maidane karbala mein wo akbar teri azan
sunkar hussain rodiye mehve fughan thi maa
aayi sehr payame ajal mein dhali hui
maghmoom tere sehre ki ek ek kali hui
zainab tamaam shab rahi sajdon ke darmiyan
maidane karbala mein…
ye wo azan thi jisme tha lehja rasool ka
isme dikhayi deta tha sajda batool ka
isme namaziyon ka musalla tha aasman
maidane karbala mein…
haa is ada ne arsh ka suraj jaga diya
itne dilon mein shaukhe shahadat badha diya
sunkar habeeb ibne mazahir hue jawan
maidane karbala mein…
thi ek azan sehar ki to ek asr ki azan
tha kitna farkh dono azano ke darmiyan
akbar azane asr talak kha chuke sina
maidane karbala mein…
armaan teri shaadi ka poora na ho saka
kanga bandha na mehndi lagi wa musibata
behno ke dil udaas hai nauha kuna hai maa
maidane karbala mein…
bali sakina nayg mein ab kya talab kare
karbobala larazti hai zainab ke bain se
kha kar sina rawana hue tum suye jina
maidane karbala mein....
shaam e ghariban aagayi qaime sulag uthe
bache tamaam khaakh pe pyaase hi sogaye
akbar phuphi ke shaano mein bandti hai reesma
maidane karbala mein…
khanjar talay hussain ne tumko kiya tha yaad
maa zinda laash hogayi akbar tumhare baad
aise gaye ho ghar se ke milta nahi nishan
maidane karbala mein…
hamshakle mustufa thay dilon ka kharaar thay
tum to zaeef baap ka daaro madaar thay
hai tere baad gulshane shabbir mein khiza
maidane karbala mein…
nasir jawani-e-ali akbar ka waasta
nauhe mein apne jis ghadi rehaan ne diya
sar par ridaye zehra hui misle sayeban
maidane karbala mein…
میدانِ کربلا میں وہ اکبر تیری اذاں
سُن کر حسین رو دیئےمحو فُغاں تھی ماں
آئی سحر پیامِ اجل میں ڈھلی ہوئی
مغموم تیرے سہرے کی اک اک کلی ہوئی
زینب تمام شب رہی سجدوں کے درمیاں
میدانِ کربلا میں۔۔۔
یہ وہ اذاں تھی جس میں تھا لہجہ رسول کا
اس میں دیکھائی دیتا تھا سجدہ بتول کا
اس میں نمازیوں کا مصلّہ تھا آسماں
میدانِ کربلا میں۔۔۔
ہاں اس ادا نے عرش کا سورج جگا دیا
اتنے دلوں میں شوقِ شہادت بندھا دیا
سُن کر حبیب ابنِ مظاہر ہوئے جواں
میدانِ کربلا میں۔۔۔
تھی اک اذاں سحر کی تو اک عصر کی اذاں
تھا کتنا فرق دونوں اذانوں کے درمیاں
اکبر اذانِ عصر تلک کھا چُکے سِناں
میدانِ کربلا میں۔۔۔
ارمان تیری شادی کا پورا نہ ہو سکا
کنگن بندھا نہ مہندی لگی وا مصیبتا
بہنوں کے دل اُداس ہیں نوحہ کُناں ہے ماں
میدانِ کربلا میں۔۔۔
بالی سکینہ نیگ میں اب کیا طلب کرے
کرب و بلا لرزتی ہے زینب کے بین سے
کھا کر سِناں روانہ ہوئے تم سُوئے جناں
میدانِ کربلا میں ۔۔۔۔۔
شامِ غریباں آ گئی خیمے سُلگ اُٹھے
بچے تمام خاک پہ پیاسےے ہی سو گئے
اکبر پھُوپھی کے شانوں میں باندھتی ہے ریسماں
میدانِ کربلا میں۔۔۔
خنجر تلے حسین نے تم کو کیا تھا یاد
ماں زندہ لاش ہو گئی اکبر تمہارے بعد
ایسے گئے ہو گھر سے کے ملتا نہیں نشاں
میدانِ کربلا میں۔۔۔
ہمشکلِ مصطفیٰ تھے دلوں کا قرار تھے
تم تو ضعیف باپ کا دار و مدار تھے
ہے تیرے بعد گلشنِ شبیر میں خزاں
میدانِ کربلا میں۔۔۔
ناصر جوانیئے علی اکبر کا واسطہ
نوحے میں اپنے جس گھڑی ریحان نے دیا
سر پر ردائے زہرا ہوئی مثلِ سائباں
میدانِ کربلا میں۔۔۔