ay doston kami na ho ab shor o shain mein
zainab bhi hai aza e shahe mashraqain mein
phat jaye dil wo dard hai dukhiya ke bain mein
lo fatema bhi aagayi bazme hussain mein
chehre pe khaak baal pareshan kiye huwe
godhi mein ek nanha sa laasha liye huwe
goya ye keh rahi hai batool e falak maqam
ay bewatan ke taziyadaron mera salaam
matlab ye hai ke aaj majalis hui tamam
ruqsat talab hai ahle aza maadar e imam
dil par hujoom hai gham o ranj o malaal ka
pursa batool o paak ko do unke laal ka
rolo ke ye tazkira e gham bhi khatm hai
fasle aza e sarwar e aalam bhi khatm hai
matam karo ke aaj ye matam bhi khatm hai
majlis bhi marsiya bhi moharram bhi khatm hai
hyder bhi sab ke saath hi aansu bahate hai
yaaro hussain taaziya khane se jaate hai
ay rone waalon aankhon se darya e khoon bahao
matam karo hussain ka sar par khaak udao
farshe aza lapet ke rakho alam badhao
das din ka mehman chala taaziya uthao
ashkon ki nazr de ke imame anaam ko
ruqsat karo hussain e alaihis salaam ko
ro kar kaho ke ay shahe abraar alwida
ay kaarwan e dard ke salaar alwida
ay ummate rasool ke ghamkhwar alwida
kadiyal jawan pisar ke azadaar alwida
kya jaane agle saal jiye ya marenge hum
par qabr mein bhi taziyadari karenge hum
ay be-dayar o be-sar o samaan alwida
ay ummate rasool ke mehman alwida
hyder ki rooh fatema ki jaan alwida
ay mustafa ki godh ke quran alwida
ashre ke khatm hote hi hum se bichad gaye
maula tumhare taaziya khane ujad gaye
اے دوستوں کمی نہ ہو اب شور و شین میں
زینب بھی ہے عزاے شہ مشرقین میں
پھٹ جائے دل وہ درد ہے دکھیا کے بین میں
لو فاطمہ بھی آ گیء بزم حسین میں
چہرے پہ خاک بال پریشاں کیےء ہوے
گودی میں ایک ننھا سا لاشہ لیےء ہوئے
گویا یہ کہہ رہی ہے بتول فلک مقام
اے بیوطن کے تعزیہ داروں میرا سلام
مطلب یہ ہے کہ آج مجالس ہوی تمام
رخصت طلب ہے اہلِ عزا مادر امام
دل پر ہجوم ہے غم و رنج و ملال کا
پرسہ بتول پاک کو دو ان کے لال کا
رو لو کہ یہ تذکرہء غم بھی ختم ہے
فصل عزاے سرور عالم بھی ختم ہے
ماتم کرو کہ آج یہ ماتم بھی ختم ہے
مجلس بھی مرثیہ بھی محرم بھی ختم ہے
حیدر بھی سب کے ساتھ ہی آنسوں بہاتے ہیں
یارو حسین تعزیہ خانے سے جاتے ہیں
اے رونے والوں آنکھوں سے دریاے خوں بہاؤ
ماتم کرو حسین کا سر پر خاک اڑاؤ
فرش عزا لپیٹ کے رکھو علم بڑھاؤ
دس دن کا مہمان چلا تعزیہ اٹھاؤ
اشکوں کی نظر دے کے امام انام کو
رخصت کرو حسین علیہ السلام کو
رو کر کہو کہ اے شہ ابرار الوداع
اے کاروان درد کے سالار الوداع
اے امت رسول کے غم خوار الوداع
کڑیل جواں پسر کے عزادار الوداع
کیا جانے اگلے سال جیےء یا مریں گے ہم
پر قبر میں بھی تعزیہ داری کریں گے ہم
اے بے دیارو بے سرو سامان الوداع
اے امت رسول کے مہمان الوداع
حیدر کی روح فاطمہ کی جان الوداع
اے مصطفیٰ کی گود کے قرآن الوداع
عشرے کے ختم ہوتے ہی ہم سے بچھڑ گئے
مولا تمہارے تعزیہ خانے اجڑ گئے