NohayOnline

Providing writeups (english & urdu) of urdu nohay, new & old


Zindan ki shaam

Nohakhan: Rizwan Zaidi
Shayar: Noor Ali


yaad sajjad ko aati rahi zindan ki shaam
umr bhar khoon rulaati rahi zindan ki shaam

jab talak aati rahi kaano may siski ki sada
khaak zindan may udaati rahi zindan ki shaam
yaad sajjad ko aati rahi...

qaid khane may bas ek shaam qayamat guzri
phir to har shaam hi aati rahi zindan ki shaam
yaad sajjad ko aati rahi...

jaise zaalim ke tamachon ne sataya tha usay
yun sakina ko sataati rahi zindan ki shaam
yaad sajjad ko aati rahi...

gham sakina ne jo raahon may sahay kam to na thay
gham magar aur badhaati rahi zindan ki shaam
yaad sajjad ko aati rahi...

sheh jise lori sunaate thay usi bachi ko
maut ki lori sunaati rahi zindan ki shaam
yaad sajjad ko aati rahi...

qabr e masooma pe zainab o sajjad ke saath
sog har shaam manaati rahi zindan ki shaam
yaad sajjad ko aati rahi...

gham jo abid ne sahay shaam ke bazaaron may
saare gham yaad dilaati rahi zindan ki shaam
yaad sajjad ko aati rahi...

ya hai abid ko khabar ya hai khabar zainab ko
wo sitam kya thay jo dhaati rahi zindan ki shaam
yaad sajjad ko aati rahi...

maadar e asghar baysheer ko ay noor ali
khwaab may aake daraati rahi zindan ki shaam
yaad sajjad ko aati rahi...

یاد سجاد کو آتی رہی زندان کی شام
عمر بھر خون رلاتی رہی زندان کی شام

جب تلک آتی رہی کانوں میں سسکی کی صدا
خاک زنداں میں اڑاتی رہی زندان کی شام
یاد سجاد کو آتی رہی۔۔۔

قید خانے میں بس اک شام قیامت گزری
پھر تو ہر شام ہی آتی رہی زندان کی شام
یاد سجاد کو آتی رہی۔۔۔

جیسے ظالم کے طمانچوں نے ستایا تھا اسے
یوں سکینہ کو ستاتی رہی زندان کی شام
یاد سجاد کو آتی رہی۔۔۔

غم سکینہ نے جو راہوں میں سہے کم تو نہ تھے
غم مگر اور بڑھاتی رہی زندان کی شام
یاد سجاد کو آتی رہی۔۔۔

شہ جسے لوری سناتے تھے اسی بچی کو
موت کی لوری سناتی رہی زندان کی شام
یاد سجاد کو آتی رہی۔۔۔

قبر معصومہ پہ زینب و سجاد کے ساتھ
سوگ ہر شام مناتی رہی زندان کی شام
یاد سجاد کو آتی رہی۔۔۔

غم میں عابد نے سہے شام کے بازاروں میں
سارے غم یاد دلاتی رہی زندان کی شام
یاد سجاد کو آتی رہی۔۔۔

یہ ہے عابد کو خبر یا ہے خبر زینب کو
وہ ستم کیا تھے جو ڈھاتی رہی زندان کی شام
یاد سجاد کو آتی رہی۔۔۔

مادر اصغر بے شیر کو اے نور علی
خواب میں آکے ڈراتی رہی زندان کی شام
یاد سجاد کو آتی رہی۔۔۔