zainab ye boli ay mere bhai tumhare baad
qismat bhawar may zulm ke laayi tumhare baad

kooza sakina haath may hasrat se thaam kar
takti rahi thi suye tarayi tumhare baad
zainab ye boli ay mere...
qismat bhawar may...

jis bhai se juda na hui bachpane se mai
sehni padi usi ki judai tumhare baad
zainab ye boli ay mere...
qismat bhawar may...

naazon se jisko paala tha athara saal tak
mitti may mil gayi wo kamayi tumhare baad
zainab ye boli ay mere...
qismat bhawar may...

is peedi may hussain ne kadiyal jawan ki
kaandhe pe laash haye uthayi tumhare baad
zainab ye boli ay mere...
qismat bhawar may...

larzi zameen aur falak kaampne laga
jab halq e sheh pe taygh chalayi tumhare baad
zainab ye boli ay mere...
qismat bhawar may...

shimr e layeen ka jee na bhara sheh ko maar kar
qaimon may aake aag lagayi tumhare baad
zainab ye boli ay mere...
qismat bhawar may...

tu zinda jab talak raha parda bacha raha
na mehramon ke darmiyan aayi tumhare baad
zainab ye boli ay mere...
qismat bhawar may...
Noha - Zainab Ye Boli

Nohaqan: Syed Mustufa Mirza (Azadari Murshidabad)
Download Mp3
Listen Online