uthaye huwe godh may sar pidar ka
sakina ye kehti thi le kar balayein
sunaati hoo mai qaid khane ki baatein
mujhe aap maqtal ki baatein sunayein
labon pe chadi aap ke jab lagi thi
mai darbar may saamne hi khadi thi
lagaye tamache mujhe jab shaqi ne
nazar aap ki meri jaanib uthi thi
ye sab neel chehron ke shahid hai kaise
hamay shaam waalon ne di hai sazayein
uthaye huwe godh may...
mai naaqe pe thi aap naize pe baba
mere paas se sar kabhi jo guzarta
mai naaqe se khud ko zameen par giraati
layeen aa ke baalon se mujhko uthaata
mera kaun tha jisko awaaz deti
kise kehti zaalim se aa kar bachayein
uthaye huwe godh may...
rasan ek thi aur baara galay thay
yun hum log bazaar may chal rahe thay
mai kamsin thi humraah chalna tha mushkil
so ek mod pad gir padi ladkhadake ke
badi mushkilon se uthaaya phupi ne
layeeno ki khwahish thi bas rondh jaayein
uthaye huwe godh may...
musalsal sitam kar rahe thay sitamgar
bahot khush thay wo kaat kar aap ka sar
ajab aag thi shaam waalon ke dil may
na thanda hua dil jo khanjar chala kar
sataya hai yun aap ko zaalimon ne
wahin sar rakha rakhi jis jaa ridayein
uthaye huwe godh may...
kahin thi mai qaidan kahin thi yateema
naye shehr may naam mera naya tha
safar ne mujhe itne alqaab bakshe
ke mai bhool baithi thi khud naam apna
mai ye saare dukh bhool jaaungi baba
sakina jo ek baar keh kar bulayein
uthaye huwe godh may...
lehad may ye baba se boli wo akbar
mujhe yaad hai karbala ka wo manzar
ke seene pe thay teer paywast har jaa
mai kis tarha soungi zakhmon ke upar
mai kehti nahi mujhko seene lagayein
mujhe aaj bas khaak par hi sulayein
uthaye huwe godh may...
اٹھائے ہوئے گود میں سر پدر کا
سکینہ یہ کہتی تھیں لے کر بلائیں
سناتی ہوں میں قید خانے کی باتیں
مجھے آپ مقتل کی باتیں سنائیں
لبوں پہ چھڑی آپ کہ جب لگی تھی
میں دربار میں سامنے ہی کھڑی تھی
لگائے طمانچے مجھے جب شقی نے
نظر آپ کی میری جانب اٹھی تھی
یہ سب نیل چہروں کہ شاہد ہیں کیسے
ہمیں شام والوں نے دی ہیں سزائیں
اٹھائے ہوئے گود میں۔۔۔
میں ناقے پہ تھی آپ نیزے پہ بابا
میرے پاس سے سر کبھی جو گزرتا
میں ناقے سے خود کو زمیں پر گراتی
لعیں آ کے بالوں سے مجھ کو اٹھاتا
میرا کون تھا جسکو آواز دیتی
کسے کہتی ظالم سے آ کر بچائیں
اٹھائے ہوئے گود میں۔۔۔
رسن ایک تھی اور بارہ گلے تھے
یوں ہم لوگ بازار میں چل رہے تھے
میں کمسن تھی ہمراہ چلنا تھا مشکل
سو اک موڑ پر گر پڑی لڑکھڑا کے
بڑی مشکلوں سے اٹھایا پھوپھی نے
لعینوں کی خواہش تھی بس روند جائیں
اٹھائے ہوئے گود میں۔۔۔
مسلسل ستم کر رہے رھے تھے ستمگر
بہت خوش تھے وہ کاٹ کر آپ کا سر
عجب آگ تھی شام والوں کے دل میں
نہ ٹھنڈا ہوا دل جو خنجر چلا کر
ستایا ہے یوں آپ کو ظالموں نے
وہیں سر رکھا رکھی جس جا ردائیں
اٹھائے ہوئے گود میں۔۔۔
کہیں تھی میں قیدن کہیں تھی یتیمہ
نئے شہر میں نام میرا نیا تھا
سفر نے مجھے اتنے القاب بخشے
کہ میں بھول بیٹھی تھی خود نام اپنا
میں یہ سارے دکھ بھول جاؤں گی بابا
سکینہ جو اک بار کہ کر بلائیں
اٹھائے ہوئے گود میں۔۔۔
لحد میں یہ بابا سے بولی وہ اکبر
مجھے یاد ہے کربلا کا وہ منظر
کی سینے میں تھے تیر پیوست ہر جا
میں کس طرح سوؤنگی زخموں کے اوپر
میں کہتی نہیں مجھکو سینے لگائیں
مجھے آج بس خاک پر ہی سلائیں
اٹھائے ہوئے گود میں۔۔۔