khamosh hai alqama ki mauje
faza may bhi maut ka samaa hai
rida-e-zainab tera mohafiz
ukhadti saanso ke darmiyan hai
khamosh hai…
hawa'on ke rukh badal rahe hai
qayaam darya se hat rahe hai
kisi ke teywar bata rahe hai
ke toot padne ko aasman hai
khamosh hai…
sitam ki paykaan to kheynch lenge
hussain chashm-e-jari se lekin
khalish ka ek teer aur bhi hai
jo qalb-e-abbas may nihaan hai
khamosh hai…
sakina bibi ki tashnagi ka
jigar pe ab tak hai daagh baaqi
wahin wahin mashk bhi milegi
alam jari ka jahan jahan hai
khamosh hai…
ba chashm-e-purnam ba-waqte rehlat
ali ne jin baazu'on ko chooma
kahin wo baazu qalam huye hai
kahin pe in may reesma hai
khamosh hai…
lahoo lahoo paykar e tamanna
qareeb mashkeeza e sakina
gira hai rehwaar se wo aise
kahin pe baazu kahin nishan hai
khamosh hai…
خموش ہیں علقمہ کی موجیں
فضا میں بھی موت کا سماں ہے
ردائے زینب تیرا محافظ
اکھڑتی سانسوں کے درمیاں ہے
خموش ہیں۔۔۔
ہواؤں کے رخ بدل رہے ہیں
خیام دریا سے ہٹ رہے ہیں
کسی کے تیور بتا رہے ہیں
کہ ٹوٹ پڑے کو آسماں ہے
خموش ہیں۔۔۔
ستم کے پیکاں تو کھینچ لیں گے
حسین چشم جری سے لیکن
خلش کا اک تیر اور بھی ہے
جو قلب عباس میں نہاں ہے
خموش ہیں۔۔۔
سکینہ بی بی کی تشنگی کا
جگر پہ اب تک ہے داغ باقی
وہی وہی مشک بھی ملے گی
علم جری کا جہاں جہاں ہے
خموش ہیں۔۔۔
بہ چشم پر نم بہ وقت رحلت
علی نے جن بازؤں کو چوما
کہیں وہ بازو قلم ہوئے ہیں
کہیں پہ ان میں ریسماں ہے
خموش ہیں۔۔۔
لہو لہو پیکر تمنا
قریب مشکیزہ سکینہ
گرا ہے رہوار سے وہ ایسے
کہیں پہ بازو کہیں نشاں ہیں
خموش ہیں۔۔۔
لگی ہے خیموں میں آگ ہر سو
ردائیں بیووں کی چھن رہی ہیں
اداسیاں پوچھتی ہے شاہد
وہ پاسبان حرم کہاں ہے
خموش ہیں۔۔۔