aabaad ghar hussain ka veeran hogaya
shehre rasoole haq bada sunsaan hogaya
jalti zameen pa gir pade jab akbare jawan
laashe pa shaah pahunche to andher tha jahan
laila se dekha jayega kis tarha ye samaan
kadiyal jawan ke seene mein tooti hui sina
aabaad ghar hussain ka...
aankhon mein sheh ki deed ka armaan labon pa jaan
haa’el hai darmiyan mein ek teere jaa nisan
rone lage tadap ke shahenshahe ins o jaan
aabaad ghar hussain ka...
kya hausle thay tifle shahe benazeer ke
thay nehr par buland iraade sagheer ke
tewar ayan thay rukh se janab e ameer ke
nanha sa ek gala tha muqabil mein teer ke
aabaad ghar hussain ka...
beta khada hai saamne aur berida behan
jakda hua hai tauq o salasil mein saara tan
baba ki laash ran mein hai begor o bekafan
sadme se kaampne laga sajjad ka badan
aabaad ghar hussain ka...
karbobala se kaarwan kufa hua rawan
oonton ki nangi pusht pa baithi hai bibiyan
hai sar khula har ek ka baazu mein reesman
zainab tadap ke dekhti hai suye aasman
aabaad ghar hussain ka...
tareek qaid khane mein jab khafila gaya
ro kar sakina boli ke amma ye kya hua
kya waqt meri maut ka nazdeek aagaya
bano pukari ye na kaho meri dilruba
aabaad ghar hussain ka...
tashte tila mein farqe shahe deen tha rakha
aur ek taraf khada hua kunba rasool ka
honton pa phir hussain ke wo zulm hogaya
zainab ka natawan badan kaampta raha
aabaad ghar hussain ka...
jaari thay qaidiyon pa mazalim ke silsile
asnaa e raahe kufa mein thay sakht marhale
oonton se gir ke mar gaye bacche hussain ke
godi ghareeb maaon ki veeran kar gaye
aabaad ghar hussain ka...
tha hichkiyon ke darmiyan khwahar ka ye bayan
hai shiddate atash se mere khushk ustokhwan
thandi jagah pa dafn karo hum ko bhai jaan
sar ko jhukaye rote thay sajjade natawan
aabaad ghar hussain ka...
hai zikr subho shaam shahe mashraqain ka
karbal ke tashna kaam ka zehra ke chain ka
matam hai dilbare shahe badr o hunain ka
ahsan hayat apni hai sadqa hussain ka
aabaad ghar hussain ka...
آباد گھر حسین کا ویران ہو گیا
شہر رسول حق بڑا سنسان ہو گیا
جلتی زمیں پہ گر پڑے جب اکبر جواں
لاشے پہ شاہ پہنچے تو اندھیر تھا جہاں
لیلیٰ سے دیکھا جائے گا کس طرح یہ سماں
کڑیل جواں سینے میں ٹوٹی ہوئی سناں
آباد گھر حسین کا۔۔۔
آنکھوں میں شہ کی دید کا ارماں لبوں پہ جاں
حایل ہے درمیان میں ایک تیر جا نساں
رونے لگی تڑپ کے شہنشاہ انس و جاں
آباد گھر حسین کا۔۔۔
کیا حوصلے تھے طفل شہ بے نزیر کے
تھے نہر پر بلند ارادے صغیر کے
تیور عیاں تھے رخ سے جناب امیر کے
ننھا سا ایک گلا تھا مقابل میں تیر کے
آباد گھر حسین کا۔۔۔
بیٹا کھڑا ہے سامنے اور بے ردا بہن
جکڑا ہوا ہے طوق و سلاسل میں سارا تن
بابا کی لاش رن میں ہے بے گور و بے کفن
صدمے سے کانپنے لگا سجاد کا بدن
آباد گھر حسین کا۔۔۔
کربوبلا سے کارواں کوفہ ہوا رواں
اونٹوں کی ننگی پشت پہ بیٹھی ہیں بی بیاں
ہے سر کھلا ہر ایک کا بازو میں ریسماں
زینب تڑپ کے دیکھتی ہے سوئے آسماں
آباد گھر حسین کا۔۔۔
تاریک قید خانے میں جب قافلہ گیا
رو کر سکینہ بولی کہ اماں یہ کیا ہوا
کیا وقت میری موت کا نزدیک آ گیا
بانو پکاری یہ نہ کہو میری دلربا
آباد گھر حسین کا۔۔۔
طشت طلا میں فرق شہ دین تھا رکھا
اور ایک طرف کھڑا ہوا کنبہ رسول کا
ہونٹوں پہ پھر حسین کے وہ ظلم ہو گیا
زینب کا ناتوان بدن کانپتا رہا
آباد گھر حسین کا۔۔۔
جاری تھے قیدیوں پہ مظالم کے سلسلے
اثنائے راہ کوفہ میں تھے سخت مرحلے
اونٹوں سے گر کے مر گےء بچے حسین کے
گودی غریب ماؤں کی ویران کر گےء
آباد گھر حسین کا۔۔۔
تھا ہچکیوں کے درمیاں خواہر کا یہ بیاں
ہے شدت عطش سے میرے خشک استخواں
ٹھنڈی جگہ پہ دفن کرو ہم کو بھای جاں
سر کو جھکائے روتے تھے سجاد ناتواں
آباد گھر حسین کا۔۔۔
ہر ذکر صبح و شام شہ مشرقین کا
کربل کے تشنہ کام کا زہرا کے چین کا
ماتم ہے دلبر شہ بدر و حنین کا
احساں حیات اپنی ہے صدقہ حسین کا
آباد گھر حسین کا۔۔۔