ay momino jab majlise shabbir mein aana
bachon ka tumhe waasta ye bhool na jaana
ye soch ke jee khol ke tum ashq bahana
majlis jahan hogi wahan aati hai sakina
pani na mila aaj bhi pyasi hai sakina
pyasi hai sakina haye pyasi hai sakina
allah kare aaye kabhi aisa zamana
ho shaam ke zindan ki taraf aap ka jaana
phat jayega dil dekh ke wo gham ka thikana
behaal hui qabr mein soti hai sakina
pani na mila aaj bhi pyasi hai sakina
yun jaanibe darya gaye abbase dilawar
aur darya se mashqeeza bhara ba-dile muztar
darya ki har ek mauj ye kehti thi tadap kar
hai teesra din haaye tadapti hai sakina
pani na mila aaj bhi pyasi hai sakina
shaam aagayi jab chaane laga ban mein andhera
zainab ne kiya bhai ke laashe pe ye nauha
kya tumne sakina ko kahin dekha hai bhaiya
ek kooza liye dasht mein aayi hai sakina
pani na mila aaj bhi pyasi hai sakina
jab gyara moharram ko suye shaam sidhari
darya ki taraf dekh ke zainab ye pukari
abbas na mar jaye bhatiji ye tumhari
behaal meri godh mein soti hai sakina
pani na mila aaj bhi pyasi hai sakina
is tarha sitam dhaate hai ab zulm ke baani
laakar ye bhare kooze baha dete hai pani
kuch aur bhi bad jaati hai yun tashna dahani
bhai ki taraf dekh ke roti hai sakina
pani na mila aaj bhi pyasi hai sakina
aansu abhi bachi ke nahi paaye thay thamne
phir maar diya durra kisi ehle sitam ne
sajjad ko har gaam rulaaya isi gham ne
is umr mein ye sakhtiyan sehti hai sakina
pani na mila aaj bhi pyasi hai sakina
durro ki aziyat se tadapti hai hazeena
dukhta hai badan siskiyan leti hai sakina
sone ke liye paas nahi baba ka seena
ek kone mein sehmi hui baithi hai sakina
pani na mila aaj bhi pyasi hai sakina
ye zulm bhi kamsin pe sitamgaaro ne dhaaya
rakha hai usay qaid wahan par yak o tanha
rehta hai jahan din mein qayamat ka andhera
darr darr ke na mar jaaye akeli hai sakina
pani na mila aaj bhi pyasi hai sakina
kehta hai suno haaton ko jode huwe gowhar
aaj aise bahe aankhon se ashkon ka samandar
ye kehti huwi jaaye na shabbir ki dukhtar
lab khushk zaban sookhi hai roti hai sakina
pani na mila aaj bhi pyasi hai sakina
اے مومنوں جب مجلس شببر میں آنا
بچوں کا تمہیں واسطہ یہ بھول نہ جانا
یہ سوچ کے جی کھول کے تم اشک بہانا
مجلس جہاں ہوگی وہاں آتیں ہیں سکینہ
پانی نہ ملا آج بھی پیاسی ہیں سکینہ
پیاسی ہیں سکینہ ہاے پیاسی ہیں سکینہ
الله کرے آے کبھی ایسا زمانہ
ہو شام کے زندان کی طرف آپ کا جانا
پھٹ جاییگا دل دیکھ کے وہ غم کا ٹھکانہ
بے حال ہوئی قبر میں سوتی ہے سکینہ
پانی نہ ملا آج بھی پیاسی ہیں سکینہ
یوں جانب دریا گئے عبّاس دلاور
اور دریا سے مشکیزہ بھرا بادل مضطر
دریا کی ہر اک موج یہ کہتی تھی تڑپ کر
ہے تیسرا دن ہاے تڑپتی ہے سکینہ
پانی نہ ملا آج بھی پیاسی ہیں سکینہ
شام آگئی جب چھانے لگا بن میں اندھیرا
زینب نے کیا بھائی کے لاشے پہ یہ نوحہ
کیا تم نے سکینہ کو کہیں دیکھا ہے بھیا
اک کوزہ لئے دشت میں آی ہے سکینہ
پانی نہ ملا آج بھی پیاسی ہیں سکینہ
جب گیارہ محرم کو سوے شام سدھاری
دریا کی طرف دیکھ کے زینب یہ پکاری
عبّاس نہ مرجاے بھتیجی یہ تمہاری
بے حال میری گود میں سوتی ہے سکینہ
پانی نہ ملا آج بھی پیاسی ہیں سکینہ
اس طرح ستم ڈھاتے ہیں اب ظلم کے بانی
لاکر یہ بھرے کوزے بہا دیتے ہیں پانی
کچھ اور بھی بڑھ جاتی ہے یوں تشنہ دہانی
بھائی کی طرف دیکھ کے روتی ہے سکینہ
پانی نہ ملا آج بھی پیاسی ہیں سکینہ
آنسو ابھی بچی کے نہیں پاے تھے تھمنے
پھر مار دیا درّا کسی اہل ستم نے
سجاد کو ہر گام رلایا اسی غم نے
اس عمر میں یہ سختیاں سہتی ہیں سکینہ
پانی نہ ملا آج بھی پیاسی ہیں سکینہ
دروں کی اذیت سے تڑپتی ہے حزینہ
دکھتا ہے بدن سسکیاں لیتی ہے سکینہ
سونے کے لئے پاس نہیں بابا کا سینہ
اک کونے میں سہمی ہوئی بیٹھی ہے سکینہ
پانی نہ ملا آج بھی پیاسی ہے سکینہ
یہ ظلم بھی کمسن پے ستمگاروں نے ڈھایا
رکھا ہے اسے قید وہاں یکا و تنہا
رہتا ہے جہاں دن میں قیامت کا اندھیرا
ڈر ڈر کے نہ مر جائے اکیلی ہے سکینہ
پانی نہ ملا آج بھی پیاسی ہیں سکینہ
کہتا ہے سنو ہاتھوں کو جوڑے ہوے گوھر
آج ایسے بہے آنکھوں سے اشکوں کا سمندر
یہ کہتی ہوئی جائے نہ شببر کی دختر
لیب خشک زباں سوکھی ہے روتی ہے سکینہ
پانی نہ ملا آج بھی پیاسی ہیں سکینہ