hamara hoga phupi jaan kab watan jaana
sakina kehti thi apni phupi se rozana
hamara hoga....

parinde jaate hai apne gharon ko rozana
hamara hoga phupi jaan kab watan jaana

ye kaisa zindan hai jispe na sayeban hai na chat
har ek shaks nazar aa raha hai begana
hamara hoga....
sakina kehti....

abhi to khwab may aaye thay wo mujhe lene
kahan gaye mere baba ko dhoond kar laana
hamara hoga....
sakina kehti....

ye kya hua ke huwe khushk aankh ke aansu
lo bhar chuka hai meri zindagi ka paymana
hamara hoga....
sakina kehti....

mai yaad aaun to amma kabhi na tum rona
na meri cheez koi apne saath lejana
hamara hoga....
sakina kehti....

kaha sakina ne bhaiya mai itni pyasi hoo
khareeb pani ke leja ke mujhko dafnana
hamara hoga....
sakina kehti....
Salaam - Hamara Hoga Phupi Jaan

Reciter: Syed Qasid Abbas
Download mp3
Listen Online