shareeke daawate islam hai abu talib
nabi ko haq ka ek inaam hai abu talib
hari mein wahi mein ilham hai abu talib
haram ke azm ka ehram hai abu talib
ye sunke laaye jo ghuncha wo phool ho jaye
phir inki godh mein pal kar rasool ho jaye
shareeke daawate islam...
rasoole rab ke nigehban hai abu talib
nabi hai deen to emaan hai abu talib
nuzoole wahi ka unwan hai abu talib
baghair lafzon ka quran hai abu talib
inhi ke dam se hui ibtedae bismillah
inhi ne nukta diya zere baa-e-bismillah
shareeke daawate islam...
payambari ki bhala'on ka rad abu talib
madad khuda ki hai shakle madad abu talib
nabi ki dhaal dame jiddo kad abu talib
nishana khatme rasul aur zad abu talib
jihad inka hai pas manzare jihade ali
ali hai baad mein inke ye pehle nade ali
shareeke daawate islam...
kahan hai tang nazar hum se bhi to aankh mila
hai inke kufr ka daawa to kuch sabooot bhi la
koi to rasm jihalat ki inke ghar mein dikha
buton ke aage jhuka inka sar sar apna jhuka
khuda ke noor pe o khaak daalne wale
ye bud-shikan ko hai godhi mein paalne wale
shareeke daawate islam...
rasool inka bada ehteraam karte hai
sawabe deed se tanzeem e aam karte hai
sehr ko uth'te hi awwal ye kaam karte hai
inhe namaz se pehle salam karte hai
nabi agar kisi kaafir ko yun salami hai
to phir zaroor nabuwat mein koi khaami hai
shareeke daawate islam...
inhi ke ghar mein khairul anaam salle alaa
pisar nabi ka hai qaayam maqam salle alaa
kisay naseeb hai ye ehteram salle alaa
ke inke khurd hai saare imam salle alaa
khata muaf ho ye bhi agar nahi momin
to phir jahan mein koi bashar nahi momin
shareeke daawate islam...
na jaanchiye ye rawayat na seerat o kirdar
nabi ke ankh se ab inko dekiye ek baar
ye baargah e risalat mein aap ka tha wiqar
pachade khaake inhe roye ahmade mukhtar
wo aam e huzn bana inka jab wisaal hua
ye gham rasool ke ummat mein ek saal hua
shareeke daawate ...
ye marne waala gar emaan hi na laaya tha
to kya rasool ne kaafir ka gham manaya tha
zaban pe wa-abata baar baar aaya tha
wo khud bhi roye thay auron ko bhi rulaya tha
jata diya tha ke jo mohsin e risalat hai
to usko rona rulana nabi ki sunnat hai
shareeke daawate ...
ye baat agar ho ijazat to poochlun mai yahin
hussain ibne ali kya nahi thay mohsin-e-deen
ham inko roye to phir kyon ho koi chi bajabi
bane thay inka to naaqa rasoole arsh nashin
hussain soye shahe mursali ke seene par
ghazab hai shimr ka zaanu unhi ke seene par
shareeke daawate ...
bagoshe hosh ku jab haale karbala suniye
suna jo mere tasavvur ne jo wo zara suniye
bayan himmat o sabr e shahe huda suniye
wo aati hai malakul maut ki sada suniye
mila jo hukm ke sar se nikaal jaan e hussain
kaha ke saqt hai ya rab ye imtehane hussain
shareeke daawate ...
laga hai zakhme tabar beh raha hai sar se lahoo
bhare hai khoon mein jaane rasool ke gaysu
khareeb jaake rakhun dil pe kis tarha khaboo
ke is lahoo mein to hai fatema ke doodh ki boo
nida ye aayi ke aankhein to daal aankhon mein
kaha behan ka hai is dam khayal aankhon mein
shareeke daawate ...
nida ye aayi ki gardan se khaynch jaan inki
kaha mai kya karoon gardan pe chal rahi hai churi
churi pakad ke ye chillati hai koi bibi
na zibha kar mere bache ko mai dua doongi
jahan rawan tere khanjar ki aab hai zaalim
ye bosagah e risalat maab hai zaalim
shareeke daawate ...
nida ye aayi ki seene se qabz karle jaan
kaha ke teero se chalni hai ay mere rehman
abhi to maarke barchi hata hai ek shaitan
aur ab to hai tahe zaanu e shimr ye quran
ye karb hai ke rukhe paak gard hai ya rab
tere hussain ke seene mein dard hai ya rab
shareeke daawate ...
nida ye aayi ke mazloomiyat ke rutba shina
kamar se khaynch le saabir ki jaan bewaswa
kaha malak ne tadap kar ba dard o hasrat o yaas
kamar to toot gayi jab se margaye abbas
sada e ghaib ye aayi bahaal hai chehra
kaha hai khoon se asghar ke laal hai chehra
shareeke daawate ...
ye guftugu thi ke murjha gaya rasool ka phool
falak se aagaye roohul ameen hazeeno malool
kaha pukaar ke moo dhamp lo bara e-rasool
pisar ki laash pe kholengi apne baal batool
sada ye sunke usi simt chal padi zainab
tadap ke qaime se bahar nikal padi zainab
shareeke daawate ...
naseem udhar se to khudsi ki ye sada aayi
idhar tadapti hui binte murtaza aayi
khareeb e laash jo khaahar basad buka aayi
aqi ke halqe bureeda se ye sada aayi
koi buzurg na ab hai na khurd hai zainab
nabi ki aal tumhare sipurd hai zainab
shareeke daawate ...
شریکِ دعوتِ اسلام ہے ابو طالب
نبی کو حق کا اک انعام ہے ابو طالب
حریم میں وحی میں الہام ہے ابو طالب
حرم کے عظم کا احرام ہے ابو طالب
یہ سُن کے لائے جو غنچہ وہ پھول ہو جائے
پھر اُن کی گود میں پل کر رسول ہو جائے
شریکِ دعوت اسلام۔۔۔
رسولِرب کا نگہبان ہے ابوطالب
ہے دین تو ایمان ہے ابوطالب نبی
نزولِ وحی کا عنوان ہے ابوطالب
بغیر لفظوں کا قرآن ہے ابوطالب
انہی کے دم سے ہوئی ابتدائ بسم اللہ
انہی نے نقطہ دیا زیرِبا ئِ بسم اللہ
شریکِ دعوت اسلام۔۔۔
پیعمبری کی بھلائوں کا رد ابوطالب
مدد خُدا کی ہے شکلِ مدد ابوطالب
نبی کی ڈھال دمِ جَدو کد ابوطالب
نشانہ ختم ِرسل اور زد ابوطالب
جہاد ان کا ہے پسِ منظر جہادِ علی
علی ہیں بعد میں ان کے یہ پہلے نادِ علی
شریکِ دعوت اسلام۔۔۔
کہاں ہے تنگ نظر ہم سے بھی تو آنکھ ملا
ہے ان کے کُفر کا دعوہ تو کُچھ ثبوت بھی لا
کوئی تو رسم جہالت کی ان کے گھر میں دِکھا
بُتوں کے آگے جُھکا ا ن کاسر سر اپنا جُھکا
خُدا کے نُور پہ او خاک ڈالنے والے
یہ بُت شکن کو ہیں گودی میں پالنے والے
شریکِ دعوت اسلام۔۔۔
رسول ان کا بڑا احترام کرتے ہیں
ثوابِ دید سے تنظیمِ عام کرتے ہیں
سحر کو اُٹھتے ہی اول یہ کام کرتے ہیں
انہیں نماز سے پہلے سلام کرتے ہیں
نبی کسی کافر کو یوں سلامی ہے
تو پھر ضرور نبوت میں کوئی خامی ہے
شریکِ دعوت اسلام۔۔۔
انہی کے گھر میں خیراُلانعام صلے علیٰ
پسر نبی کا ہے قائم مقام صلے علیٰ
کسے نصیب ہے یہ احترام صلے علیٰ
کہ ان کے خُرد ہیں سارے امام صلے علیٰ
خطا معاف ہو یہ بھی اگر نہیں مومن
تو پھر جہاں میں کو ئی بشر نہیں مومن
شریکِ دعوت اسلام۔۔۔
نہ جانچیئے یہ روایت نہ سیرت و کردار
نبی کی آنکھ سے ان کو دیکھیئے اک بار
یہ بارگاہِ رسالت میں آپ کا تھا وقار
پچادے خاکے انہیں روئے احمدِ مُختار
وہ عامِ حُزن بنا ان کا جب وصال ہوا
یہ غم رسول کی اُمت میں اک سال ہوا
شریکِ دعوت ۔۔۔
یہ مرنے والا گر ایمان ہی نہ لایا تھا
تو کیا رسول نے کافر کا غم منایا تھا
زُبان پہ وا اباۃٰ بار بار آیا تھا
وہ خود بھی روئے تھے اوروں کو بھی رُلایا تھا
جتا دیا تھا کہ جو مُحسنِ رسالت ہے
تو اُسکو رونا رُلانا نبی کی سُنت ہے
شریکِ دعوت ۔۔۔
یہ بات اگر ہو اجازت تو پُوچھ لوں میں یہیں
حُسین ابنِ علی کیا نہیں تھے مُحسن ِدیں
ہم ان کو روئیں تو پھر کیوںہو چیں با جبیں
بنے تھے ان کا تو ناقہ رسولِ عرشِ نشیں
حُسین سوئے شہِ مُرسل کے سینے پر
غضب ہے شمر کا زانوں اُنہیں کے سینے پر
شریکِ دعوت ۔۔۔
بگوشِ ہوش کیوں جب حالِ کربلا سُنیئے
سُنا جو میرے تصور نے جو وہ ذرا سُنیئے
بیان ہمتِ صبر و شاہ ِالھُدیٰ سُنیئے
وہ آتی ہے ملک ُالموت کی صدا سُنیئے
مِلا جو حُکم کہ سر سے نکال جانِ حُسین
کہا کہ سخت ہے یا رب یہ امتحانِ حُسین
شریکِ دعوت ۔۔۔
لگا ہے زخم تبر بہہ رہا ہے سر سے لہو
بھرے ہیں خون میں جانِ رسول کے گیسُو
قریب جا کے رکھوں دل پہ کس طرح قابو
کہ اس لہو میں تو ہے فاطمہ کے دودھ کی بُو
ندا یہ آئی کہ آنکھیں تو ڈال آنکھو ں میں
کہا بہن کا ہے اس دم خیال آنکھوں میں
شریکِ دعوت ۔۔۔
ندا یہ آئی کہ گردن سے کھینچ جان ان کی
کہا میں کیا کروں گردن پہ چل رہی ہے چُھری
چُھری پکڑ کہ یہ چلاتی ہے کوئی بی بی
نہ ذبح کر میرے بچے کو میں دُعا دوں گی
جہاں رواں تیرے خنجر کی آب ہے ظالم
یہ بوسہ گاہِ رسالتِ مآب ہے ظالم
شریکِ دعوت ۔۔۔
ندا یہ آئی کہ سینے سے قبض کر لے جان
کہا کہ تیروں سے چھلنی ہے اے میرے رحمان
ابھی تو مار کے برچھی ہٹا ہے اک شیطان
اور اب تو ہے تہہِ زانوئے شمر یہ قرآن
یہ کرب ہے کے رُخِ پاک گردہے یا رب
تیرے حُسین کے سینے میں درد ہے یا رب
شریکِ دعوت ۔۔۔
ندا یہ آئی کہ مظلومیت کا رُتبہ شناس
کمر سے کھینچ لے صابر کی جانِ بیوسواس
کہا ملک نے تڑپ کر با درد و حسرت و یاس
کمر تو ٹوٹ گئی جب سے مر گئے عباس
صدائے غیب یہ آئی بحال ہے چہرہ
کہا ہے خون سے اصغر کے لال ہے چہرہ
شریکِ دعوت ۔۔۔
یہ گُفتگُو تھی کہ مُرجھا گیا رسول کا پُھول
فلک سے آگئے رُوحُ الامین حزین و ملول
کہا پُکار کے مُنہ ڈھانپ لوبرائے رسول
پسر کی لاش پہ کُھولیں گی اپنے بال بتول
صدا یہ سُن کے اس سمت چل پڑی زینب
تڑپ کے خیمے سے باہر نکل پڑی زینب
شریکِ دعوت ۔۔۔
نسیم اُدھر سے تو قُدسی کی صدا آئی
ادھر تڑپتی ہوئی بنتِ مُرتُضٰی آئی
قریبِ لاش جوخواہر بصد بُقا آئی
اخی کے حلقِ بُریدہ سے یہ صدا آئی
کوئی بزرگ نہ اب ہے نہ خُرد ہے زینب
نبی کی آل تمہارے سپرد ہے زینب
شریکِ دعوت ۔۔۔