ye meri laadli haye sakina
chale jab aakhri ruqsat ko sarwar
kaha zainab se ay mazloom khwahar
zara le aao tum baqar ko jaa kar
jab aaya ibne abid hukm paa kar
kaha baqar se sheh ne gham na karna
ke tere saath hai meri sakina
ye meri laadli…
ye khud pyasi rahegi dukh sahegi
magar pyasa tumhe rehne na degi
ye khud ro kar tujhe rone na degi
ye raahe shaam mein saaya karegi
tujhe ek pal na chodegi akela
ye meri laadli…
kaha zainab se phir ay meri khwahar
chinegi jab tumhare sar se chadar
tamache kha ke bhi ye meri dukhtar
kabhi hone na degi tumko muztar
ye balon se karegi tum pe saaya
ye meri laadli…
jaga kar ghash se ye abid ko bole
hussain ibne ali ay laal mere
jab hongi bediyan pairon mein tere
sitamgar jab tujhe sone na denge
karegi tauq ko ashkon se thanda
ye meri laadli…
agarche kaan honge uske zakhmi
bandhi hongi galay mein uske rassi
kayi din aur kayi shab ki ye jaagi
kisi pe dukh na ye zaahir karegi
har ek pal dhyan rakhegi tumhara
ye meri laadli…
isay seene pe tum apne sulana
sare naiza mera sar na dikhana
hamari laash pe isko na laana
na dil iska kabhi zainab dukhana
na dekhe zakhmi akbar ka kaleja
ye meri laadli…
ali asghar jo tha chota sa bhaiya
hai sar uska sina par ye na kehna
mila hai khaak ka isko bichono
tadap kar jaan dedegi sakina
bhala dekhegi kyun asghar ka laasha
ye meri laadli…
ye keh kar rodiye khud shaahe wala
likho rehaan us manzar pe noha
raza jisko padhe qarya ba qarya
har ek ahle aza ho mehve girya
kahe maula dua degi hamesha
ye meri laadli…
یہ میری لاڈلی ہائے سکینہ
چلے جب آخری رُخصت کو سرور
کہا زینب سے اے مظلوم خواہر
ذرا لے آئو تم باقر کو جا کر
جب آیا ابنِ عابد حکم پا کر
کہا باقر سے شہہ نے غم نہ کرنا
کے تیرے ساتھ ہے میری سکینہ
یہ میری لاڈلی۔۔۔
یہ خود پیاسی رہے گی دُکھ سہے گی
مگر پیاسا تمہیں رہنے نہ دے گی
یہ خود رو کر تجھے رونے نہ دے گی
یہ راہِ شام میں سایہ کرے گی
تجھے اک پل نہ چھوڑے گی اکیلا
یہ میری لاڈلی۔۔۔
کہا زینب سے پھر اے میری خواہر
چھِنے گی جب تمہارے سر سے چادر
تماچے کھا کے بھی یہ میری دُختر
کبھی ہونے نہ دے گی تم کو مضطر
یہ بالوں سے کرے گی تم پہ سایہ
یہ میری لاڈلی۔۔۔
جگا کر غش سے یہ عابد کو بولے
حسین ابنِ علی اے لال میرے
جب ہونگی بیڑیاں پیروں میں تیرے
ستمگار جب تجھے سونے نہ دینگے
کرے گی طوق کو اشکوں سے ٹھنڈا
یہ میری لاڈلی۔۔۔
اگرچہ کان ہونگے اُس کے زخمی
بندھی ہو گی گلے میں اُس کے رسی
کئی دن اور کئی شب کی یہ جاگی
کسی پہ دُکھ نہ یہ ظاہر کرے گی
ہر اک پل دھیان رکھے گی تمہارا
یہ میری لاڈلی۔۔۔
اسے سینے پہ تم اپنے سُلانا
سرِ نیزہ میرا سر نہ دیکھانا
ہماری لاش پہ اس کو نہ لانا
نہ دل اسکا کبھی زینب دُکھانا
نہ دیکھے زخمی اکبر کا کلیجہ
یہ میری لاڈلی۔۔۔
علی اصغر جو تھا چھوٹا سا بھیا
ہے سر اُس کا سِناں پر یہ نہ کہنا
ملا ہے خاک کا اس کو بچھونا
تڑپ کر جان دے دے گی سکینہ
بھلا دیکھے گی کیوں اصغر کا لاشہ
یہ میری لاڈلی۔۔۔
یہ کہہ کر رو دیئے خود شاہِ والا
لکھو ریحان اُس منظر پہ نوحہ
رضا جس کو پڑھے کریہ با کریہ
ہر اک اہلِ عزا ہو محوِ گریہ
کہے مولا دعا دے گی ہمیشہ
یہ میری لاڈلی۔۔۔