zainabe muztar hai aur manzar pa manzar karbala
khoon rulwati rahegi zindagi bhar karbala
maut ki aaghosh mein bete ne wo angdayi li
saath jis angdayi ke sarwar ki beenayi gayi
khoon mein tar akbar hue ke khoon mein tar karbala
zainabe muztar hai...
khoon rulwati...
behgaya pani to phir sari umeedein rehgayi
hasratein sab sher ki mitti mein milkar rehgayi
warna ghazi ko thi kooze ke barabar karbala
zainabe muztar hai…
khoon rulwati...
nafse dauran rukgayi aur aasman sakte mein hai
aur udhar qaime ke dar par ek maa sajde mein hai
bezaban ke saath hai payka ki zad par karbala
zainabe muztar hai...
khoon rulwati...
haye wo ek natawan aur aahni tauqe giran
aur wo bemaar ke talwon mein kaante al-aman
ro rahi hai paaye abid se lipat kar karbala
zainabe muztar hai...
khoon rulwati...
shaahe deen teeron pe tehra hai tera jisme figaar
zere khanjar thi magar yun mehve zikre kirdigaar
aagayi hai tere sajde mein simat kar karbala
zainabe muztar hai...
khoon rulwati...
har nafas hai ye dua apni azadari rahe
majlis-o-matam ka har ek silsila jaari rahe
hashr tak shahid ho yuhin ashke sarwar karbala
zainabe muztar hai...
khoon rulwati...
زینبِ مضطر ہے اور منظر پہ منظر کربلا
خون رُلواتی رہے گی زندگی بھر کر بلا
موت کی آغوش میں بیٹے نے وہ انگڑائی لی
ساتھ جس انگڑائی کے سرور کی بینائی گئی
خون میں تر اکبر ہوئے کے خون میں تر کر بلا
زینبِ مضطر ہے۔۔۔
خون رُلواتی ۔۔۔
بہہ گیا پانی تو پھر ساری اُمیدیں رِہ گئیں
حسرتیں سب شیر کی مٹی میں مل کر رِہ گئیں
ورنہ غازی کو تھی کُوزے کے برابر کربلا
زینبِ مضطر ہے۔۔۔
خون رُلواتی ۔۔۔
نفسِ دوراں رُک گئی اور آسماں سکتے میں ہے
اور اُدھر خیمے کے در پر اک ماں سجدے میں ہے
بے زباں کیساتھ ہے پیکا کی زد پرکربلا
زینبِ مضطر ہے۔۔۔
خون رُلواتی ۔۔۔
ہائے وہ اک ناتواں اور آہنی طوقِ گِراں
اور وہ بیمار کے تلووں میں کانٹے الاماں
رو رہی ہے پائے عابد سے لپٹ کر کربلا
زینبِ مضطر ہے۔۔۔
خون رُلواتی ۔۔۔
شاہِ دیں تیروں پہ ٹھہرا ہے تیرا جسمِ فگار
زیرِ خنجر تھی مگر یوں محوِ ذکرِ کردگار
آگئی ہے تیرے سجدے میں سمٹ کر کربلا
زینبِ مضطر ہے۔۔۔
خون رُلواتی ۔۔۔
ہر نفس ہے یہ دعا اپنی عزاداری رہے
مجلس و ماتم کا ہر اک سلسلہ جاری رہے
حشر تک شاہد ہو یوں ہی اشکِ سرور کر بلا
زینبِ مضطر ہے۔۔۔
خون رُلواتی ۔۔۔