shaheed se koi shamsheer ka maza pooche
mareez se koi akseer ka maza pooche
aseer se koi zanjeer ka maza pooche
yateem se koi dilgeer ka maza pooche
                     har ek pa guzra zamane may ranjo gham hai hai
                     saha na aabide bemaar sa alam hai hai

shaheed hote hue baap ko pisar dekhe
ani pa naize ke hai hai sare pidar dekhe
jawan bhai ka nikla hua jigar dekhe
phoope ko aankhon se balwe me nange sar dekhe
                        kisi nabi pa na is tarha ke alam guzre
                        jo is mareez pa har tarha ke sitam guzre

shadeed taph me wo kanton pa chalna abid ka
pehen ke bediyan har ek qadam pa gir padna
wo zul o jaur o sitamgar haram ka shoro bukaa
jo jism laaghare abid wo dhoop wo durrah
                       siwae shukra khuda kuch na kehte they sajjad
                       dua e ummat e aasi me rehte they sajjad


phiraya kanton pe sajjad ko barehna pa
nabi ke kunbe ko balwe me legaye aada
jalaya qaima e namoose saiyade wala
phira ke balwe me zindaan meqaid kardala
                       tamasha dekhne sab ahle shaam aate the
                       haya se ehle haram gardane jhukate the

sitam ke baad hua qaid se jo chutkara
layeen se baap ka sar is yateem ne maanga
sar e hussain khazane se hind ne bheja
sawaar oonton pe kunba huwa payambar ka
                       lehad me laash gharebon ke haaye dharne chale
                       mahe batool ko paiwande khaak karne chale

jo pahunche karbobala aabide assere bala
pidar ko deke kafan khaak me rakhalaasha
lipat ka qabr se chillaye yun ke ay baba
watan ko jaata hoon lo aakhri mera mujra
                       watan se aaya tha kis shaan ye yahan hai hai
                       luta keghar ko mai jata hoom neem jaan hai hai

likha hai yunke watan aae jab shahe wala
pidar ki yaad me har waqt karte the naala
nazar jo aata tha paani tho rote the maula
hamesha aankhon me phirta tha dashte karbobala
                     pidar ke baad bhi rahat mile na abid ko
                     dubara qaid kiya iss ghareeb zahid ko

watan se legaye phir karke baniya shar
huvi bhatije ki hamrah zainab e muztar
khareebe shaam jo pahunche wo dono nauhagar
lagaya bailcha zainab ki pusht ke upar
                     safar me zainabe bekas se chut gaye sajjad
                     dayare shaam me phir aake lut gaye sajjad

phupi ko saump ke jungle me saiyade waala
madine me hua daakhil wo bekaso tanha
waleed sham ke hakim ne zehr bhijwaya
wo sum ke khate hi abid ne ki jahan se qaza
                     falak pa hooro malak arsh ko hilane lage
                     zameen pe jinn o bashar sar pe khaak udane lage

mohebo daaghe alam dil pe dhar  gaye sajjad
jo khaya zeher tho sad haif mar gaye sajjad
nabi ke aal ko beaas kar gaye sajjad
yateem hogaye baqar guzar gaye sajjad
                     sar apna peet te markhad se mustafa nikle
                     kalaija thaam ke kyun kar na fathima nikle

chiraghe deene nabi aaj bujh gaya ya rab
nishane panjatane paak mt gaya yarab
utha jahan se sartaj ab mera yarab
qitab bewae abid mujhe mila yarab
                     karoon mai kya meri khismat bigad gayi yarab
                     chaman me fathima ke oos pad gayi yarab

khuda ke arsh ka taara guzar gaya logon
ghazab hai shah hamara guzar gaya logon
wo bekason ka sahara guzar gaya logon
hassan hussain ka pyara guzar gaya logon
                    madina lut gaya ya mustafa duhaai hai
                    najaf ujad gaya ya murtaza duhaai hai
Marsiya - Shaheed Se Koi

Reciter: Fayaz Ali Khan
Download mp3
Listen Online