ay meri sakina
tum bhej to rahi ho bas itna yaad rakhna
yaad aayega abbas magar laut kar nahi
jaane ki tum ijazat in ko dila rahi ho
tum ko khabar nahi hai kya karne jaa rahi ho
ye jaa ke laut aaye mumkin nahi sakina
yaad aayega abbas magar...
bachpan mein in ki godhi gehwara tha tumhara
maa ban ke tumko bibi abbas ne hai paala
ro'ogi jab to kis ka tumko milega shaana
yaad aayega abbas magar...
saaya utha jo inka phir chain na milega
phir kaun haath sar pe yun pyar se rakhega
ro ro ke phir sadayein ammu ko tum na dena
yaad aayega abbas magar...
ye baat raaz ki hai tum ko bata raha hoo
zainab se aaj tak mai jis ko chupa raha hoo
baad unke phir mera bhi mumkin nahi hai jeena
yaad aayega abbas magar...
do haath khoon mein doobe dekho agar kahin to
seene se dam nikalta mehsoos hoga tum ko
wo haath choom kar bas seene se tum lagana
yaad aayega abbas magar...
barsaat patharon ki dekhi to kya karogi
thaamogi haath kis ka naaqe se jab girogi
taqdeer mein hai likha bazaar e shaam jaana
yaad aayega abbas magar...
zindan ke andhere tanhaiyon ka aalam
us par sitam ye hoga dooba lahoo mein parcham
ek zakhmi mashk us par dekho to khoob rona
yaad aayega abbas magar...
kehti hai ye sakina rehaan jaise ab bhi
ammu ko mere laa do maangungi ab na pani
nauha kuna raza ho jaise ke qaid khaana
yaad aayega abbas magar...
اے میری سکینہ
تم بھیج تو رہی ہو بس اتنا یاد رکھنا
یاد آے گا عباس مگر لوٹ کر نہیں
جانے کی تم اجازت ان کو دلا رہی ہو
تم کو خبر نہیں ہے کیا کرنے جا رہی ہو
یہ جا کے لوٹ آے ممکن نہیں سکینہ
یاد آے گا عباس مگر۔۔۔
بچپن میں ان کی گودی گہوارہ تھا تمہارا
ماں بن کے تم کو بی بی عباس نے ہے پالا
رووگی جب تو کس کا تم کو ملے گا شانہ
یاد آے گا عباس مگر۔۔۔
سایہ اٹھا جو ان کا پھر چین نہ ملے گا
پھر کون ہاتھ سر پہ یوں پیار سے رکھے گا
رو رو کے پھر صداییں عمو کو تم نہ دینا
یاد آے گا عباس مگر۔۔۔
یہ بات راز کی ہے تم کو بتا رہا ہوں
زینب سے آج تک میں جس کو چھپا رہا ہوں
بعد انکے پھر میرا بھی ممکن نہیں ہے جینا
یاد آے گا عباس مگر۔۔۔
دو ہاتھ خوں میں ڈوبے دیکھو اگر کہیں تو
سینے سے دم نکلتا محسوس ہوگا تم کو
وہ ہاتھ چوم کر بس سینے سے تم لگانا
یاد آے گا عباس مگر۔۔۔
برسات پتھروں کی دیکھی تو کیا کرو گی
تھامو گی ہاتھ کس کا ناقے سے جب گرو گی
تقدیر میں ہے لکھا بازار شام جانا
یاد آے گا عباس مگر۔۔۔
زندان کے اندھیرے تنہائیوں کا عالم
اس پر ستم یہ ہوگا ڈوبا لہو میں پرچم
اک زخمی مشک اس پر دیکھو تو خوب رونا
یاد آے گا عباس مگر۔۔۔
کہتی ہے یہ سکینہ ریحان جیسے اب بھی
عمو کو میرے لا دو مانگونگی اب نہ پانی
نوحہ کناں رضا ہو جیسے کے قید خانہ
یاد آے گا عباس مگر۔۔۔