zainab ye dua maangi hathon ko utha kar
ya rab mere abbas ko tu sabr ata kar

badle huwe tewar hai maathe pe pasina hai
haathon may alam bhi hai aur mashke sakina hai
lagta hai ke ab ghazi kar dega bapa mehshar
zainab ye dua maangi...

shabbir pareshan hai wada bhi nibhana hai
ghar baar luta kar bhi islam bachana hai
chamke na kahin tayghe wafa josh may aakar
zainab ye dua maangi...

karti hai bayan khahare shabbir ye rokar
narghe may liya humko jafakaron ne aakar
aaye na kahin ghaiz may abbas e dilawar
zainab ye dua maangi...

maujon may talatum hai ye khauf hai pani ko
dohraye na phir dunya khyber ki kahani ko
hum par ye karam kijiye ay khaaliqe akbar
zainab ye dua maangi...

mabood teri raah may akbar ko bhi denge
nanhe se mujahid ali asghar ko bhi denge
kardenge fida hazrate qasim ko saja kar
zainab ye dua maangi...

mai aun o mohamed ko bhi qurban karoongi
bhai pe fida apne dil o jaan karoongi
le jaungi mai khake bala sar pe utha kar
zainab ye dua maangi...

tareekh may tujh jaisa nahi aur koi bibi
aashiq nahi likh paate kahani ye teri bibi
betab murtuza ne kaha ashk baha kar
zainab ye dua maangi...
Noha - Zainab Ye Dua Maangi
Shayar: Aashiq
Nohaqan: Azadari Murshidabad
Download Mp3
Listen Online