jab ahle haram ne shaam ke zindan se rehaai paayi
sajjad tadap ke kehne lage jab sakina aayi
tum kaise rahogi zindan mein ay baba ki sehdayi
itna to bata do sughra ko kya jaa ke bataye bhai
suna jab naam sughra ka sada aayi suno bhaiya
laga hai khoon jis par wo mere gohar dikha dena
sakina reh gayi zindan mein bhai bata dena
suno bhaiya shikayat hai mujhe in shaam waalon se
kabhi durre lagaye hai kabhi khaincha hai baalon se
tamache itne khaaye hai lahoo behta hai gaalon se
bahot acha hua bhaiya watam mein reh gayi sughra
kabhi wo shaam na aaye usay meri dua dena
sakina reh gayi zindan mein...
hamein ahle sitam jab bhi sar e bazaar laate thay
hamari bebasi ka wo tamasha yun dikhaate thay
chacha ka sar giraane ke liye mujhko giraate thay
chacha ke paas jaane par zameen se sar uthane par
bahot maara layeeno ne ye sughra bata dena
sakina reh gayi zindan mein...
kahin dekhi nahi aisi mohabbat baap beti mein
mujhe darbar mein maanga gaya jis dam kaneezi mein
dilaasa mujhko ko dene aa gaya sar meri godhi mein
mujhe haakim ne jab dekha ye keh kar shimr ko bheja
chuda kar baap ka sar taaziyano ki saza dena
sakina reh gayi zindan mein...
mujhe darbar mein baba se aise bhi milaaya tha
sitamgar saamne khurme ka jab ek tasht laaya tha
mai kitna royi thi jab tasht se kapda hataya tha
wahan khurme nahi sar tha bata dena usay bhaiya
wo roye to meri ghurbat ka usko waasta dena
sakina reh gayi zindan mein...
koi beti na dekhe ran mein dekha mai ne jo manzar
gayi laashon se takraate huwe baba ke laashe par
kati ungli badan mein teer dekhe kat chuka tha sar
nishan teeron ke ay bhaiya na dekhe fatema sughra
pidar ka khoon bhara kurta watan jaa kar chupa dena
sakina reh gayi zindan mein...
sakina jaanti hai kaise dekha zakhm seene par
usay kaise bataoge nahi aaye ali akbar
behan mar jayegi bhai ke marne ki khabar sun kar
bahot hassaas hai sughra galay se tum laga lena
tera mai bhi to bhai hoo ye kehkar hausla dena
sakina reh gayi zindan mein...
chale abid to zeeshan o raza awaaz ye aayi
watan jaate huwe karbala jaana mere bhai
mere ammu se keh dena sakina mar gayi pyasi
nahi pani ka gham haye chacha tum kyun nahi aaye
andheri qaid mein ro ro ke maut aayi bata dena
sakina reh gayi zindan mein...
جب اہلِ حرم نے شام کے زنداں سے رہائی پائی
سجاد تڑپ کے کہنے لگے جب یاد سکینہ آئی
تم کیسے رہوگی زنداں میں اے بابا کی شیدائی
اتنا تو بتادو صغرا کو کیا جاکے بتائے بھائی
سنا جب نام صغرا کا صدا آئی سنو بھیا
لگا ہے خون جس پر وہ مرے گوہر دکھادینا
سکینہ رہ گئی زندان میں بھائی بتادینا
سنو بھیا شکایت ہے مجھے ان شام والوں سے
کبھی درے لگائے ہیں کبھی کھینچا ہے بالوں سے
طمانچے اتنے کھائے ہیں لہو بہتا ہے گالوں سے
بہت اچھا ہوا بھیا وطن میں رہ گئی صغرا
کبھی وہ شام نا آئے اُسے میری دعا دینا
سکینہ رہ گئی زندان میں۔۔۔
ہمیں اہلِ ستم جب بھی سرِ بازار لاتے تھے
ہماری بےبسی کا وہ تماشہ یوں دکھاتے تھے
چچا کا سر گرانے کیلئے مجھکو گراتے تھے
چچا کے پاس جانے پر زمیں سے سر اُٹھانے پر
بہت مارا لعینوں نے یہ صغرا کو بتادینا
سکینہ رہ گئی زندان میں۔۔۔
کہیں دیکھی نہیں ایسی محبت باپ بیٹی میں
مجھے دربار میں مانگا گیا جس دم کنیزی میں
دلاسہ مجھکو دینے آگیا سر میری گودی میں
مجھے حاکم نے جب دیکھا یہ کہکر شمر کو بھیجا
چھڑا کر باپ کا سر تازیانوں کی سزا دینا
سکینہ رہ گئی زندان میں۔۔۔
مجھے دربار میں بابا سے ایسے بھی ملایا تھا
ستمگر سامنے خُرمے کاجب اک طشت لایا تھا
میں کتنا روئی تھی جب طشت سےکپڑا ہٹایا تھا
وہاں خرمے نہیں سر تھا بتادینا اُسے بھیا
وہ روئے تو مری غربت کا اُسکو واسطہ دینا
سکینہ رہ گئی زندان میں۔۔۔
کوئی بیٹی نہ دیکھے رن میں دیکھا میں نے جو منظر
گئی لاشوں سے ٹکراتے ہوئے بابا کے لاشے پر
کٹی اُنگلی بدن میں تیر دیکھے کٹ چکا تھا سر
نشاں تیروں کے اے بھیا نہ دیکھے فاطمہ صغرا
پدر کا خوں بھرا کرتا وطن جاکر چھپادینا
سکینہ رہ گئی زندان میں۔۔۔
سکینہ جانتی ہے کیسے دیکھا زخم سینے پر
اُسے کیسے بتاؤگے نہیں آئے علی اکبر
بہن مر جائیگی بھائی کے مرنے کی خبر سنکر
بہت حساس ہے صغرا گلے سے تم لگالینا
ترا میں بھی تو بھائی ہوں یہ کہکر حوصلہ دینا
سکینہ رہ گئی زندان میں۔۔۔
چلے عابد تو ذیشان و رضا آواز یہ آئی
وطن جاتے ہوئے جب کربلا جانا مرے بھائی
مرے عمو سے کہدینا سکینہ مر گئی پیاسی
نہیں پانی کا غم ہائے چچا تم کیوں نہیں آئے
اندھیری قید میں گھٹ گھٹکے موت آئی بتادینا
سکینہ رہ گئی زندان میں۔۔۔