umme laila ne kaha tashna-dahan kuch to kaho
mere akbar meri jaane chaman kuch to kaho
maa teri chand si surat pe ho waari akbar
mil gayi khaak mein doulat meri saari akbar
kyun nahi sunte ho faryad hamari akbar
kya abhi tak bhi hai seene me chuban kuch to kaho
umme laila ne…
dekh to bali sakina hai pareshan mere laal
ghash ke aalam mein padi hai phupi amma mere laal
aankhen to kholo tadapti hai teri maa mere laal
dekha tanha hai shahenshahe zaman kuch to kaho
umme laila ne…
bhai sajjad hai beemar sambhalo akbar
shimr se bali sakina ko bachalo akbar
apne asghar ko to seene se lagalo akbar
kya bandhegi mere haaton mein rasan kuch to kaho
umme laila ne…
mera armaan tha sehra tera dekhun akbar
bas tere byah ke armann nikaloon akbar
pehle sughra ko madine se bulaloon akbar
phir bade shaukh se laa'ungi dulhan kuch to kaho
umme laila ne…
sunti hoo sughra ka khat aaya hai utho beta
itne jaldi tumhe bulwaya hai utho beta
kurta tere liye bhijwaya hai utho beta
dekho mar jayegi bemaar behan kuch to kaho
umme laila ne…
tere seene mein jo barchi ka ye phal toota hai
meri khismat mere khaabon ka mehal toota hai
tere baba pe to ek kohay ajal toota hai
itne khamosh hai kyun shaahe zaman kuch to kaho
umme laila ne…
ab tere khoon ki mehendi mai lagaloon sar mein
phir isi haal se faryaad karoon mehshar mein
phal tere seene me hai zakhm dile maadar mein
kyun khizan nazr hua mera chaman kuch to kaho
umme laila ne…
dekh irfan qayamat hui majlis mein bapa
shaam se aati hai zainab ke tadapne ki sada
poori tanzeem-e-hussaini hui masroofe buka
shaah ke laal ka zaqmi hai badan kuch to kaho
umme laila ne…
اُمِ لیلیٰ نے کہا تشنہ دہن کچھ تو کہو
میرے اکبر میری جانِ چمن کچھ تو کہو
ماں تیری چاند سی صورت پہ ہو واری اکبر
مل گئی خاک میں دولت میری ساری اکبر
کیوں نہیں سُنتے ہو فریاد ہماری اکبر
کیا ابھی تک بھی ہے سینے میں چُبھن کچھ تو کہو
...اُمِ لیلیٰ نے
دیکھ تو بالی سکینہ ہے پریشان میرے لال
غش کے عالم میں پڑی ہے پھوپھی اماں میرے لال
آنکھیں تو کھولو تڑپتی ہے تیری ماں میرے لال
دیکھا تنہا ہے شہنشاہِ زمن کچھ تو کہو
...اُمِ لیلیٰ نے
بھائی سجاد ہے بیمار سنبھالو اکبر
شمر سے بالی سکینہ کو بچا لو اکبر
اپنے اصغر کو توسینے سے لگا لو اکبر
کیا بندھے گی میرے ہاتھون میں رسن کچھ تو کہو
...اُمِ لیلیٰ نے
میرا ارمان تھا سہرا تیرادیکھوں اکبر
بس تیرے بیاہ کے ارمان نکالوں اکبر
پہلے صغریٰ کو مدینے سے ُبلالوںاکبر
پھر بڑے شوق سے لائوںگی دلہن کچھ تو کہو
...اُمِ لیلیٰ نے
سنتی ہوں صغرا کاخط آیا ہے اُٹھو بیٹا
اتنی جلدی تمہیں بُلوایا ہے اُٹھو بیٹا
کُرتا تیرے لئے بھجوایا ہے اُٹھو بیٹا
دیکھو مر جائے گی بیمار بہن کچھ تو کہو
...اُمِ لیلیٰ نے
تیرے سینے میں جو برچھی کا یہ پھل ٹوٹا ہے
میری قسمت میرے خوابوں کا محل ٹوٹا ہے
تیرے بابا پہ تو اک کوہے اجل ٹوٹا ہے
اتنے خاموش ہیں کیوں شاہِ زمن کچھ تو کہو
...اُمِ لیلیٰ نے
اب تیرے خون کی مہندی میں لگالوں سر میں
پھر اسی حال سے فریاد کروں محشر میں
پھل تیرے سینے میں ہے زخم دلِ مادر میں
کیوں خزاں نظر ہوا میرا چمن کچھ تو کہو
...اُمِ لیلیٰ نے
دیکھ عرفان قیامت ہوئی مجلس میں بپا
شام سے آتی ہے زینب کے تڑپنے کی صدا
پوری تنظیمِ حسینی ہوئی مصروفِ بکا
شاہ کے لال کا زخمی ہے بدن کچھ تو کہو
...اُمِ لیلیٰ نے