marqad pe maa ki zainab faryaad kar rahi hai
amma teri kamayi jangal may lutgayi hai
ummat ne mustafa ki loota hai chain tera
maara gaya hai pyasa amma hussain tera
dil baith sa gaya hai aankhon may teeragi hai
amma teri kamayi…
teero se hogaya hai qasim ka jism chalni
makhtal ki zulmaton may dulhan ki maang ujhdi
sehre ki har ladi se hasrat baras rahi hai
amma teri kamayi…
barchi jigar pe kha kar akbar ki naujawani
mitti may milgayi hai laila ki zindagani
bete ko yaad karke madar tadap rahi hai
amma teri kamayi…
yaadon se khelti hai baysheer ki adayein
reh reh ke de rahi hai asghar ko maa sadayein
jhule ki khamoshi par khud maut ro rahi hai
amma teri kamayi…
ankhon may bas gaye hai zindan ke andhere
yaade sakina amma rehti hai mujko ghere
baba ko rote rote masoom chal basi hai
amma teri kamayi…
abid ki pusht par hai durro ke neel ab bhi
amma rulagayi hai mazloom ki aseeri
chaale hai dast-o-pa may beemar par ghashi hai
amma teri kamayi…
maare gaye hai pyase amma mere pisar bhi
daste layeen ne kardi aaghosh meri sooni
dunya meri nazar may tareek ho gayi hai
amma teri kamayi…
zainab ko raas amma karbobala na aaya
cheena hai mere sar se do bhaiyon ka saaya
ab to duayein zainab marne ki maangti hai
amma teri kamayi…
in baazu'on ke kuch to daaghe rasan dikhane
aayi hai teri beti roodade gham sunane
kurta kahin jala hai chadar kahin jali hai
amma teri kamayi…
مرقد پہ ماں کی زینب فریاد کر رہی ہے
اماں تیری کمائی جنگل میں لُٹ گئی ہے
اُمت نے مصطفیٰ کی لُوٹا ہے چین تیرا
مارا گیا ہے پیاسا اماں حسین تیرا
دل بیٹھ سا گیا ہے آنکھوں میں تیرگی ہے
---اماں تیری کمائی
تیروں سے ہو گیا ہے قاسم کا جسم چھلنی
مقتل کی ظلمتوں میں دولہن کی مانگ اُجڑی
سہرے کی ہر لڑی سے حسرت برس رہی ہے
---اماں تیری کمائی
برچھی جگر پہ کھا کر اکبر کی نوجوانی
مٹی میں مل گئی ہے لیلیٰ کی زندگانی
بیٹے کو یاد کر کے مادر تڑپ رہی ہے
---اماں تیری کمائی
یادوں سے کھیلتی ہے بے شیر کی ادائیں
رِہ رِہ کے دے رہی اصغر کو ماں صدائیں
جھولے کی خاموشی پر خود موت رو رہی ہے
---اماں تیری کمائی
آنکھوں میں بس گئے ہیں زندان کے اندھیرے
یادِ سکینہ اماں رہتی ہے مجھ کو گھیرے
بابا کو روتے روتے معصوم چل بسی ہے
---اماں تیری کمائی
عابد کی پُشت پر ہیں دُرّوں کے نیل اب بھی
اماں رُلا گئی ہے مظلوم کی اسیری
چلے ہیں دشت و پا میں بیمار پر غشی ہے
---اماں تیری کمائی
مارے گےء ہیں پیاسے اماں میرے پسر بھی
دست لعیں نے کردی آغوش میری سونی
دنیا میری نظر میں تاریک ہو گیء ہے
---اماں تیری کمائی
زینب کو راس اماں کر بو بلا نہ آیا
چھینا ہے میرے سر سے دو بھائیوں کا سایہ
اب تو دعائیں زینب مرنے کی مانگتی ہے
---اماں تیری کمائی
ان بازوئوں کے کچھ تو داغ ورسن دیکھانے
آئی ہے تیری بیٹی رودادِ غم سُنانے
کُرتا کہیں جلا ہے چادر کہیں جلی ہے
---اماں تیری کمائی