jab aayi shaam ki basti mein nange sar zainab
aseer o muztar o betaab o nauhagar zainab
moo apna baalon se dhaampe thi oonth par zainab
ye roke kehti thi har dam ba chashme tar zainab
behen husain ki hoon fatema ki jaayi hoon
mai karbala e moalla se lut ke aayi hoon
ujaad maariya mein ho gaya chaman mera
bichad gaya ali akbar sa gul badan mera
hua shaheed har ek sher saf shikan mera
lahoo rulaata hai khud mujhko ye sukhan mera
behen husain ki hoon...
sakina bibi ne tab haath jod kar ye kaha
sina se dekho to ye zulm ye sitam baba
phupi ke nauhe se dil hota hai taho baala
ke shaam waalon ne mujhko nahi hai pehchana
behen husain ki hoon...
na koi raah mein aaram hai na soti hoon
tadapti rehti hoon behaal gham se hoti hoon
ghame faraaq mein moo aansuon se dhoti hoon
ye bain karti hoon aur subho shaam roti hoon
behen husain ki hoon...
nahaar oonto ki thaame hai abid e muztar
kahin se aag barasti hai aur kahin pathar
aseer e tauq o salasil hai kya kare laaghar
wo mar na jaaye kahin mera marsiya sun kar
behen husain ki hoon...
ye baat shaam ke logon ko kya khabar na hui
ke ye jo oonton pe aaye hai sar khule qaidi
falak nasheen hai in qaidiyon mein har bibi
khudara shaam ke logo ko ye bataye koi
behen husain ki hoon...
suna hai hoga ta'arruf abhi yahan mera
zameen chupale mujhe ya uthale mujhko khuda
na sun sakungi shaqi ki zaban se naam apna
sunoo bhi kaise gawara lahoo nahi karta
behen husain ki hoon...
zameen dabeer ki tazmeen hai ye mazhar ki
fughan labon pe hai irfan gham ke manzar ki
azaan e ranjo alam hai ye qalbe muztar ki
sada rulayegi ta hashr binte hyder ki
behen husain ki hoon...
جب آی شام کی بستی میں ننگے سر زینب
اسیر و مضطر و بیتاب و نوحہ گر زینب
منہ اپنا بالوں سے ڈھانپے تھی اونٹ پر زینب
یہ روکے کہتی تھی ہر دم بہ چشمِ تر زینب
بہن حسین کی خوں فاطمہ کی جای ہوں
میں کربلائے معلٰی سے لٹ کے آی ہوں
اجاڑ ماریہ میں ہو گیا چمن میرا
بچھڑ گیا علی اکبر سا گل بدن میرا
ہوا شہید ہر ایک شیر صف شکن میرا
لہو رُلاتا ہے خود مجھ کو یہ سُخن میرا
بہن حسین کی ہوں۔۔۔
سکینہ بی بی نے تب ہاتھ جوڑ کر یہ کہا
سناں سے دیکھو تو یہ ظلم یہ ستم بابا
پھپھی کے نوحے سے دل ہوتا ہے تہہ و بالا
کہ شام والوں نے مجھکو نہیں ہے پہچانا
بہن حسین کی ہوں۔۔۔
نہ کوئی راہ میں آرام ہے نہ سوتی ہوں
تڑپتی رہتی ہوں بے حال غم سے ہوتی ہوں
غم فراق میں منہ آنسوؤں سے دھوتی ہوں
یہ بین کرتی ہوں اور صبح شام روتی ہوں
بہن حسین کی ہوں۔۔۔
مہار اونٹوں کی تھامے ہے عابد مضطر
کہیں سے آگ برستی ہے اور کہیں پتھر
اسیر طوق و سلاسل ہے کیا کرے لاغر
وہ مر نہ جائے کہیں میرا مرثیہ سن کر
بہن حسین کی ہوں۔۔۔
یہ بات شام کے لوگوں کو کیا خبر نہ ہوئی
کہ یہ جو اونٹوں پہ آے ہے سر کھلے قیدی
فلک نشیں ہے ان قیدیوں میں ہر بی بی
خدارا شام کے لوگوں کو یہ بتانے کوی
بہن حسین کی ہوں۔۔۔
سنا ہے ہوگا تعارف ابھی یہاں میرا
زمیں چھپالے مجھے یا اٹھالے مجھکو خدا
نہ سن سکوں گی شقی کی زباں سے نام اپنا
سنوں بھی کیسے گوارا لہو نہیں کرتا
بہن حسین کی ہوں۔۔۔
زمیں دبیر کی تعظیم ہے یہ مظہر کی
فغاں لبوں پہ ہے عرفان غم کے منظر کی
اذان رنج و الم ہے یہ قلب مضطر کی
صدا رلاے گی تا حشر بنت حیدر کی
بہن حسین کی ہوں۔۔۔