mera hussain tadapta hai khaake maqtal par
hai waqt asr ka aur karbala mein hai mehshar
zameen e garm pa ghash mein hai fatema ka pisar
layeen hai seene pa gardan mein zulm ka khanjar
ye ran mein karti hai faryad binte paighambar
mera hussain tadapta...
falak nasheen zameen par gira hai wawaila
hazaar zakhm hai sookha gala hai wawaila
usi ke halq pa khanjar chala hai wawaila
hai bosagahe nabi aur shimr ka khanjar
mera hussain tadapta...
kamar khameeda hai gham hai usay baradar ka
abhi uthaaya hai laasha jawaan akbar ka
abhi to taaza hai gham dil pa qatle asghar ka
abhi nazar mein hai qasim ki laash ka manzar
mera hussain tadapta...
tha mera laal nashana sina o khanjar ka
gale pa teer hai maathe pa zakhm pathar ka
bhara hai zakhmon se saara badan dilawar ka
lahoo ghamon se hai mazloom ka dil e muztar
mera hussain tadapta...
huwe hai qatl nigahon ke aage peer o jawan
wo bekasi thi ke paighambaron ne ki hai fughan
jari ne dekhi hai bete ke dil mein noke sina
uthaaya bekas o tanha ne laasha e akbar
mera hussain tadapta...
wo pyaas hai ke nazar mein dhuaan ho saara jahan
utha hai dil mein sakina ki yaad ka toofan
faza mein goonj rahi hai haram ki aah o fughan
sadayein deta hai abbas ko mera dilbar
mera hussain tadapta...
na gham gusaar hai beta hai aur na bhai hai
tadapke zainabe muztar hi rann mein aayi hai
madad ka waqt hai ya mustafa duhaai hai
hai khaak o khoon mein ghaltan tumhara noor e nazar
mera hussain tadapta...
hai zere khanjaron khoon khaar tashnakaam pisar
hai zibha karne ko tayyaar zaalime khud sar
ulat do rann ki zameen ab to faatahe khyber
shaheed hota hai beta tumhara ya hyder
mera hussain tadapta...
mere pisar pa layeeno ki fauj chaayi hai
ghareeb bekas o tanha hai benawayi hai
kisi ne taygh kisi ne sina lagayi hai
sawaar shimr hai bekas ke zakhmi seene par
mera hussain tadapta...
hai kayenaat mein jawed is fughan ka asar
falak larazte hai kaun o makan mein hai mehshar
zameen kaampti hai khoon rote hai pathar
jo bain karti hai zehra pisar ki baali par
mera hussain tadapta...
میرا حسین تڑپتا ہے خاک مقتل پر
ہے وقت عصر کا اور کربلا میں ہے محشر
زمین گرم پہ غش میں ہے فاطمہ کا پسر
لعیں ہے سینے پہ گردن میں ظلم کا خنجر
یہ رن میں کرتی ہے فریاد بنت پیغمبر
میرا حسین تڑپتا۔۔۔
فلک نشیں زمیں پر گرا ہے واویلا
ہزار زخم ہے سوکھا گلا ہے واویلا
اسی کے حلق پہ خنجر چلا ہے واویلا
ہے بوسہ گاہ نبی اور شمر کا خنجر
میرا حسین تڑپتا۔۔۔
کمر خمیدہ ہے غم ہے اسے برادر کا
ابھی اٹھایا ہے لاشہ جواں اکبر کا
ابھی تو تازہ ہے غم دل پہ قتل اصغر کا
ابھی نظر میں ہے قاسم کی لاش کا منظر
میرا حسین تڑپتا۔۔۔
تھا میرا لال نشانہ سنا و خنجر کا
گلے پہ تیر ہے ماتھے پہ زخم پتھر کا
بھرا ہے زخموں سے سارا بدن دلاور کا
لہو غموں سے ہے مظلوم کا دل مضطر
میرا حسین تڑپتا۔۔۔
ہوے ہیں قتل نگاہوں کے آگے پیر و جواں
وہ بیکسی تھی کہ پیغمبروں نے کی ہے فغاں
جری نے دیکھی ہے بیٹے کے دل میں نوک سناں
اٹھایا بیکس و تنہا نے لاشہء اکبر
میرا حسین تڑپتا۔۔۔
وہ پیاس ہے کہ نظر میں دھواں ہو سارا جہاں
اٹھا ہے دل میں سکینہ کی یاد کا طوفاں
فضا میں گونج رہی ہے حرم کی آہ و فغاں
صداییں دیتا ہے عباس کو میرا دلبر
میرا حسین تڑپتا۔۔۔
نہ غم گسار ہے بیٹا ہے اور نہ بھائی ہے
تڑپ کے زینب مضطر ہی رن میں آی ہے
مدد کا وقت ہے یا مصطفیٰ دہائی ہے
ہے خاک خوں میں غلطاں تمہارا نور نظر
میرا حسین تڑپتا۔۔۔
ہے زیر خنجروں خوں خار تشنہ کام پسر
ہے ذبح کرنے کو تیار ظالم خود سر
الٹ دو رن کی زمین اب تو فاتح خیبر
شہید ہوتا ہے بیٹا تمہارا یا حیدر
میرا حسین تڑپتا۔۔۔
میرے پسر پہ لعینوں کی فوج چھای ہے
غریب بیکس و تنہا ہے بینوای ہے
کسی نے تیغ کسی نے سناں لگای ہے
سوار شمر ہے بیکس کے زخمی سینے پر
میرا حسین تڑپتا۔۔۔
ہے کاینات میں جاوید اس فغاں کا اثر
فلک لرزتے ہیں کون و مکاں میں ہے محشر
زمین کانپتی ہے خون روتے ہیں پتھر
جو بین کرتی ہے زہرا پسر کی بالی پر
میرا حسین تڑپتا۔۔۔