jao ab khuda hafiz ay mere ali akbar
sar zameene karbal par dard ka ajab manzar
jaa raha hai maqtal ko ab shabihe payghambar
alwida karne ko laake maut ke dar par
apne dil ke tukde se keh rahi hai ye madar
jao ab khuda hafiz…
aa mai apne haaton se phir sawardu zulfein
paas baith ja kar loon tujh se do ghadi baatein
dekhne ko tarsegi tujko ab meri aankhein
mere laal aa tujhko dekhlun mai jee bharkar
jao ab khuda hafiz…
maa ne tujhko paala tha kitni aarzuon se
kya bataun mai beta dil may kitne armaan thay
ab na dekh paungi phool tere sehre ke
qalb tukde hota hai kis tarha kahe madar
jao ab khuda hafiz…
har qadam pa howega saamna andheron ka
ab charagh bujhta hai zindagi ki raahon ka
noor leke jaate ho tum hamari aankhon ka
tumko dhoondne nikle kiska aasra lekar
jao ab khuda hafiz…
dhoop ki tamadat hai teen din ke pyase ho
tum pe sadke hoja'un do ghadi teher jao
maa ko chor kar beta jaa rahe ho maqtal ko
haye tumse pehle hi kyon na mar gayi madar
jao ab khuda hafiz…
baad tere kaise mai zindagi guzarungi
teri chand si surat mai kabhi na paaungi
zindagi ka har lamha tera gham manaungi
jee ke kya kare maadar tere bin ali akbar
jao ab khuda hafiz…
zindagi ka har lamha hum pa bojh hoyega
aankh khushk hoyegi qalb khoon royega
sar zameen e maqtal par mera laal soyega
haye ye bhi kehne ko zinda reh gayi maadar
jao ab khuda hafiz…
ruqsate ali akbar ke ajeeb lamhe thay
yun rasheed qaime se akbare jawan nikle
ek janaza nikla ho jis tarha bhare ghar se
keh rahi thi ro ro kar madare ali akbar
jao ab khuda hafiz…
جائو اب خدا حافظ اے میرے علی اکبر
سر زمینِ کربلا پر درد کا عجب منظر
جا رہا ہے مقتل کو اب شبیہہِ پیعمبر
الوداع کرنے کو لاکے موت کے در پر
اپنے دل کے ٹکڑے سے کہہ رہی ہے یہ مادر
جائو اب خدا حافظ۔۔۔
آ میں اپنے ہاتھوں سے پھر سنواروں زُلفیں
پاس بیٹھ جا کر لوں تجھ سے دو گھڑی باتیں
دیکھنے کو ترسیں گی تجھ کو اب میری آنکھیں
میرے لال آ تجھ کو دیکھ لوں میں جی بھر کر
جائو اب خدا حافظ۔۔۔
ماں نے تجھ کو پالا تھا کتنی آرزوئوں سے
کیا بتائوں میں بیٹا دل میں کتنے ارماں تھے
اب نہ دیکھ پائوں گی پھول تیرے سہرے کے
قلب ٹکڑے ہوتا ہے کس طرح کہے مادر
جائو اب خدا حافظ۔۔۔
ہر قدم پہ ہوئے گا سامنا اندھیروں کا
اب چراغ بجھتا ہے زندگی کی راہوں کا
نور لے کے جاتے ہو تم ہماری آنکھوں کا
تم کو ڈھونڈنے نکلیں کس کا آسرا لے کر
جائو اب خدا حافظ۔۔۔
دھوپ کی تمازت ہے ہے تین دن کے پیاسے ہو
تم پہ صدقے ہو جائوں دو گھڑی ٹھہر جائو
ماں کو چھوڑ کر بیٹا جا رہے ہو مقتل کو
ہائے تم سے پہلے ہی کیوں نہ مر گئی مادر
جائو اب خدا حافظ۔۔۔
بعد تیرے کیسے میں زندگی گزاروں گی
تیری چاند سی صورت میں کبھی نہ پاؤں گی
زندگی کا ہر لمحہ تیرا غم مناؤں گی
جی کے کیا کرے مادر تیرے بن علی اکبر
جائو اب خدا حافظ۔۔۔
زندگی کا ہر لمحہ ہم پہ بوجھ ہوے گا
آنکھ خشک ہوے گی قلب خون روے گا
سر زمینِ مقتل پر میرا لال سوے گا
ہاے یہ بھی کہنے کو زندہ رہ گیء مادر
جائو اب خدا حافظ۔۔۔
رُخصتِ علی اکبر کے عجیب لمحے تھے
یوں رشید خیمے سے اکبرِ جواں نکلے
اک جنازہ نکلا ہو جس طرح بھرے گھر سے
کہہ رہی تھی رو رو کر مادرِ علی اکبر
جائو اب خدا حافظ۔۔۔