sawaale hurmate kaaba hai kya kare abbas
behen hujoom mein tanha hai kya kare abbas
ye ghairaton ke liye ek sawaal hai ke nahi
to ab sina pe teherna muhaal hai ke nahi
aseer zainabe kubra hai kya kare abbas
sawaale hurmate kaaba...
bharosa jin pe tha tukdon mein ab wo bat bhi chuke
jo thay rida ke muhafiz wo haath kat bhi chuke
nigaah mein koi waada hai kya kare abbas
sawaale hurmate kaaba...
waraq waraq hai badan aur qalam qalam shaane
ghulam par jo guzarti hai koi kya jaane
sina ki nok pe aaqa hai kya kare abbas
sawaale hurmate kaaba...
banun sakina ka saqqa badi tamanna thi
mila dun qaime se darya badi tamanna thi
ab aankh khoon ka darya hai kya kare abbas
sawaale hurmate kaaba...
wo jisne pyason se waada kiya tha pani ka
haram ko jis pe bharosa tha paasbani ka
kata hua wohi shaana hai kya kare abbas
sawaale hurmate kaaba...
sina ki nok se akbar ki pyaas bujh bhi chuki
sitam ke teer se asghar ki pyaas bujh bhi chuki
sakina aaj bhi tashna hai kya kare abbas
sawaale hurmate kaaba...
jo zakhm khud ko mile unki koi fikr nahi
magar sakina ko durre laga rahe hai layeen
ye zakhm to abhi taaza hai kya kare abbas
sawaale hurmate kaaba...
ajeeb hashr hai aaakhon mein aamir o nayyar
rula raha hai lahoo dil ko shaam ka manzar
labon pe ek hi nauha hai kya kare abbas
sawaale hurmate kaaba...
سوال حرمت کعبہ ہے کیا کرے عباس
بہن ہجوم میں تنہا ہے کیا کرے عباس
یہ غیرتوں کے لئے ایک سوال ہے کہ نہیں
تو اب سناں پہ ٹہرنا محال ہے کہ نہیں
اسیر زینب کبرا ہے کیا کرے عباس
سوال حرمت کعبہ۔۔۔
بھروسہ جن پہ تھا ٹکڑوں میں اب وہ بٹ بھی چکے
جو تھے ردا کے محافظ وہ ہاتھ کٹ بھی چکے
نگاہ میں کوئی وعدہ ہے کیا کرے عباس
سوال حرمت کعبہ۔۔۔
ورق ورق ہے بدن اور قلم قلم شانے
غلام پر جو گزرتی ہے کوی کیا جانے
سناں کی نوک پہ آقا ہے کیا کرے عباس
سوال حرمت کعبہ۔۔۔
بنوں سکینہ کا سقہ بڑی تمنا تھی
ملا دوں خیمے سے دریا بڑی تمنا تھی
اب آنکھ خون کا دریا ہے کیا کرے عباس
سوال حرمت کعبہ۔۔۔
وہ جس نے پیاسوں سے وعدہ کیا تھا پانی کا
حرم کو جس پہ بھروسہ تھا پاسبانی کا
کٹا ہوا وہی شانہ ہے کیا کرے عباس
سوال حرمت کعبہ۔۔۔
سناں کی نوک سے اکبر کی پیاس بجھ بھی چکی
ستم کے تیر سے اصغر کے پیاس بجھ بھی چکی
سکینہ آج بھی تشنہ ہے کیا کرے عباس
سوال حرمت کعبہ۔۔۔
جو زخم خود کو ملے ان کی کوئی فکر نہیں
مگر سکینہ کو درے لگا رہے ہیں لعیں
یہ زخم تو ابھی تازہ ہے کیا کرے عباس
سوال حرمت کعبہ۔۔۔
عجیب حشر ہے آنکھوں میں عامر و نیر
رلا رہا ہے لہو دل کو شام کا منظر
لبوں پہ ایک ہی نوحہ ہے کیا کرے عباس
سوال حرمت کعبہ۔۔۔