sar jhukaye baithi hai chaar saal ki bacchi
pani ko tarasti hai chaar saal ki bacchi
sab buzurg hasrat se dekhte hai chehre ko
soghwaar baithi hai chaar saal ki bacchi
sar jhukaye baithi hai...
dete hai tasalli sab kya rabab kya zainab
jis ke paas jaati hai chaar saal ki bacchi
sar jhukaye baithi hai...
apne baap ka laasha raat ke andhere may
dhoondne nikalti hai chaar saal ki bacchi
sar jhukaye baithi hai...
karwatein badalti hai uski laash maqtal may
jis ka naam leti hai chaar saal ki bacchi
sar jhukaye baithi hai...
maut ki sadaon ne itna dil dukhaya hai
aahaton se darti hai chaar saal ki bacchi
sar jhukaye baithi hai...
goshwaar chinte hai aur tamache lagte hai
girti hai sambhalti hai chaar saal ki bacchi
sar jhukaye baithi hai...
ek pahaad bano ke dil pa aur tootega
lo jahan se uth'ti hai chaar saal ki bacchi
sar jhukaye baithi hai...
kal tha baap ka seena waalida ka aanchal tha
ab lehad may soti hai chaar saal ki bacchi
sar jhukaye baithi hai...
ab ye haal hai ishrat peet'ti hai sar bano
jab bhi yaad aati hai chaar saal ki bacchi
sar jhukaye baithi hai...
سر جھکائے بیٹھی ہے چار سال کی بچی
پانی کو ترستی ہے چار سال کی بچی
سب بزرگ حسرت سے دیکھتے ہیں چہرے کو
سوگوار بیٹھی ہے چار سال کی بچی
سر جھکائے بیٹھی ہے۔۔۔
دیتے ہیں تسلی سب کیا رباب کیا زینب
جس کے پاس جاتی ہے چار سال کی بچی
سر جھکائے بیٹھی ہے۔۔۔
اپنے باپ کا لاشہ رات کے اندھیرے میں
ڈھونڈنے نکلتی ہے چار سال کی بچی
سر جھکائے بیٹھی ہے۔۔۔
کروٹیں بدلتی ہے اسکی لاش مقتل میں
جس کا نام لیتی ہے چار سال کی بچی
سر جھکائے بیٹھی ہے۔۔۔
موت کی صداؤں نے اتنا دل دکھایا ہے
آہٹوں سے ڈرتی ہے چار سال کی بچی
سر جھکائے بیٹھی ہے۔۔۔
گوشوار چھنتے ہیں اور طمانچے لگتے ہیں
گرتی ہے سنبھلتی ہے چار سال کی بچی
سر جھکائے بیٹھی ہے۔۔۔
اک پہاڑ بانو کے دل پہ اور ٹوٹے گا
لو جہاں سے اٹھتی ہے چار سال کی بچی
سر جھکائے بیٹھی ہے۔۔۔
کل تھا باپ کا سینہ والدہ کا آنچل تھا
اب لحد میں سوتی ہے چار سال کی بچی
سر جھکائے بیٹھی ہے۔۔۔
اب یہ حال ہے عشرت پیٹتی ہے سر بانو
جب بھی یاد آتی ہے چار سال کی بچی
سر جھکائے بیٹھی ہے۔۔۔