مل کے مار رہے تھے حسین کو
سینے پہ کتنے زخم تھے تیروں کے دیکھیے
لیتاتھا سانس بہتے تھے فوارے خون کے
اس پر بھی اہل شام کے حملے کہاں رکے
بیکیس پہ ایسا وار کیا اک لعین نے
دندان بھی شہید ہوئے نور عین کے
ایسے لبوں پہ مارا تھا پتھر حسین کے
زخموں کی سمت ریت اڑا کر کوئی بڑھا
کوئی چلا کے بازو پہ خنجر گزر گیا
تلوار کوئی مار کے مظلوم کو ہنسا
ان ظالموں میں اک بن کاہل لعین تھا
اس نے کیا وہ وار کہ مظلوم ڈھل گیا
سب پسلیوں کو توڑ کے نیزہ نکل گیا
وہ درد تھا کہ زین پہ بیٹھا نہیں گیا
اس نے اترنا چاہا پر اترا نہیں گیا
پاؤں رکاب سے بھی نکالا نہیں گیا
ایسے کسی کو رن میں گرایا نہیں گیا
جب حرملا کا تیر لگا تھا جبین پر
گھؤڑے سے منہ کے بل گرا پیاسہ زمین پر
مظلوم کے سرہانے گیا شمر بد گوہر
بیکس کو مارتا تھا وہ ٹھوکر ادھر ادھر
لایا وہ قتل گاہ تلک زلفیں کھینچ کر
زینب پہ اسکی نظریں تھیں زانو حسین پر
زہرا کی بیٹیوں کے دلوں کو دکھاتا تھا
دڑھی پکڑ کے شمر تمانچے لگا تا تھا
ٹہرا نہ منتوں سے بھی بابا وہ بد صفات
غربت میں اپنے لعل کا چھؤڑا نہ میں نے ساتھ
سب کو تو بس پتا ہے کہ زخمی ہیں میرے ہاتھ
بابا قریب آئیں بتاؤں اک اور بات
زخمی نہیں ہیں ہاتھ فقط دل ملول کے
خنجر چلا ہے بابا گلے پر بتول کے
پہلی چلی جو ضرب تو سب انبیا ہٹے
تھی دوسری ہی ضرب حسن بھی نہیں رکے
وہ ضرب تیسری تھی علی جس پہ رو پڑے
بس بابا چوتھی ضرب تلک آپ ساتھ تھے
پھر اسکے بعد میں تھی مرے دل کا چین تھا
خنجر تھا میری جھولی تھی میرا حسین تھا
سجاد حشر ہوگا جو روئیں گے خود نبی
بولیں گی زہرا ختم مصیبت کہاں ہوئی
لوٹی ہے سب لاش غریب الدیار کی
بابا مرے حسین کی توہین کی گئی
انگشتری پہ نظریں تھیں اک بدنصیب کی
انگللی لعیں نے کاٹی ہے میرے غریب کی