ghareeb e zehra ki gurbat suno ay ahle aza
akela reh gaya maqtal mein jab mera maula
sipaah e shaam ne charon taraf se ghayr liya
lab e faraat tha har ek khoon ka pyasa
tha ghul charagh e imamat abhi bujhana hai
zameen pe zeen se shabbir ko giraana hai
ye sun ke sang kisi ne jabeen par maara
kisi ne pehlu mein barchi ka phal utaar diya
kisi ne saamne aa kar chalayi taygh e jafa
ghareeb e zehra ka zeen par sambhalna mushkil tha
ali o zehra ko ran mein rulaaya jaata tha
hussain girte nahi thay giraya jaata tha
laga jo teer to asghar ko sheh ne yaad kiya
pukara ghazi ko jis waqt sar pe gurz laga
lagi jo barchi to akbar ko di tadap ke sada
tamacha khooli ne maara to bole ya zahra
ali ko yaad kiya sar pe zarb chalte huwe
hassan ko yaad kiya moo se khoon ugalte huwe
zameen se zeen pe hazrat jo moo ke bal aaye
jo teer seene mein thay pusht se nikal aaye
nikal ke pehlu se sab barchiyon ke phal aaye
qaraar kis tarha ab sheh ko ek pal aaye
raqaabein pairon se ibn ali ki choot gayi
tamaam phasliyan sibte nabi ki toot gayi
raqam kiya hai ye raavi ne dard ka manzar
ke chalne waala tha jis dam hussain pe khanjar
behan se aage khadi thi hussain ki dukhtar
kaha ye shimr se us dam ghareeb ne ro kar
meri sakina kahin dum na tod'de zaalim
tu rehm kar mere baalon ko chod de zaalim
pada tha dasht mein be-jaan batool ka beta
hussain zinda hai kya shimr se kisi ne kaha
khareeb jaa ke ye di shimr ne phir has ke sada
wo dekho aa gayi maqtal mein saani e zehra
ye sunte hi shah e dilgeer uth ke baith gaye
behan ka naam pe shabbir uth ke bhaith gaye
ye keh ke aage badha haath mein liye khanjar
udhar tadapne lagi ek laash darya par
idhar qayaam se nikli batool ki dukhtar
ajeeb be-adabi shimr ne ye ki aa kar
zara si bhi na murawat dikhayi zaalim ne
kalaam e paak ko thokar lagayi zaalim ne
ajab tarha se sitamgar ye kar raha tha sitam
kabhi hussain ki zulfon mein haath thay baaham
pakad ke reeshe mubarak kabhi hasa azlam
hataya baalon ko khanjar se shimr ne ek dam
kaha hussain ne dekho zara ali akbar
layeen ne rakh diya zaano hamare seene par
chali jo zarb farsihton ne moo ko phayr liya
farishte kya thay ke nabiyon ne moo ko phayr liya
hatay nabi to rasoolon ne moo ko phayr liya
chale rasool to waliyon ne moo ko phayr liya
hassan rasool ali bole ab khuda jaane
hussain jaane gala jaane fatema jaane
ab iske aage takallum bayan kya hoga
lagi jo zarbein na nikla lahoo ka ek khatra
layeen ghaiz mein aa kar sada ye dene laga
husssain jaldi bata maujiza ye hai kaisa
kaha ghareeb ne tu pyaar maa ka kya jaane
galay pe mere gala rakh diya hai zehra ne
kaha hussain ne amma hata lein apna gala
mazeed aap ho zakhmi ye ho nahi sakta
galay pe shaah ke khanjar layeen ka jo chala
sadayein aati thi subhana rabbiyal aala
pisar ka khoon baha sayyeda ki godhi mein
sar e hussain kata fatema ki godhi mein
غریب زہرا کی غربت سنو اے اہلِ عزا
اکیلا رہ گیا مقتل میں جب میرا مولا
سپاہ شام نے چاروں طرف سے گھیر لیا
لب فرات تھا ہر ایک خون کا پیاسا
تھا غل چراغ امامت ابھی بجھانا ہے
زمیں پہ زین سے شبیر کو گرانا ہے
یہ سن کے سنگ کسی نے جبیں پر مارا
کسی نے پہلو میں برچھی کا پھل اتارا دیا
کسی نے سامنے آ کر چلای تیغِ جفا
غریب زہرا کا زیں پر سنبھلنا مشکل تھا
علی و زہرا کو رن میں رلایا جاتا تھا
حسین گرتے نہیں تھے گرایا جاتا تھا
لگا جو تیر تو اصغر کو شہ نے یاد کیا
پکارا غازی کو جس وقت سر پہ گرز لگا
لگی جو برچی تو اکبر کو دی تڑپ کے صدا
طمانچہ خولی نے مارا تو بولے یا زہرا
علی کو یاد کیا سر پہ ضرب چلتے ہوے
حسن کو یاد کیا منہ سے خوں اگلتے ہوے
زمیں سے زین پہ حضرت جو منہ کے بل آے
جو تیر سینے میں تھے پشت سے نکل آے
نکل کے پہلو سے سب برچھیوں کے پھل آے
قرار کس طرح اب شہ کو ایک پل آے
رکابیں پیروں سے ابنِ علی کی چھوٹ گیء
تمام پسلیاں سبط نبی کی ٹوٹ گیء
رقم کیا ہے یہ راوی نے درد کا منظر
کہ چلنے والا تھا جس دم حسین پہ خنجر
بہن سے آگے کھڑی تھی حسین کی دختر
کہا یہ شمر سے اس دم غریب نے رو کر
میری سکینہ کہیں دم نہ توڑ دے ظالم
تو رحم کر میرے بالوں کو چھوڑ دے ظالم
پڑا تھا دشت میں بے جاں بتول کا بیٹا
حسین زندہ ہے کیا شمر سے کسی نے کہا
قریب جا کے یہ دی شمر نے پھر ہنس کے صدا
وہ دیکھو آ گیء مقتل میں ثانیء زہرا
یہ سنتے ہی شہ دلگیر اٹھکے بیٹھ گےء
بہن کا نام پہ شبیر اٹھ کے بیٹھ گےء
یہ کہہ کے آگے بڑھا ہاتھ میں لیےء خنجر
ادھر تڑپنے لگی ایک لاش دریا پر
ادھر قیام سے نکلی بتول کی دختر
عجیب بے ادبی شمر نے یہ کی آ کر
زرا سی بھی نہ مروت دکھای ظالم نے
کلام پاک کو ٹھوکر لگای ظالم نے
عجب طرح سے ستمگر یہ کر رہا تھا ستم
کبھی حسین کی ذوالفوں میں ہاتھ تھے با ہم
پکڑ کے ریش مبارک کبھی ہنسا اظلم
ہٹایا بالوں کو خنجر سے شمر نے اک دم
کہا حسین نے دیکھو زرا علی اکبر
لعیں نے رکھ دیا زانوں ہمارے سینے پر
چلی جو ضرب فرشتوں نے منہ کو پھیر لیا
فرشتے کیا تھے کہ نبیوں نے منہ کو پھیر لیا
ہٹے نبی تو رسولوں نے منہ کو پھیر لیا
چلے رسول تو ولیوں نے منہ کو پھیر لیا
حسن رسول علی بولے اب خدا جانے
حسین جانے گلا جانے فاطمہ جانے
اب اسکے آگے تکلم بیان کیا ہوگا
لگی جو ضربیں نہ نکلا لہو کا اک خطرہ
لعین غیض میں آ کر صدا یہ دینے لگا
حسین جلدی بتا معجزہ یہ ہے کیسا
کہا غریب نے تو پیار ماں کا کیا جانے
گلے پہ میرے گلا رکھ دیا ہے زہرا نے
کہا حسین نے اماں ہٹا لیں اپنا گلا
مزید آپ ہو زخمی یہ ہو نہیں سکتا
گلے پہ شاہ کے خنجر لعین کا جو چلا
صداییں آتی تھی سبحان ربی الاعلی
پسر کا خون بہا سیدہ کی گودی میں
سر حسین کٹا فاطمہ کی گودی میں