berida shaam ke darbar may jaana zainab
zalzale aayenge jis waqt zameen ko payham
chaadare cheen ke le jaaye jo baaniye sitam
aur balwe may tamashayi bane na-mehram
apne baalon hi se moo apna chupana zainab
berida shaam…
meri naadan sakina ko na rone dena
baad mere koi takleef na hone dena
garm reti pa kabhi usko na sone dena
apne seene pe sakina ko sulana zainab
berida shaam…
ghurkiya meri sakina ko jo de shimr e layeen
sayliya maarne aaye jo usay woh be-deen
khauf ke maare nikal jaaye na jangle may kahin
apni aaghosh may tum usko chupana zainab
berida shaam…
ye luta karwan jis waqt madina pahunche
aake jo dukhtare beemar pidar ko pooche
aur baysheer ko jis waqt wo dukhiya dhoonde
meri sughra ko kaleje se lagana zainab
berida shaam…
khaafila ahle haram ka jo madina jaaye
aur asnaye safar may mera maqtal aaye
tumko fursat jo ghadi bhar ke liye mil jaaye
chund aansoo meri turbat pe bahana zainab
berida shaam…
karbala may jo mere ghar pe musibat guzri
aur baazaaro may tum par jo aziyat guzri
muqtasar yeh hai ke jo kuch bhi qayamat guzri
saari rudaad meri maa ko sunana zainab
berida shaam…
بے ردا شام کے دربار میں جانا زینب
زلزلے آئیں گے جس وقت زمیں کو پیہم
چادریں چھین کے لے جائے جو بانیئے ستم
اور بلوے میں تماشائی بنے نامحرم
اپنے بالوں ہی سے منہ اپنا چھپانا زینب
بے ردا شام۔۔۔
میری نادان سکینہ کو نہ رونے دینا
بعد میرے کوئی تکلیف نہ ہونے دینا
گرم ریتی پہ کبھی اُس کو نہ سونے دینا
اپنے سینے پہ سکینہ کو سُلانا زینب
بے ردا شام۔۔۔
گھُڑکیاں میری سکینہ کو جو دے شمرِ لعیں
سیلیاں مارنے آئے جو اُسے وہ بے دیں
خوف کے مارے نکل جائے نہ جنگل میں کہیں
اپنی آغوش میں تم اُس کو چھپانا زینب
بے ردا شام۔۔۔
یہ لُٹا کارواں جس وقت مدینہ پہنچے
آ کے جو دُخترِ بیمار پدر کو پوچھے
اور بے شیر کو جس وقت وہ دکھیا ڈھونڈے
میری صغریٰ کو کلیجے سے لگانا زینب
بے ردا شام۔۔۔
قافلہ اہلِ حرم کا جو مدینہ جائے
اور اثنائے سفر میں میرا مقتل آئے
تم کو فرصت جو گھڑی بھر کے لیے مل جائے
چند آنسو میری تربت پہ بہانا زینب
بے ردا شام۔۔۔
کربلا میں جو میرے گھر پہ مصیبت گزری
اور بازاروں میں تم پر جو اذیت گزری
مختصر یہ ہے کہ جو کچھ بھی قیامت گزری
ساری روداد میری ماں کو سُنانا زینب
بے ردا شام۔۔۔