ghira hai chaand ali ka sitam ke baadal mein
amaan kahin nahi taygh o sina ke jangal mein
hussain jhoom rahe hai faras pa maqtal mein
ye ran mein asr ko zehra ke lab pa nauha hai
sitamgaron mera bekas hussain pyasa hai
har ek zakhme badan khoon fishan hai pyase ka
laga hai teer jabeen par to qalb par naiza
kahin sina tan e majrooh par kahin bhaala
koi churi koi khanjar chalane waala hai
sitamgaron mera bekas...
wo pyaas hai ke nigahon mein sab jahan hai dhuaan
wo qalb mein rahi quwat na tan mein taab o tawaan
ali ka laal faras par hai khoon mein ghaltan
ghareeb o bekas o mazloom be-sahara hai
sitamgaron mera bekas...
kamar shikasta hai bhai ke gham mein sarwar ki
utha chuke hai zaeefi mein laash akbar ki
nazar mein laash hai pamaal ibne shabbar ki
abhi to haathon pa asghar ne teer khaaya hai
sitamgaron mera bekas...
jo bosagahe mohamed pa taygh chalti hai
to gham se khwahare shabbir haath malti hai
gala hai khushk to ruk ruk ke jaan nikalti hai
zameen kaampti hai aasman ko larza hai
sitamgaron mera bekas...
pisar ke sog mein jee se guzarne waale ko
ab aur jeene ka armaan na karne waale ko
chale hai maarne jallaad marne waale ko
jise bhi dekhiye pyase ke khoon ka pyasa hai
sitamgaron mera bekas...
layeen karta hai jab azme qatl pyase ka
pisar ke halq pa rakh deti hai gala zehra
fiza mein karbobala ki ye goonjti hai sada
mere hussain ko naazon se maine paala hai
sitamgaron mera bekas...
nabi ki godh ka paala shaheed hota hai
fiza ko sakta hai darya tadap ke rota hai
bala ke bann mein ye jawed hashr barpa hai
muheet e aalam e imkan sada e zehra hai
sitamgaron mera bekas...
گھرا ہے چاند علی کا ستم کے بادل میں
اماں کہیں نہیں تیغ و سناں کے جنگل میں
حسین جھوم رہے ہیں فرس پہ مقتل میں
یہ رن میں عصر کو زہرا کے لب پہ نوحہ ہے
ستمگروں میرا بیکس حسین پیاسا ہے
ہر ایک زخم بدن خوں فشاں ہے پیاسے کا
لگا ہے تیر جبیں پر تو قلب پر نیزہ
کہیں سناں تن مجروح پر کہیں بھالا
کوی چھری کوی خنجر چلانے والا ہے
ستمگروں میرا بیکس۔۔۔
وہ پیاس ہے کہ نگاہوں میں سب جہاں ہے دھواں
وہ قلب میں رہی قوت نہ تن میں تاب و تواں
علی کا لال فرس پر ہے خون میں غلطاں
غریب و بیکس و مظلوم بے سہارا ہے
ستمگروں میرا بیکس۔۔۔
کمر شکستہ ہے بھای کے غم میں سرور کی
اٹھا چکے ہے ضعیفی میں لاش اکبر کی
نظر میں لاش ہے پامال ابنِ شبر کی
ابھی تو ہاتھوں پہ اصغر نے تیر کھایا ہے
ستمگروں میرا بیکس۔۔۔
جو بوسہ گاہ محمد پہ تیغ چلتی ہے
تو غم سے خواہر شبیر ہاتھ ملتی ہے
گلا ہے خشک تو رک رک کے جاں نکلتی ہے
زمین کانپتی ہے آسماں کو لرزا ہے
ستمگروں میرا بیکس۔۔۔
پسر کے سوگ میں جی سے گزرنے والے کو
اب اور جینے کا ارمان کرنے والے کو
چلے ہیں مارنے جلاد مرنے والے کو
جسے بھی دیکھیےء پیاسے کے خون کا پیاسا ہے
ستمگروں میرا بیکس۔۔۔
لعین کرتا ہے جب ازم قتل پیاسے کا
پسر کے حلق پہ رکھ دیتی ہے گلا زہرا
فضا میں کربوبلا کی یہ گونجتی ہیں صدا
میرے حسین کو نازوں سے میں نے پالا ہے
ستمگروں میرا بیکس۔۔۔
نبی کی گود کا پالا شہید ہوتا ہے
فضا کو سکتا ہے دریا تڑپ کے برپا ہے
بلا کے بن میں یہ جاوید حشر برپا ہے
محیط عالم امکان صداے زہرا ہے
ستمگروں میرا بیکس۔۔۔