zindan may sakina ko yaad aaya wo seena
jis seene pe soti thi masoom sakina

kar tars zara zaalim baba ko na ro'ungi
mai godh may maadar ki aaram se so'ungi
be-rehm layeeno ne fariyad suni na
zindan may sakina ko...

hai maut ki khamoshi taareekiye zindan may
kya jurm kiya logon masoom si mehman ne
koi aur to masooma yun qaid hui na
zindan may sakina ko...

sajjad jo zindan se ho qaid qatm teri
jaa kehne ye sughra se tumko hai qasam meri
mai dafn hoo zindan may aabad madina
zindan may sakina ko...

har waqt chamakta tha karbal may madeene may
taaweez ki maanind tha shabbir ke seene may
gum ho gaya wo kaise zindan may nagina
zindan may sakina ko...

phat jaye na ghairat se sajjad jigar tera
mere ghar ki ye raunak hai kehta hai pisar tera
ye soch ke abid ko kuch hosh nahi na
zindan may sakina ko...

ruksaar mai nana ko mehshar may dikha'ungi
roodaad mai zindan ki ro ro ke suna'ungi
paband hai rone pe kehta hai kameena
zindan may sakina ko...

ay dashte ajal ruk ja bemaar ko aane de
baba ke liye koi paigham sunane de
shayad meri turbat pe wo aaye kabhi na
zindan may sakina ko...

haye maut bhi hairaan thi masoom ki mayyat pe
afsos nahi karti ahmed ki wasiyat pe
tha maut ke chehre pe ghairat ka pasina
zindan may sakina ko...

sardar sakina ko zindan may dafn karke
sajjad ye kehte thay na kafn mila mar ke
ta hashr rulayegi teri maut sakina
zindan may sakina ko...
Noha - Zindan May Sakina Ko

Nohaqan: Nasir Asghar Party
Download Mp3
Listen Online