ye murtajiz se kaha jab uqaab o ashal ne
bayan ho kaise jo manzar dikhaye maqtal ne
kiya sawaron pe saaya ghamon ke badal ne
hamay rulaya hai har ek qadam har ek pal ne
kisi bhi haal may hoga na kam malaal apna
bayan karte hai ek doosre se haal apna
sawaar kho gaye aur raahwar rote rahe
haye ali akbar haye ali akbar
ye ro ke kehne laga raahwar akbar ka
bapa tha qaimon may kohram kaisa manzar tha
mai jab shabih e mohamed ko leke ran ko chala
thay peeche peeche mere baadshah e karbobala
sada ye aati thi kuch dayr to ruko akbar
palat palat ke mujhe dekhte raho akbar
sawaar kho gaye aur...
kaha auqaab ne maidan may yun lade akbar
idhar saron ko udaya udhar bade akbar
lagi jo seene may barchi to gir gaye akbar
mai dekhta hi raha phir na uth sake akbar
sadayein rone ki aane lagi madine se
jo khaynci baap ne barchi pisar ke seene se
sawaar kho gaye aur...
haye abbas haye abbas
ye sun ke ashal e abbas ro ke kehne laga
uthaye mashk o alam jab chale mere maula
nazar may roab tha haathon may ek tha naiza
labe furaat pahunch kar bhara jo mashkeeza
wo mujhse kehte thay ashaal sakina pyasi hai
mujhe khayaam may le chal sakina pyasi hai
sawaar kho gaye aur...
qadam jo maine badhaye to shor uthne laga
na jaaye qaime may abbas sab karo hamla
kate jo haath alam khaak par hua thanda
chidi jo mashk to pani bhi beh gaya saara
laga jo gurz to phir na sambhal sake maula
zameen pe zeen se chehre ke bal gire maula
sawaar kho gaye aur...
haye hussain haye hussain
kaha hussain ke rahwaar ne ye rote huwe
ghareeb e zehra jo maqtal ki simt jaane lage
kiya tha sani e zahra ne khud sawaar aa ke
kaha hussain ne ay murtajiz badho aage
qadam mai kaise badhata sakina lipti thi
na leke ja mere baba ko mujhse kehti thi
sawaar kho gaye aur...
mai apne maula ko maqtal may leke jab pahuncha
ajeeb khauf tha dushman pe sher e hyder ka
akele pyase ko laakhon ne milke ghayr liya
hua ghareeb pe charon taraf se yun hamla
ho garm khaak ya pathar ho teer ya naiza
jo jiske haath may aaya hussain ko maara
sawaar kho gaye aur...
gire zameen pe to sayyeda ne thaam liya
pahunch ke shimr ne khanjar galay pe jab rakha
tadap ke us ghadi zaalim se sayyeda ne kaha
na maar laal mera teen din ka hai pyasa
sadayein deti rahi maa nahi ruka khanjar
mai khaak udhaata raha kat gaya hussain ka sar
sawaar kho gaye aur...
tha murtajiz ka ye zeeshan aur raza nauha
akela laut ke qaimon may jab mai aaya tha
sakina samjhi ke maqtal se aa gaye baba
nazar na aaye jo baba to mujhse ro ke kaha
hai choor zakhmon se kyun tu ne sar jhukaya hai
bata kahan mere baba ko chod aaya hai
یہ مرتجز سے کہا جب عقاب و اشعل نے
بیاں ہوں کیسے جو منظر دکھائے مقتل نے
کیا سواروں پہ سایہ غموں کے بادل نے
ہمیں رلایا ہے ہر اک قدم ہر پل نے
کسی بھی حال میں ہوگا نہ کم ملال اپنا
بیان کرتے ہیں اک دوسرے سے حال اپنا
سوار کھو گئے اور راہوار روتے رہے
ہاے علی اکبر ہاے علی اکبر
یہ روکے کہنے لگا راہوار اکبر کا
بپا تھا خیموں میں کہرام کیسا منظر تھا
میں جب شبیہ محمد کو لیکے رن کو چلا
تھے پیچھے پیچھے میرے بادشاہِ کربوبلا
صدا یہ آتی تھی کچھ دیر تو رکو اکبر
پلٹ پلٹ کے مجھے دیکھتے رہو اکبر
سوار کھو گئے۔۔۔
کہا عقاب نے میداں میں یوں لڑے اکبر
ادھر سروں کو اُڑایا اُدھر بڑھے اکبر
لگی جو سینے میں برچھی تو گر گئے اکبر
میں دیکھتا ہی رہا پھر نہ اُٹھ سکے اکبر
صدائیں رونے کی آنے لگیں مدینے سے
جو کھینچی باپ نے برچھی پسرکے سینے سے
سوار کھو گئے۔۔۔
ہاے عباس ہاے عباس
یہ سنکے اشعلِ عباس روکے کہنے لگا
اُٹھائے مشک و علم جب چلے میرے مولا
نظر میں رعب تھا ہاتھوں میں ایک نیزہ تھا
لبِ فرات پہنچ کر بھرا جو مشکیزہ
وہ مجھسےکہتے تھے اشعل سکینہ پیاسی ہے
مجھے خیام میں لے چل سکینہ پیاسی ہے
سوار کھو گئے۔۔۔
قدم جو میں نے بڑھائے تو شور اُٹھنے لگا
نہ جائے خیمے میں عباس سب کرو حملہ
کٹے جو ہاتھ علم خاک پر ہوا ٹھنڈا
چھدی جو مشک تو پانی بھی بہ گیا سارا
لگا جو گرز تو پھر نا سمبھل سکے مولا
زمیں پہ زین سے چہرے کے بل گرے مولا
سوار کھو گئے۔۔۔
ہاے حسین ہاے حسین
کہا حسین کے رہوار نے یہ روتے ہوئے
غریبِ زہرا جو مقتل کی سمت جانے لگے
کیا تھا ثانی زہرا نے خود سوار آکے
کہا حسین نے اے مرتجز بڑھو آگے
قدم میں کیسے بڑھاتا سکینہ لپٹی تھیں
نہ لیکے جا میرے بابا کو مجھسے کہتی تھیں
سوار کھو گئے۔۔۔
میں اپنے مولا کو مقتل میں لیکے جب پہنچا
عجیب خوف تھا دشمن پہ شیرِ حیدر کا
اکیلے پیاسے کو لاکھوں نے ملکے گھیر لیا
ہوا غریب پہ چاروں طرف سے یوں حملہ
ہو گرم خاک یا پتھر ہو تیر یا نیزہ
جو جسکے ھاتھ میں آیا حسین کو مارا
سوار کھو گئے۔۔۔
گرے زمین پہ تو سیدہ نے تھام لیا
پہنچ کے شمر نے خنجر گلے پہ جب رکھا
تڑپ کے اُس گھڑی ظالم سے سیدہ نے کہا
نہ مار لال میرا تین دن کا ہے پیاسہ
صدائیں دیتی رہی ماں نہیں رُکا خنجر
میں خاک اُڑاتا رہا کٹ گیا حسین کا سر
سوار کھو گئے۔۔۔
تھا مرتجز کا یہ زیشان اور رضا نوحہ
اکیلا لوٹ کے خیموں میں جب میں آیا تھا
سکینہ سمجھی کے مقتل سے آگئے بابا
نظر نہ آئے جو بابا تو مجھسے روکے کہا
ہے چور زخموں سے کیوں تو نے سر جھکایا ہے
بتا کہاں میرے بابا کو چھوڑ آیا ہے