rawana nehr e laban ko jo sheer khaar hua
zabaan dikhane pa gardan se teer paar hua
tadap ke haaton pa hazrat ke hamkanaar hua
qizaan hua jo wo gul to galay ka haar hua
idhar to shah ko ye sadma e jigar pahuncha
udhar madine se sughra ka naamabar pahuncha
lahoo may gharq khade thay kamar jhukaye huwe
pisar ki nanhi si mayyat galay lagaye huwe
lahoo bhara hua daaman usay udhaye huwe
kafan ki fikr may qaime ko moo phiraye huwe
ye haal dekh ke qaasid ki aas toot gayi
hua ye raasha ke fouran mehaar choot gayi
utar ke naaqe se aadaab wo baja laaya
magar hussain thay behosh kuch na farmaya
wo nauha padta hua aur muttasil aaya
nigaah e yaas se moo dekh kar ye chillaaya
qaraar do mujhe mai be-qaraar hota hoo
hussain jaan ke tum par nisaar hota hoo
kaho baqeeya e aulad e murtaza ho tum
ameer e lashkare allah o mustafa ho tum
ghareeb e kufa o mazloom e karbala ho tum
batao qasim e nashaad ke chacha ho tum
jawaab do pidar e namuraad e akbar ho
janab e hazrat e abbas ke baraadar ho
bahan hai aap ki zainab sakina dukhtar hai
har aawal aap ke lashkar ka hurr e safdar hai
watan may bhi koi beti aleel o shashdar hai
huzoor ka koi nanha sa laal asghar hai
zohair aur habeeb aap ke musaahib hai
janab aun o mohamed ke mamu saheb hai
hussain bhar ke dam e sard bolay ay ghamkhaar
ameer kaun hai mai to hoo bekas o nachaar
kahan hai akbar o qasim kahan alambardaar
khuda ke bande thay ye sab huwe khuda pa nisaar
sipaahe zulm ne tanha samajh ke ghayra hai
hazaron tayghein hai aur ek halq mera hai
hatayi chehre se asghar ke khoon bhari chadar
paseena maut ka maathe se pocha sar ta sar
pukare laashe ki aankhon pa honton ko rakh kar
likhi hai fatema ne deedaa bosi e asghar
gawaah rahiyo ke faaqe se jhoomta hai hussain
aur unke bhai ki aankhon ko choomta hai hussain
bana loo nanhi si qabr inki ay khujista siyar
to le chaloon pisar e naujawan ke laashe par
to padiyo laasha e akbar pa naama e khaahar
ye keh ke ghode se utre imam e jinn o bashar
zameen qabr ki khaatir pasand karne lage
mazaar khod ke naale baland karne lage
lahoo se ghusl to asghar ko de chuki thi qaza
mali ba-soorat e kaafoor sheh ne khaake shifa
utaara qabr may asghar ka khoon bhara laasha
lita ke khaak pa qible ki simth moo phayra
phir apne chaand ko jab khaak may chipane lage
to ya ali kaha aur haath thar tharaane lage
ye haal dekh ke qasid ne ki madadgaari
lahad may ungliyon se khaak daali ek baari
pukaari qaime ke dar se ye bano dukhiyari
ye kis ki qabr ki hoti hai ran may tayyari
hussain bole ke sadme naye guzarte hai
tumhare hansliyon waale ko dafn karte hai
giri zameen pa kaleja pakad ke wo nachaar
pukari meri kamayi hai ay zameen hoshiyaar
na murda jaaniyo hai meri jaan ye dildaar
zameen mai tere sadqe tere makeen ke nisaar
ye zer e khwaab meri mannaton ka baagh mila
mujhe ye phool mila aur dil ko daagh mila
balayein door se lele ke phir kiya ye bayaan
tumhari nanhi lahad ke mai waari asghar jaan
andhera ghar hai na ghabraiyo ye maa qurban
akele sone ki mushkil khuda kare aasaan
tumhare chaahne waale galay lagayenge
mujhe yaqeen hai janaab e ameer aayenge
روانہ نہر لباں کو جو شیر خوار ہوا
زباں دکھانے پہ گردن سے تیر پار ہوا
تڑپ کے ہاتھوں پہ حضرت کے ہمکنار ہوا
خزاں ہوا جو وہ گل تو گلے کا ہار ہوا
ادھر تو شہ کو یہ صدمہء جگر پہنچا
ادھر مدینے سے صغرا کا نامہ بر پہنچا
لہو میں غرق کھڑے تھے کمر جھکائے ہوے
پسر کی ننھی سی میت گلے لگائے ہوے
لہو بھرا ہوا دامن اسے اڑھاے ہوے
کفن کی فکر میں خیمے کو منہ پھراے ہوے
یہ حال دیکھ کے قاصد کی آس ٹوٹ گیء
ہوا یہ راشہ کہ فوراً مہار چھوٹ گیء
اتر کے ناقے سے آداب وہ بجا لایا
مگر حسین تھے بیہوش کچھ نہ فرمایا
وہ نوحہ پڑھتا ہوا اور متصل آیا
نگاہ یاس سے منہ دیکھ کر یہ چلایا
قرار دو مجھے بے قرار ہوتا ہوں
حسین جان کے تم پر نثار ہوتا ہوں
کہو بقیہء اولاد مرتضیٰ ہو تم
امیر لشکر اللّٰہ و مصطفیٰ ہو تم
غریب کوفہ و مظلوم کربلا ہو تم
بتاؤ قاسم ناشاد کے چچا ہو تم
جواب دو پسر نمودار اکبر ہو
جنابِ حضرتِ عبّاس کے برادر ہو
بہن ہے آپ کی زینب سکینہ دختر ہے
ہر احوال آپ کے لشکر کا حر صفدر ہے
وطن میں بھی کوی بیٹی علیل و ششدر ہے
حضور کا کوی ننھا سا لال اصغر ہے
زوہیر اور حبیب آپ کے مصاحب ہے
جناب عون و محمد کے مامو صاحب ہے
حسین بھر کے دم سرد بولے اے غم خوار
امیر کون ہے میں تو ہوں بیکس و ناچار
کہاں ہے اکبر و قاسم کہاں علمبردار
خدا کے بندے تھے یہ سب ہوے خدا پہ نثار
سپاہ ظلم نے تنہا سمجھ کے گھیرا ہے
ہزاروں تیغیں ہیں اور ایک حلق میرا ہے
ہٹای چہرے سے اصغر کے خوں بھری چادر
پسینہ موت کا ماتھے سے پونچا سر تا سر
پکارے لاشے کی آنکھوں پہ ہونٹوں کو رکھ کر
لکھی ہے فاطمہ نے دیدہ بوسیء اصغر
گواہ رہیو کہ فاقے سے جھومتا ہے حسین
اور انکے بھای کی آنکھوں کی آنکھوں کو چومتا ہے حسین
بنا لوں ننھی سی قبر انکی اے خجستہ سیر
تو لے چلوں پسر نوجواں کے لاشے پر
تو پڑھیو لاشہء اکبر پہ نامۂ خواہر
یہ کہہ کے گھوڑے سے اترے امام جن و بشر
زمین قبر کی خاطر پسند کرنے لگے
مزار کھود کے نالے بلند کرنے لگے
لہو سے غسل تو اصغر کو دے چکی تھی قضا
ملی بہ صورتِ کافور شہ نے خاک شفا
اتارا قبر میں اصغر کا خوں بھرا لاشہ
لٹا کے خاک پہ قبلے کی سمت منہ پھیرا
پھر اپنے چاند کو جب خاک میں چھپانے لگے
تو یا علی کہا اور ہاتھ تھر تھرانے لگے
یہ حال دیکھ کے قاصد نے کی مددگاری
لحد میں انگلیوں سے خاک ڈالی اک باری
پکاری خیمے کے در سے یہ بانو دکھیاری
یہ کس کی قبر کی ہوتی ہے رن میں تیاری
حسین بولے کے صدمے نےء گزرتے ہیں
تمہارے ہنسلیوں والے کو دفن کرتے ہے
گری زمیں پہ کلیجہ پکڑ کے وہ ناچار
پکاری میری کمای ہے اے زمین ہوشیار
نہ مردہ جانیو ہے میری جان یہ دلدار
زمین میں تیرے صدقے تیرے مکیں کے نثار
یہ زیر خواب میری منتوں کا باغ ملا
مجھے یہ پھول ملا اور دل کو داغ ملا
بلاییں دور سے لے لے کے پھر کیا یہ بیاں
تمہاری ننھی لحد کے میں واری اصغر جاں
اندھیرا گھر ہے نہ گھبراییو یہ ماں قرباں
اکیلے سونے کی مشکل خدا کرے آسان
تمہارے چاہنے والے گلے لگاییں گے
مجھے یقیں ہے جنابِ امیر آیینگے