|
|
|
|
|
|
kehti thi ran may aakey sakina jawab do
jaane nabi-o-fatema zehra jawab do
kyon so rahay ho khaak pa tanha jawab do
aayi hoo tumko dhoondney iss jaa jawab do
marti hoon tum pa mere masiha jawab do
baba jawab do mere baba jawab do
zakhmi huway hain kaan mere cheen gaye gowhar
kis se kahoon ke zakhmo'n mein hai dard-e-bestr
faryad tumse karne mein aaee hoon ay pidar
hai khabiley mulahiza ye haal ser ba ser
dekho ye khoon bhara huwa kurta jawab do
baba jawab do mere baba jawab do
qaidi banakey shaam ko ley jaatey hain hamey
pursa nahi hai koi ke kuch insey ham kahey
faryad ghamzadon ki na Hazrat bhi gar suney
kabtak in afato'n mein rahein aah kia karey
kya keh rahi hoon sayyad-e-wala jawab do
baba jawab do mere baba jawab do
ay jaan-e-fatema-o-payghambar utho utho
ay noor-e-a'in Fatah-e-Khaiber utho utho
dekho aseer ho gaee khwahar utho utho
chilla rahi hai aapki dukhtar utho utho
kya so rahey ho beti ke shaeda jawab do
baba jawab do mere baba jawab do
begor kaun paday hain tumharey rafeeq sab
laashey ye jalti reti pe mai dekhti hoon jab
hota hai mere dil pe dubala gham-o-taab
dafnata inko koee nahi hai iska kia sabab
kyon bekafan har ek ka hai laasha jawab do
baba jawab do mere baba jawab do
aati hai dadi jaan ki awaaz yan suno
kis dard se pukarti hai baba jaan suno
karti hai kaese ranj-o-alam ke bayan suno
kia so rahey ho bint-e-nabi ki fughan suno
kin minnato'n se kehti hai zehra jawab do
baba jawab do mere baba jawab do
|
|
|
|
|