jis dam hussain zeen se aaye zameen par
ankhon mein khaak aur badan tha lahoo mein tar
jab sar utha ke dekha to dhundla gayi nazar
dekha koi zaeefa chali aati hai idhar
amma ki khushboo aayi to uthne lagay hussain
tazeem jab na ho saki kehne lagay hussain
amma amma
zakhm itne hai ke utha nahi jaata amma
mill ke nau laakh ne itna mujhe maara amma
is se pehle ke meri beti ye dekhe aa ke
shimr se keh do utar jaaye mere seene se
dekho soti hai yahan meri sakina amma
zakhm itne hai ke...
haye pardes mein ye waqt hai kaisa hum par
dekho tum pani pilaati thi jisay uth uth kar
aaj aaghosh mein mar jayega pyasa amma
zakhm itne hai ke...
maine dekha hai usay chehre ke bal girte huwe
kat chuke haath mere bhai uthega kaise
de ke awaaz usay tum na bulaana amma
zakhm itne hai ke...
gurz talwaar o tabar naiza o bhaala maara
jis ko kuch bhi na mila us ne tamacha maara
mujhpe barsa diya jo haath mein aaya amma
zakhm itne hai ke...
us ne dekha hai abhi sirf mera zakhmi badan
ladkhadate huwe girti hai sambhalti hai bahan
kaise dekhegi bahan bhai ka marna amma
zakhm itne hai ke...
haye shabbir ne ye maa se kaha ro ro kar
chalne waala hai meri sookhi ragon par khanjar
meri gardan pe abhi haath na rakhna amma
zakhm itne hai ke...
kitne armaan mere dil mein hi dam tod gaye
dekho tanha ali akbar bhi hamein chod gaye
chid gaya barchi se akbar ka kaleja amma
zakhm itne hai ke...
aakhri waar hua kat gaya shabbir ka sar
maa tadapti rahi zeeshan o raza ro ro kar
goonjta reh gaya maqtal mein ye nauha amma
zakhm itne hai ke...
جس دم حسین زین سے آئے زمین پر
آنکھوں میں خاک اور بدن تھا لہو میں تر
جب سر اُٹھاکے دیکھا تو دھندلا گئی نظر
دیکھا کوئی ضعیفہ چلی آتی ہے اِدھر
اماں کی خوشبو آئی تو اُٹھنے لگے حسین
تعظیم جب نہ ہوسکی کہنے لگے حسین
اماں اماں
زخم اتنے ہیں کہ اُٹھا نہیں جاتا اماں
ملکے نو لاکھ نے اتنا مجھے مارا اماں
اِس سے پہلے کہ میری بیٹی یہ دیکھے آکر
شمر سے کہدو اُتر جائے میرے سینے سے
دیکھو سوتی ہے یہاں میری سکینہ اماں
زخم اتنے ہیں کہ۔۔۔
ہائے پردیس میں یہ وقت ہے کیسا ہم پر
دیکھو تم پانی پلاتی تھی جسے اُٹھ اُٹھ کر
آج آغوش میں مرجائیگا پیاسہ اماں
زخم اتنے ہیں کہ۔۔۔
میں نےدیکھا ہے اُسےچہرے کہ بل گرتے ہوئے
کٹ چکے ہاتھ مرا بھائی اُٹھے گا کیسے
دے کے آواز اُسے تم نہ بلانا اماں
زخم اتنے ہیں کہ۔۔۔
گُرز تلوار و تبر نیزہ و بھالا مارا
جسکو کچھ بھی نہ ملا اُس نے طمانچہ مارا
مجھ پہ برسادیا جو ہاتھ میں آیا اماں
زخم اتنے ہیں کہ۔۔۔
اُسنے دیکھا ہے ابھی صرف مرا زخمی بدن
لڑکھڑاتے ہوئے گرتی ہے سمبھلتی ہے بہن
کیسے دیکھے گی بہن بھائی کا مرنا اماں
زخم اتنے ہیں کہ۔۔۔
ہائے شبیر نے یہ ماں سے کہا رو روکر
چلنے والا ہے میری سوکھی رگوں پر خنجر
میری گردن پہ ابھی ہاتھ نہ رکھنا اماں
زخم اتنے ہیں کہ۔۔۔
کتنے ارمان مرے دل میں ہی دم توڑگئے
دیکھو تنہا علی اکبر بھی ہمیں چھوڑگئے
چھد گیا برچھی سے اکبر کا کلیجہ اماں
زخم اتنے ہیں کہ۔۔۔
آخری وار ہوا کٹ گیا شبیر کا سر
ماں تڑپتی رہی ذیشان و رضا رو رو کر
گونجتا رہ گیا مقتل میں یہ نوحہ اماں
زخم اتنے ہیں کہ۔۔۔