ay ghareeb e zahra ay ghareeb e zahra
asr e ashoor ye ek maa ki hai maqtal mein sada
ay ghareeb e zahra ay ghareeb e zahra
mere bete mai teri pyaas bujhaun kaise
kund khanjar se tujhe laal bachaun kaise
khaak maqtal mein uda kar ye pukari mamta
ay ghareeb e zahra...
subhe ashoor se ab tak thay jo muztar laashe
tu ne kaandhon pe uthaye wo ekhattar laashe
gham ye hai tujhko mayassar nahi koi kaandha
ay ghareeb e zahra...
teer hi teer badan mein hai nikaale koi
maa tadapti hai tujhe laal bachaale koi
phir ye boli tera akbar tera ghazi na raha
ay ghareeb e zahra...
shimr khanjar na chala maa ye tadap kar boli
mar chuka laal mera waqte zohr pehle hi
qasim o akbar o asghar ka utha kar laasha
ay ghareeb e zahra...
mere shabbir ki hai teeron pe mayyat ghazi
hai sabab iska tumhari ye shahadat ghazi
laashe abbas pe maa kehti hai kar ke girya
ay ghareeb e zahra...
qatl ke baad ye sadma mujhe tadpayega
sar e naiza mere bete tera sar jayega
sang maarega tere sar pe ye shaam o kufa
ay ghareeb e zahra...
shimr se apni sakina ko bachana beta
tum wahan jaa ke usay saath mein laana beta
qaid khane mein sakina jo kare wavaila
ay ghareeb e zahra...
hai ye waada tere yasir ko shifa'at doongi
tere ghamkhwar ko jannat ki zamanat doongi
jab bhi sajid mujhe dega tere gham ka pursa
ay ghareeb e zahra...
اے غریب زہرا اے غریب زہرا
عصرِ عاشور یہ ایک ماں کی ہے مقتل میں صدا
اے غریب زہرا اے غریب زہرا
میرے بیٹے میں تیری پیاس بجھاؤں کیسے
کند خنجر سے تجھے لال بچاؤں کیسے
خاک مقتل میں اڑا کر یہ پکاری ممتا
اے غریب زہرا۔۔۔
صبحِ عاشور سے اب تک تھے جو مضطر لاشے
تو نے کاندھوں پہ اٹھاے وہ اکہتر لاشے
غم یہ ہے تجھکو میسر نہیں کوئی کاندھا
اے غریب زہرا۔۔۔
تیر ہی تیر بدن میں ہے نکالے کوئی
ماں تڑپتی ہے تجھے لال بچا لے کوئی
پھر یہ بولی تیرا اکبر تیرا غازی نہ رہا
اے غریب زہرا۔۔۔
شمر خنجر نہ چلا ماں یہ تڑپ کر بولی
مر چکا لال میرا وقتِ ظہر پہلے ہی
قاسم و اکبر و اصغر کا اٹھا کر لاشہ
اے غریب زہرا۔۔۔
میرے شبیر کی ہے تیروں پہ میت غازی
ہے سبب اس کا تمہاری یہ شہادت غازی
لاشے عباس پہ ماں کہتی ہے کر کے گریہ
اے غریب زہرا۔۔۔
قتل کے بعد یہ صدمہ مجھے تڑپاے گا
سر نیزہ میرے بیٹے تیرا سر جاے گا
سنگ مارے گا تیرے سر پہ یہ شام و کوفہ
اے غریب زہرا۔۔۔
شمر سے اپنی سکینہ کو بچانا بیٹا
تم وہاں جا کے اسے ساتھ میں لانا بیٹا
قید خانے میں سکینہ جو کرے واویلا
اے غریب زہرا۔۔۔
ہے یہ وعدہ تیرے یاسر کو شفاعت دونگی
تیرے غم خوار کو جنت کی ضمانت دونگی
جب ساجد مجھے دے گا تیرے غم کا پرسہ
اے غریب زہرا۔۔۔