haye haye shaam haye haye shaam
nok e naiza se dekhlo baba
ab wo sajjad na raha sajjad
jis ghadi berida hui zainab
karbala mein hi mar gaya sajjad
kya hai parda ye shaam waalon ko
teri daadi ne hi sikhaya hai
unhi logon ne meri phupiyon ko
berida shaam mein phiraya hai
kya ghazab hai ke haath phaila kar
maangta hai bas ek rida sajjad
nok e naiza se...
haye jis ne baghair mehmil ke
ghar se baahar qadam na rakha tha
us phuphi ko zamane waalon ne
aap ke baad berida dekha
kaash abbas aaj hote to
ye qayamat na dekhta sajjad
nok e naiza se...
sar pe jab tak tha aap ka saaya
maa'on behno ke sar pe thi chadar
warna mai bhi ali ka beta hoo
jaanta hoo mai jang ke jauhar
dekh kar berida phuphi ka sar
sharm ke maare jhuk gaya sajjad
nok e naiza se...
nanhe bachon ke haath mein pathar
de ke maara gaya sakina ko
pusht e naaqa se bhi giraya aur
taziyane lage yateema ko
mai bandhe haath dekh kar roya
us ne har dard par kaha sajjad
nok e naiza se...
badr o khyber ki jo adawat thi
uska yun inteqam lete hai
shaam ke log bheed mein har dam
meri phupiyon ka naam lete hai
taaziyane to seh gaya baba
tanz lekin na seh saka sajjad
nok e naiza se...
is tarha se bandhe hai rassi se
haath mere galay yateemon ke
na jhukun to zameen se baba
paon uth'te hai nanhe bachon ke
bas ruku mein hi shukr ke sajde
kar ke guzrega ab tera sajjad
nok e naiza se...
jis behan ne hamesha jeene ki
haye abbas ko duayein di
berida sar pe rakh ke haathon ko
usne abbas ko sadayein di
sar sina se wahan gira unka
aur yahan khaak par gira sajjad
nok e naiza se...
apne maula ke ek aansu ka
haq ada na sahaab kar paaya
girte ashkon ki roshnayi se
dil ke qirtaas par yehi likha
kitna gehra tha gham ridaon ka
ya khuda jaanta hai ya sajjad
nok e naiza se...
ہاے ہاے شام ہاے ہاے شام
نوکِ نیزہ سے دیکھ لو بابا
اب وہ سجاد نہ رہا سجاد
جس گھڑی بے ردا ہوی زینب
کربلا میں ہی مر گیا سجاد
کیا ہے پردہ یہ شام والوں کو
تیری دادی نے ہی سکھایا ہے
انہیں لوگوں نے میری پھوپھیوں کو
بے ردا شام میں پھرایا ہے
کیا غضب ہے کہ ہاتھ پھیلا کر
مانگتا ہے بس ایک ردا سجاد
نوکِ نیزہ سے۔۔۔
ہاے جس نے بغیر محمل کے
گھر سے باہر قدم نہ رکھتا تھا
اس پھپھی کو زمانے والوں نے
آپ کے بعد بے ردا دیکھا
کاش عباس آج ہوتے تو
یہ قیامت نہ دیکھتا سجاد
نوکِ نیزہ سے۔۔۔
سر پہ جب تک تھا آپ کا سایہ
ماؤں بہنوں کے سر پہ تھی چادر
ورنہ میں بھی علی کا بیٹا ہوں
جانتا ہوں میں جنگ کے جوہر
دیکھ کر بے ردا پھوپی کا سر
شرم کے مارے جھک گیا سجاد
نوکِ نیزہ سے۔۔۔
ننھے بچوں کے ہاتھ میں پتھر
دے کے مارا گیا سکینہ کو
پشت ناقہ سے بھی گرایا اور
تازیانے لگے یتیمہ کو
میں بندھے ہاتھ دیکھ کر رویا
اس نے ہر درد پر کہا سجاد
نوکِ نیزہ سے۔۔۔
بدر و خیبر کی جو عداوت تھی
اس کا یوں انتقام لیتے ہیں
شام کے لوگ بھیڑ میں ہر دم
میری پھوپھیوں کا نام لیتے ہیں
تازیانے تو سہہ گیا بابا
تنس لیکن نہ سہہ سکا سجاد
نوکِ نیزہ سے۔۔۔
اس طرح سے بندھے ہیں رسی سے
ہاتھ میرے گلے یتیموں کے
نہ جھکوں تو زمین سے بابا
پاؤں اٹھتے ہیں ننھے بچوں کے
بس رکوع میں ہی شکر کے سجدے
کر کے گزرے گا اب تیرا سجاد
نوکِ نیزہ سے۔۔۔
جس بہن نے ہمیشہ جینے کی
ہاے عباس کو دعائیں دی
بے ردا سر پہ رکھ کے ہاتھوں کو
اس نے عباس کو صداییں دی
سر سناں سے وہاں گرا ان کا
اور یہاں خاک پر گرا سجاد
نوکِ نیزہ سے۔۔۔
اپنے مولا کے ایک آنسوں کا
حق ادا نہ صحاب کر پایا
گرتے اشکوں کی روشنائی سے
دل کے قرطاس پر یہی لکھا
کتنا گہرا تھا غم رداؤں کا
یا خدا جانتا ہے یا سجاد
نوکِ نیزہ سے۔۔۔