hote rehte thay jise hulla-e-firdos ata
wo shahenshahe zaman jisko kafan bhi na mila
wo muhamad ka nawasa wo hussain ibne ali
gulshan e fatema zehra ki wo masoom kali
naam hai panjatan e paak mein ba harfe jali
hurmate deen-e-khuda jis ki shahadat mein dhali
hote rehte thay jise hulla-e-firdos ata
wo shahenshahe zaman...
jhoola jibreel ne bachpan mein jhulaya wo hussain
dosh par jisko payambar ne bithaya wo hussain
jis pe quran ke paaron ka tha saaya wo hussain
pani dil khol ke dushman ko pilaya wo hussain
haye us bekas-o-nadaar ko pani na diya
wo shahenshahe zaman...
dasht mein ghayr liya jisko bulakar mehman
saamne jis ke tadapta raha akbar sa jawan
khaynchli jisne jawan bete ke seene se sina
jiske haathon pe huwa qatl pisar guncha dahan
aakhri naasir-e-mazloom bhi jis ka na raha
wo shahenshahe zaman...
khoob rote hai jo apna koi mar jaata hai
laasha be waali-o-waris ka kafan paata hai
aur taras khaake usay koi bhi dafnata hai
taziyat ke liye dushman bhi chala aata hai
haye afsos jigar gosha-e-mehboob-e-khuda
wo shahenshahe zaman...
haye pamaal huwi laashe hussain ibne ali
bhai ki laash pe mazloom bahan ro na saki
laashe uryan pe lahoo chasme falak roti thi
kalma padte thay payambar ka aur haste thay shaki
laash par jamti thi khaaq aur ye deti thi sada
wo shahenshahe zaman...
parchame hazrate abbas uthane waale
rahe abaad azakhane sajane waale
aur salamat rahay nauhon ko sunane waale
ghame sarwar mein hai jo ashk bahane waale
fatema zehra unhe khuld mein deti hai dua
wo shahenshahe zaman...
zikre maula mein qalam rok na apna mehshar
dekh zainab ke nahi sar pe abhi tak chadar
pursa deta rahe ashaar se sheh ka mehshar
rak tasawur mein ke hai dasht mein laashe sarwar
laashe uryaan ko udata rahe nauhon ki rida
wo shahenshahe zaman...
ہوتے رہتے تھے جسے ہُلہِ فردوس عطا
وہ شہنشاہِ زمن، جس کو کفن بھی نہ ملا
وہ محمد کا نواسہ وہ حسین ابنِ علی
گُلشنِ فاطمہ زہرا کی وہ معصوم کلی
نام ہے پنجتنِ پاک میں با حرفِ جلی
حُرمتِ دینِ خدا جس کی شہادت میں ڈھلی
ہوتے رہتے تھے جسے ہُلہِ فردوس عطا
وہ شہنشاہِ زمن۔۔۔
جھُولا جبرئیل نے بچپن میں جھُلایا وہ حسین
دوش پر جسکو پیعمبر نے بٹھایا وہ حسین
جس پہ قرآن کے پاروں کا تھا سایہ وہ حسین
پانی دل کھول کے دشمن کو پلایا وہ حسین
ہائے اُس بے کس و نادار کو پانی نہ دیا
وہ شہنشاہِ زمن۔۔۔
دشت میں گھیر لیا جس کو بُلا کر مہما ں
سامنے جس کے تڑپتا رہا اکبر سا جواں
کھینچ لی جس نے جواں بیٹے کے سینے سے سِناں
جس کے ہاتھوں پہ ہوا قتل پِسر غنچہ دہن
آخری ناصرِ مظلوم بھی جس کا نہ رہا
وہ شہنشاہِ زمن۔۔۔
خوب روتے ہیں جو اپنا کوئی مر جاتا ہے
لاشہ بے والی و وارث کا کفن پاتا ہے
اور ترس کھا کہ اُسے کوئی بھی دفناتا ہے
تعزیت کے لیے دشمن بھی چلا آتا ہے
ہائے افسوس جگر گوشہِ محبوب ِ خدا
وہ شہنشاہِ زمن۔۔۔
ہائے پامال ہوئی لاشِ حسین ابنِ علی
بھائی کی لاش پہ مظلوم بہن رو نہ سکی
لاشِ عُریاں پائی لہو چشم، فلک روتی تھی
کلمہ پڑھتے تھے پیعمبر کا اور ہنستے تھے شقی
لاش پر جمتی تھی خاک اور یہ دیتی تھی صدا
وہ شہنشاہِ زمن۔۔۔
پرچمِ حضرتِ عباس اُٹھانے والے
رہیں آباد اعزا خانے سجانے والے
اور سلامت رہیں نوحوں کو سُنانے والے
غمِ سرور میں ہیں جو اشک بہانے والے
فاطمہ زہرا اُنہیں خُلد میں دیتی ہیں دُعا
وہ شہنشاہِ زمن۔۔۔
ذکر ِ مولا میں قلم روک نہ اپنا محشر
دیکھ زینب کے نہیں سر پہ ابھی تک چادر
پُرسہ دیتا رہے اشعار سے شہہ کا محشر
رکھ تصور میں کے ہے دشت میں لاشِ سرور
لاشِ عُریاں کو اُڑھاتا رہے نوحوں کی ردا
وہ شہنشاہِ زمن۔۔۔