na karbala na koofa na darbar e aam may
zainab shaheed hogayi baazar e shaam may
bibi pe yun to shame ghariban se thi jafa
bazaar e shaam aaya to sar par na thi rida
naize se sar jo hazrate abbas ka gira
zainab shaheed hogayi baazar e shaam may
na karbala na koofa...
barsaat patharon ki charaga ka char soo
pehle hi taaziyane baraste thay khoo ba khoo
behne laga jo aag se sajjad ke lahoo
zainab shaheed hogayi baazar e shaam may
na karbala na koofa...
zainab tarasti rehgayi aaram o chain ko
mauqa mila na majliso matam ko bain ko
maanga tha jab kaneezi may binte hussain ko
zainab shaheed hogayi baazar e shaam may
na karbala na koofa...
bhai ka sar sina pe tha zulfein lahoo may tar
noke sina pe aun o mohamed ke dekhe sar
chotay se ek sar pe padi jis ghadi nazar
zainab shaheed hogayi baazar e shaam may
na karbala na koofa...
akbar se karbala may mulaqaat kab hui
naizo ke khaafile may usay dhoondti rahi
bazaar e shaam may jo nazar sar pe pad gayi
zainab shaheed hogayi baazar e shaam may
na karbala na koofa...
baandha gaya sakina ko pushte shutar ke saath
wo tashnagi thi maa se bhi karti nahi thi baat
balon talak sakina ke pahunchay layeen ke haath
zainab shaheed hogayi baazar e shaam may
na karbala na koofa...
bas saans chal rahi thi to zindan kahan rahi
talwaar jiske sar pe chali be-ridayi ki
kehti thi dekho par ye madine may ab koi
zainab shaheed hogayi baazar e shaam may
na karbala na koofa...
rehaan yun to phir sare kam ye taweel hai
ashkon ki bediyan kisay jaari sabeel hai
bibi ka roza shaam may hona daleel hai
zainab shaheed hogayi baazar e shaam may
na karbala na koofa...
|
|
