aaye jo is jahan mein hamshakle mustufa
aisa laga ke chand zameen par utar gaya
aaya phupi ki godh mein jis waqt mehlaqa
peshani uski choom ke zainab ne ye kaha
charcha karo jahan mein is shaah kaar ka
tohfa mila hussain ko parwardigar ka
al qissa shehr shehr khabar hogayi ye aam
akhbaar mein likha gaya mazmoon ye tamam
akbar pe husn ka kiya khaaliq ne ikhtetaam
na tha na hai na hoga hussain aisa was salaam
mehboob e haq hai shakl mein hyder hai shaan mein
baaham huwe nabi o ali phir jahan mein
par ashk baadshah e halab ko siwa hua
uske khameer mein ye namak tha mila hua
jis roz khalq yusuf e aale abaa hua
us roz wo bhi morid e fazl e khuda hua
dil mein ali ka ishq tha ye aarzoo mili
shaahe halab ko chand si beti ataa hui
shaahe halab ne paayi musarrat ki ye khabar
utra hai aaj sehne mohamed mein ek qamar
khush hogaya wo shaahe halab bas ye soch kar
beti ka meri aqd ho is chand se agar
us roz se halab ka wo sultan e naam daar
taaron ke badle chand kiya karta tha shumaar
atharwan baras hua akbar ko jab shuru
shaahe halab ke bakht ka suraj hua tuloo
chaaha ke rasme aqd ka ye saal ho vuquu
ye soch ke hussain se usne kiya rujoo
sultan ke khat ko paaya jo zehra ke chain ne
khat ka diya jawab usay yun hussain ne
pahuncha tera areeza hui ittelaa e haal
beti ke aqd ka ali akbar se hai khayal
armaan hai kamaal teri aarzoo kamaal
mai bhi dua karunga mubarak ho tujhko saal
hai marzi e mabood to inkar kya mera
taqdeer mein nahi hai to iqraar kya mera
shaahe halab ko pahuncha juhin ruqqa e imam
khush hogaya naseeb ke khulne pe nek naam
zauja se apni karne laga is tarha kalaam
beti ke aqd ki karo tayyariyan tamam
dunya o aakhirat mein teri aabroo bane
beti teri hussain ke ghar ki bahu bane
saaman yahan to tha ali akbar ke byaah ka
nikla udhar wo khaafila yasrab ke shaah ka
aate hi dasht mein hua nargha sipaah ka
ghera adoo ne qaima risaalat panaah ka
dulhan ke ghar mein log ghiza nosh karte thay
dulha ke ghar mein tifl mein faaqon se marte thay
sehra wahan bana ali akbar ke waaste
yan maut nauhagar thi usi sar ke waaste
poshak thi wahan dil e hyder ke waaste
yan bekafani thi usi dilbar ke waaste
sadqe rasool zadiyan murde pe hoti thi
zainab sirhane paainti maa behne roti thi
ab maajera halab ka sunaun ke kya hua
shaahe halab ka mehel tha kaisa saja hua
yasrab ka qazd tha dil mein chupa hua
itne mein ek shaks wahan roonuma hua
usne sunaani aan ke di badshaah ko
maqtal mein maar daala shahe deenpanah ko
sultan patak ke taaj pukara ke kya hua
usne kaha hussain shaheed e jafa hua
gharkaab ashk mazhar e noor e khuda hua
yani tabaah gulshane aale aba hua
ye baat sun ke rone laga phir wo nek naam
shadi ke ghar mein hogaya majlis ka ehtemam
maqtal mein pahuncha ahle haram ka jo kaarwan
dekha ke ek uroos hai laashon ke darmiyan
bas ay dabeer khatm karo marsiya yahan
sar nange baal khole wo karne lagi fughan
jaane hussain ki mujhe is dam talaash hai
ay karbala kidhar mere dulha ki laash hai
آے جو اس جہاں میں ہمشکل مصطفیٰ
ایسا لگا کہ چاند زمیں پر اتر گیا
آیا پھپھی کی گود میں جس وقت مہ لقا
پیشانی اسکی چوم کے زینب نے یہ کہا
چرچہ کرو جہان میں اس شاہ کار کا
تحفہ ملا حسین کو پروردگار کا
القصہ شہر شہر خبر ہو گیء یہ عام
اخبار میں لکھا گیا مضمون یہ تمام
اکبر پہ حسن کا کیا خالق نے اختتام
نہ تھا نہ ہے نہ ہوگا حسین ایسا والسلام
محبوب حق ہے شکل میں حیدر ہے شان میں
باہم ہوے نبی و علی پھر جہاں میں
پر اشک بادشاہ حلب کو سوا ہوا
اسکے خمیر میں یہ نمک تھا ملا ہوا
جس روز حلق یوسف آل عبا ہوا
اس روز وہ بھی مورد فضل خدا ہوا
دل میں علی کا عشق تھا یہ آرزو ملی
شاہ حلب کو چاند سی بیٹی آتا ہوی
شاہ حلب نے پای مسرت کی یہ خبر
اترا ہے آج سہنے محمد میں ایک قمر
خوش ہو گیا وہ شاہ حلب بس یہ سوچ کر
بیٹی کا میری عقد ہو اس چاند سے اگر
اس روز سے حلب کا وہ سلطان نام دار
تاروں کے بدلے چاند کیا کرتا تھا شمار
اٹھارہواں برس ہوا اکبر کو جب شروع
شاہ حلب کے بخت کا سورج ہوا طلوع
چاہا کہ رسم عقد کا یہ سال ہو وقوع
یہ سوچ کے حسین سے اس نے کیا رجوع
سلطان کے خط کو پایا جو زہرا کے چین نے
خط کا دیا جواب اسے یوں حسین نے
پہنچا تیرا عریضہ ہوی اطلاع اے حال
بیٹی کے عقد کا علی اکبر سے ہے خیال
ارمان ہے کمال تیری آرزو کمال
میں بھی دعا کروں گا مبارک ہو تجھکو سال
ہے مرضیء معبود تو انکار کیا میرا
تقدیر میں نہیں ہے تو اقرار کیا میرا
شاہ حلب کو پہنچا جونہی رقعہء امام
خوش ہو گیا نصیب کے کھلنے پہ نیک نام
زوجہ سے اپنی کرنے لگا اس طرح کلام
بیٹی کے عقد کی کرو تیاریاں تمام
دنیا و آخرت میں تیری آبرو بنے
بیٹی تیری حسین کے گھر کی بہو بنے
ساماں یہاں تو تھا علی اکبر کے بیاہ کا
نکلا ادھر وہ قافلہ یثرب کے شاہ کا
آتے ہی دشت میں ہوا نرغہ سپاہ کا
گھیرا عدو نے خیمہ رسالت پناہ کا
دلہن کے گھر میں لوگ غذا نوش کرتے تھے
دولہا کے گھر میں طفل میں فاقوں سے مرتے تھے
سہرا وہاں بنا علی اکبر کے واسطے
یاں موت نوحہ گر تھی اسی سر کے واسطے
پوشاک تھی وہاں دل حیدر کے واسطے
یاں بیکفنی تھی اسی دلبر کے واسطے
صدقے رسول زادیاں مردے پہ ہوتی تھی
زینب سرہانے پایینتی ماں بہنیں روتی تھی
اب ماجرا حلب کا سناؤں کہ کیا ہوا
شاہ حلب کا محل تھا کیسا سجا ہوا
یثرب کا قصد تھا دل میں چھپا ہوا
اتنے میں ایک شخص وہاں رونما ہوا
اس نے سنانی آن کے دی بادشاہ کو
مقتل میں مار ڈالا شاہ دیں پناہ کو
سلطان پٹک کے تاج پکارا کہ کیا ہوا
اس نے کہا حسین شہید جفا ہوا
گھرکاب اشک مظہر نورِ خدا ہوا
یعنی تباہ گلشنِ آل عبا ہوا
یہ بات سن کے رونے لگا پھر وہ نیک نام
شادی کے گھر میں ہو گیا مجلس کا اہتمام
مقتل میں پہنچا اہلِ حرم کا جو کارواں
دیکھا کہ ایک عروس ہے لاشوں کے درمیاں
بس اے دبیر ختم کرو مرثیہ یہاں
سر ننگے بال کھولے وہ کرنے لگی فغاں
جان حسین کی مجھے اس دم تلاش ہے
اے کربلا کدھر میرے دولہا کی لاش ہے