NohayOnline

Providing writeups (English & Urdu text) of urdu nohay, new & old

Home Salaam Marsiya

Musafirane musibat

Marsiya-Khwan: Imtiaz Abbas
Shayar: Mirza Dabeer


musafirane musibat watan may aate hai
safar se aate hai saughaate aah laate hai
bajaye ashk wo aankhon se khoon bahate hai
utha ke haath madine ko ye sunaate hai
luta ke aaye hai zehra ke sab gharane ko
na kar qubool tu hum bekason ke aane ko

madine yaad to hoga tujhe wo jaah o hasham
gaye thay kaise tajammul se karbala ko hum
wo qaime aur shehzaade aur wo fauj o alam
aur ab siyaah kafani aur hussain ka matam
pasand aamade zurriyat e rasool na kar
madine aise haqeeron ko tu qubool na kar

madine hum tere waali ko aaye hai kho kar
madine gardan e shabbir par chala khanjar
madine koofe may sar nange hum phire dar dar
madine daaghe rasan hai hamare shaano par
hum aaye zinda pa zehra ka noore ain nahi
madine akbar o qasim nahi hussain nahi

ujaad maarya may hogaya chaman mera
bichad gaya ali akbar sa gul badan mera
hua shaheed har ek sher e saf shikan mera
pada hai bhai bayaban may bekafan mera
nabi ki aal ko ahle jafa ne loot liya
hamare kunbe ko ran may qaza ne loot liya

hili zameen madine ki us ghadi paiham
kiya basheer ko sajjad ne talab jis dam
galay may shaal e aza daal di ba deeda e nam
aur uske haath may ro kar diya siyaah alam
kaha ke jaa nahi go apne moo dikhane ki
magar watan may khabar karde mere aane ki

chala basheer ye dete huwa khabar har jaa
magar mohalla e hashim may dekhta hai kya
ke ek mareeza sar e raah hai khadi tanha
jo naam poocha to ro ro ke boli wo sughra
basheer kehne laga kyun tu shor o shain may hai
kaha ye haal mera furqat e hussain may hai

khadi hoo muntazir akbar ki dekhun kab aaye
hai ghar se nikli hoo shayad ke qasid aajaye
khuda kahin mere bichdon ko khair se laaye
ke ye mareeza labe gor hai shifa paaye
koi pidar ki khabar laaye paon padti hoo
juda masi se hoo aediyan ragadti hoo

basheer samjha ye binte hussain hai sughra
khamosh reh gaya sughra ke moo pe kuch na kaha
pukari fatema gardan may dekh shaal e aza
tu bhai laaya hai kis ki sunaani mujhko suna
wo bola qasid e bemaar e karbala hoo mai
sunaani qabre payambar pe le chala hoo mai

wo boli ro ro ke bhai ye kya sunaata hai
wo kaun hai jise bemaar tu bataata hai
sunaani kis ki hai ye mujhko haul aata hai
ke mustafa ki lehad par tu kehne jaata hai
amaama phaynk ke usne kaha duhaai hai
tere hussain ki sughra sunaani aayi hai

zameen pa haye pidar keh ke gir padi sughra
khabar ye phaili to matam har ek ghar may hua
tamaam aurtein nikli gharon se karti buka
nabi ki qabr pa jaa kar basheer ne ye kaha
safar se lut ke idhar bhooki pyasiyan aayi
utho rasool tumhari nawasiyan aayi

basheer kehta hai wallah rauza kaamp gaya
lehad se naala huwa wa hussain ka paida
idhar zameen pe tadapti thi fatema sughra
zanaane haashmia ne wahan hujoom kiya
hila ke shaana kaha shaah e mashraqain aaye
utho hussain ki aashiq utho hussain aaye

wo aankhein khol ke boli ke mar gaye baba
ke is may khaafila e karbala bhi aa pahuncha
behen hussain ki sar nange deti thi ye sada
hussain jab se muve maine sar nahi dhaampa
na murda aur na taboot aqi ka laayi hoo
madine waalon mai bhai ko kho ke aayi hoo

مسافران مصیبت وطن میں آتے ہیں
سفر سے آتے ہیں سوغات آہ لاتے ہیں
بجاے اشک وہ آنکھوں سے خوں بہاتے ہیں
اٹھا کے ہاتھ مدینے کو یہ سناتے ہیں
لٹا کے آے ہیں زہرا کے سب گھرانے کو
نہ کر قبول تہ ہم بیکسوں کے آنے کو

مدینے یاد تو ہو گا تجھے وہ جاہ و ہشم
گےء تھے کیسے تجمل سے کربلا کو ہم
وہ خیمے اور شہزادے اور وہ فوج و علم
اور اب سیاہ کفنی اور حسین کا ماتم
پسند آمد ذریت رسول نہ کر
مدینے ایسے حقیروں کو تو قبول نہ کر

مدینے ہم تیرے والی کو آے ہیں کھو کر
مدینے گردن شبیر پر چلا خنجر
مدینے کوفے میں سر ننگے ہم پھرے در در
مدینے داغ رسن ہے ہمارے شانوں پر
ہم آے زندہ پہ زہرا کا نورِ عین نہیں
مدینے اکبر و قاسم نہیں حسین نہیں

اجاڑ ماریہ میں ہو گیا چمن میرا
بچھڑ گیا علی اکبر سا گلبدن میرا
ہوا شہید ہر اک شیر صف شکن میرا
پڑا ہے بھای بیاباں میں بیکفن میرا
نبی کی آل کو اہلِ جفا نے لوٹ لیا
ہمارے کنبے کو رن میں قضا نے لوٹ لیا

ہلی زمین مدینے کی اس گھڑی پیہم
کیا بشیر کو سجاد نے طلب جس دم
گلے میں شال عزا ڈال دی بہ دیدۂ نم
اور اس کے ہاتھ میں رو کر دیا سیاہ علم
کہا کے جا نہیں گو اپنے منہ دکھانے کی
مگر وطن میں خبر کردے میرے آنے کی

چلا بشیر یہ دیتے ہوا خبر ہر جا
مگر محلہء ہاشم میں دیکھتا ہے کیا
کہ ایک مریضہ سر راہ ہے کھڑی تنہا
جو نام پوچھا تو رو رو کے بولی وہ صغرا
بشیر کہنے لگا کیوں تو شور و شین میں ہے
کہا یہ حال میرا فرقت حسین میں ہے

کھڑی ہوں منتظر اکبر کی دیکھوں کب آے
ہے گھر سے نکلی ہوں شاید کہ قاصد آجاے
خدا کہیں میرے بچھڑوں کو خیر سے لاے
کہ یہ مریضہ لب گور ہے شفا پاے
کوئی پدر کی خبر لاے پاؤں پڑتی ہوں
جدا مسی سے ہوں ایڑیاں رگڑتی ہوں

بشیر سمجھا یہ بنت حسین ہے صغرا
خاموش رہ گیا صغرا کے منہ پہ کچھ نہ کہا
پکاری فاطمہ گردن میں دیکھ شال عزا
تو بھای لایا ہے کس کی سنانی مجھکو سنا
وہ بولا قاصد بیمار کربلا ہوں میں
سنانی قبر پیمبر پہ لے چلا ہوں میں

وہ بولی رو رو کے بھائی یہ کیا سناتا ہے
وہ کون ہے جسے بیمار تو بتاتا ہے
سنانی کس کی ہے یہ مجھکو حول آتا ہے
کہ مسافت کی لحد پر تو کہنے جاتا ہے
عمامہ پھینک کے اس نے کہا دہائی ہے
تیرے حسین کی صغرا سنانی آی ہے

زمین پہ ہاے پدر کہہ کے گر پڑی صغرا
خبر یہ پھیلی تو ماتم ہر ایک گھر میں ہوا
تمام عورتیں نکلی گھروں سے کرتی بکا
نبی کی قبر پہ جا کر بشیر نے یہ
سفر سے لٹ کر ادھر بھوکی پیاسیاں آی
اٹھو رسول تمہاری نواسیاں آی

بشیر کہتا ہے واللہ روضہ کانپ گیا
لحد سے نالہ ہوا وا حسینا کا پیدا
ادھر زمیں پہ تڑپتی تھی فاطمہ صغریٰ
زنانے ہاشمیہ نے وہاں ہجوم کیا
ہلا کے شانہ کہا شاہ مشرقین آے
اٹھو حسین کی عاشق اٹھو حسین آے

وہ آنکھیں کھول کے بولی کہ مر گےء بابا
کہ اس میں قافلہء کربلا بھی آ پہنچا
بہن حسین کی سر ننگے دیتی تھی یہ صدا
حسین جب سے موے میں نے سر نہیں ڈھانپا
نہ مردہ اور نہ تابوت اخی کا لای ہوں
مدینے والوں میں بھای کو کھو کے آی ہوں