sitam ki hogayi ye inteha rasool ke baad
chali hai maange haq fatema rasool ke baad
sitam ki hogayi…
rasool zaadi khadi kyun rahi sar e darbar
ye kaun taqt pe baitha raha rasool ke baad
sitam ki hogayi…
wo jaake shehr ke baahar padar ko roti rahi
kisi ne ghar mein na rone diya rasool ke baad
sitam ki hogayi…
shaheed hogaya uski hi zarb se mohsin
dare batool jalaya gaya rasool ke baad
sitam ki hogayi…
wo jurm kya tha ke jis par ali ko galiyon mein
rasan ke baandh ke khayncha gaya rasool ke baad
sitam ki hogayi…
shikasta hogaya kaise batool ka pehlu
batao zulm ye kisne kiya rasool ke baad
sitam ki hogayi…
koi bataye hamein kyun batool ke ghar se
hamesha rone ki aayi sada rasool ke baad
sitam ki hogayi…
jo chehre aaya e tatheer ke bane tafseer
unhe phiraya gaya berida rasool ke baad
sitam ki hogayi…
zafar nabi ke gharane pe dhaake zulm o sitam
sajayi jaane lagi karbala rasool ke baad
sitam ki hogayi…
ستم کی ہو گئی یہ انتہا رسول کے بعد
چلی ہے مانگنے حق فاطمہ رسول کے بعد
ستم کی ہو گئی۔۔۔
رسول زادی کھڑی کیوں رہی سرِ دربار
یہ کون تخت پہ بیٹھا رہا رسول کے بعد
ستم کی ہو گئی۔۔۔
وہ جا کے شہر کے باہر پدر کو روتی رہی
کسی نے گھر میں نہ رونے دیا رسول کے بعد
ستم کی ہو گئی۔۔۔
شہید ہو گیا اُس کی ہی ضرب سے محسن
درِ بتول جلایا گیا رسول کے بعد
ستم کی ہو گئی۔۔۔
وہ جرم کیا تھا کے جس پر علی کو گلیوں میں
رسن کے باندھ کے کھینچا گیا رسول کے بعد
ستم کی ہو گئی۔۔۔
شکستہ ہو گیا کیسے بتول کا پہلو
بتائو ظلم یہ کس نے کیا رسول کے بعد
ستم کی ہو گئی۔۔۔
کوئی بتائے ہمیں کیوں بتول کے گھر سے
ہمیشہ رونے کی آئی صدا رسول کے بعد
ستم کی ہو گئی۔۔۔
جو چہرے آیہ تطہیر کی بنے تفسیر
اُنہیں پھرایا گیا بے ردا رسول کے بعد
ستم کی ہو گئی۔۔۔
ظفر نبی کے گھرانے پہ ڈھا کے ظلم و ستم
سجائی جانے لگی کر بلا رسول کے بعد
ستم کی ہو گئی۔۔۔