kya poochte ho abide khasta jigar ka haal
gham se kabhi bukhaar ki eeza se thay nidhaal
abbas o aur qasim o akbar ka tha malaal
yaad aa rahe thay aun o mohamed se naunehaal
ashoor ka tha din to qayamat ki raat thi
namoose mustufa ki hifazat ki raat thi
kya poochte ho…
jab zaalimo ne aag lagayi qayaam may
quwwat nahi thi utne ki paa'ye imam may
dena tha imtehan bhi ek raahe shaam may
ek daagh aur bad gaya maahe tamam may
qaimon may aag se thi jo zainab ko bekali
sajjad uth khade hue kehkar ke ya ali
kya poochte ho…
qaima jala to khaak ke upar basar hui
mushkil tha aaj subho ka hona magar hui
har baat zaalimo se jo ki be-asar hui
abid ko jab aseeri ki apni khabar hui
kehne lage ke jaata hoo baba salam lo
haq may mere huzoor duaon se kaam lo
kya poochte ho…
sar karbala ko aapne kis sabr se kiya
mere liye hai koofe se taa shaam faasla
kuch kam nahi hai waise to mera bhi hausla
namoose mustufa ka hai dar pesh marhala
jayengi nange sar phupi darbar e shaam may
dekhunga mai ye taab kahan hai ghulam may
kya poochte ho…
itne may qaid karne ko aa pahunche ashkiyan
kehne lage phupi se ye bemaar e karbala
balon se moo chupa lo jo sar par nahi rida
manzil kathin hai aaj ki behtar kare khuda
mushkil may ya ali madadi kehna baar baar
bachon se aur bali sakina se hoshiyaar
kya poochte ho…
abid ki natawani pe hairaan thay layeen
manzil ko sar karega ye aata na tha yaqeen
ye itna ghamzada hai ke mar jayega kahin
iske sabaat o himmat o jurrat pe aafreen
ye azm hai ke khafila salaar ban gaya
aisa chala ke waqt ki raftaar ban gaya
kya poochte ho…
yun karbala se ujda hua khafila chala
jaise kisi ka khafila salaar mar gaya
oonto se girte jaate thay bache bhi jan bajan
aayi sar e hussain se be-saakhta sada
kis haal may ho bachi pe meri nazar nahi
zainab sakina gir gayi tumko khabar nahi
kya poochte ho…
khaame ko rok dil may nahi taab ay urooj
purnam hai saari mehfile ehbaab ay urooj
umda hua ashkon ka sailaab ay urooj
gulshan nabi ke deen ka shadab ay urooj
ya rab mai jee raha hoo panjetan ke saath
mehshar bhi mai rahoo mai isi anjuman ke saath
kya poochte ho…
کیا پوچھتے ہو عابدِ خستہ جگر کا حال
غم سے کبھی بُخار کی ایذا سے تھے نڈھال
عباس و اور قاسم و اکبر کا تھا ملال
یاد آ رہے تھے عون و محمد سے نو نہال
عاشور کا تھا دن تو قیامت کی رات تھی
ناموسِ مُصطفیٰ کی حفاطت کی رات تھی
کیا پوچھتے ہو ۔۔۔
جب ظالموں نے آگ لگائی خیام میں
قوت نہیں تھی اُٹھنے کی پائی امام میں
دینا تھا امتحاں بھی اک راہِ شام میں
اک داغ اور پڑ گیا ماہِ تمام میں
خیموں میں آگ سے تھی جو زینب کو بے کلی
سجاد اُٹھ کھڑے ہوئے کہہ کر کے یا علی
کیا پوچھتے ہو ۔۔۔
خیمہ جلا تو خاک کے اوپر بسر ہوئی
مشکل تھا آج صبح کا ہونامگر ہوئی
ہر بات ظالموں سے جو کی بے اثر ہوئی
عابد کو جب اسیری کی اپنی خبر ہوئی
کہنے لگے کہ جاتا ہوں بابا سلام لو
حق میں میرے حضور دُعائوں سے کام لو
کیا پوچھتے ہو ۔۔۔
سر کربلا کو آپ نے کس صبر سے کیا
میرے لیئے ہے قوفے سے تا شام فاصلہ
کچھ کم نہیں ہے ویسے تو میرا بھی حوصلہ
ناموسِ مُصطفیٰ کا ہے در پیش مرحلہ
جائینگی ننگے سر پھُوپھی دربارِ شام میں
دیکھوں گا میں یہ تاب کہاں ہے غلام میں
کیا پوچھتے ہو ۔۔۔
اتنے میں قید کرنے کو آ پہنچے اشقیائ
کہنے لگے پھُوپھی سے یہ بیمارِ کربلا
بالوں سے منہ چھپالو جو سر پر نہیں ردا
منزل کٹھن ہے آج کی بہتر کرے خُدا
مشکل میںیا علی مدد کہنا بار بار
بچوں سے اور بالی سکینہ سے ہوشیار
کیا پوچھتے ہو ۔۔۔
عابد کی ناتوانی پہ حیران تھے لعیں
منزل کو سر کرے گا یہ آتا نہ تھا یقیں
یہ اتنا غم زدہ ہے کہ مر جائے گا کہیں
اس کے ثبات و ہمت و جرا،ت پہ آفریں
یہ عزم ہے کہ قافلہ سالار بن گیا
ایسا چلا کہ وقت کی رفتار بن گیا
کیا پوچھتے ہو ۔۔۔
یوں کربلا سے اُجڑا ہوا قافلہ چلا
جیسے کسی کا قافلہ سالار مر گیا
اونٹوں سے گرتے جاتے تھے بچے بھی جابجا
آئی سرِ حُسین سے بے ساختہ صدا
کس حال میں ہو بچی پہ میری نظر نہیں
زینب سکینہ گِر گئی تم کو خبر نہیں
کیا پوچھتے ہو ۔۔۔
خامہ کو روک دل میں نہیں تاب اے عروج
پرنم ہے ساری محفلیں احباب اے عروج
عمڑا ہوا ہے آشکوں کا سیلاب اے عروج
گلشن نبی کے دین کا ہے شاداب اے عروج
یارب میں جی رہا ہوں غم پنجتن کے ساتھ
محشر میں بھی رہوں میں اسی انجمن کے ساتھ
کیا پوچھتے ہو ۔۔۔