himmat na haarna abhi
rehwaar ek nasheb mein le chal hussain ko
zainab na dekh le sar e maqtal hussain ko
is waqt hai badan pa mere zakhm beshumar
hamsheer ki nigaah na pad jaaye hoshiyar
aa jayegi tadap ke behen suye kaar zaar
ye fikr khaa rahi hai musalasal hussain ko
rehwaar ek nasheb mein...
maqtal mein maut zakhmi badan ke khareeb hai
yaseen kab se pyase dahan ke khareeb hai
zehra ka chand ran mein gahan ke khareeb hai
ghere huwe hai fauj ka badal hussain ko
rehwaar ek nasheb mein...
aaqa ki bekasi pe na dil ko malool kar
ay zuljanah aakhri zehmat qubool kar
mujhko behan ki samt na le jaana bhool kar
tadpa rahi hai teeron ki halchal hussain ko
rehwaar ek nasheb mein...
ghurbat mein kya hussain tujhe raahwar de
tujhko sila wafaon ka parwardigar de
basti mein jaa ke pusht se apni utaar de
dena hai imtehan mukammal hussain ko
rehwaar ek nasheb mein...
khanjar layeen sookhe galay par chalayega
tan par mere libaas talak bach na payega
meri behen se haal ye dekha na jayega
aata hai ye khayaal har ek pal hussain ko
rehwaar ek nasheb mein...
tooti hui kamar mein qayamat ka dard hai
kab se bhari hui mere zakhmon mein gard hai
chehra tamaam pyaas ki shiddat se zard hai
mil jaaye maa ka dhoop mein aanchal hussain ko
rehwaar ek nasheb mein...
waqte qaza kuch aur meri fikr badh gayi
zainab talaash karne bulandi pa chad gayi
mar jayegi nazar jo kahin mujhpe pad gayi
aaghosh mein chupale ay jangal hussain ko
rehwaar ek nasheb mein...
zakhmi hussain soch rahe hai sipaah mein
sar se rida ko phaynk ke bhai ki chaah mein
ghabra ke aa na jaaye behen qatl gaah mein
mushkil ka ab bata de koi hal hussain ko
rehwaar ek nasheb mein...
dushman khiza thi aamir o akhtar bahaar ki
takta tha zuljanah bhi surat sawaar ki
gardan pa jhuk ke kehte sheh raahwar ki
kar de behen ki aankhon se ojhal hussain ko
rehwaar ek nasheb mein...
ہمت نہ ہارنا ابھی
رہوار ایک نشیب میں لے چل حسین کو
زینب نہ دیکھ لے سر مقتل حسین کو
اس وقت ہے بدن پہ میرے زخم بے شمار
ہمشیر کی نگاہ نہ پڑ جائے ہوشیار
آ جائے گی تڑپ کے بہن سوے کار زار
یہ فکر کھا رہی ہے مسلسل حسین کو
رہوار ایک نشیب میں۔۔۔
مقتل میں موت زخمی بدن کے قریب ہے
یاسین کب سے پیاسے دہن کے قریب ہے
زہرا کا چاند رَن میں گہن کے قریب ہے
گھیرے ہوئے ہے فوج کا بادل حسین کو
رہوار ایک نشیب میں۔۔۔
آقا کی بیکسی پہ نہ دل کو ملول کر
اے ذولجناح آخری زحمت قبول کر
مجھکو بہن کی سمت نہ لے جانا بھول کر
تڑپا رہی ہے تیروں کی ہلچل حسین کو
رہوار ایک نشیب میں۔۔۔
غربت میں کیا حسین تجھے راہوار دے
تجھکو صلہ وفاؤں کا پروردگار دے
بستی میں جا کے پشت سے اپنی اتار دے
دینا ہے امتحان مکمل حسین کو
رہوار ایک نشیب میں۔۔۔
خنجر لعین سوکھے گلے پر چلاے گا
تن پر میرے لباس تلک بچ نہ پائے گا
میری بہن سے حال یہ دیکھا نہ جائے گا
آتا ہے یہ خیال ہر ایک پل حسین کو
رہوار ایک نشیب میں۔۔۔
ٹوٹی ہوئی کمر میں قیامت کا درد ہے
کب سے بھری ہوئی میرے زخموں میں گرد ہے
چہرہ تمام پیاس کی شدت سے زرد ہے
مل جائے ماں کا دھوپ میں آنچل حسین کو
رہوار ایک نشیب میں۔۔۔
وقتِ قضا کچھ اور میری فکر بڑھ گیء
زینب تلاش کرنے بلندی پہ چڑھ گیء
مر جائے گی نظر جو کہیں مجھ پہ پڑ گیء
آغوش میں چھپا لے اے جنگل حسین کو
رہوار ایک نشیب میں۔۔۔
زخمی حسین سوچ رہے ہیں سپاہ میں
سر سے ردا کو پھینک کے بھائی کی چاہ میں
گھبرا کے آ نہ جائے بہن قتل گاہ میں
مشکل کا اب بتا دے کوی حل حسین کو
رہوار ایک نشیب میں۔۔۔
دشمن خزاں تھی عامر و اختر بہار کی
تکتا تھا ذولجناح بھی صورت سوار کی
گردن پہ جھک کے کہتے شہ راہوار کی
کر دے بہن کی آنکھوں سے اوجھل حسین کو
رہوار ایک نشیب میں۔۔۔