zainab lipat ke royi abbas ke alam se
saydaniya thi muztar chehre se dard gham se
zainab lipat ke....

lipti hui alam se kehti thi binte zehra
kis waqt e bekasi may abbas bichde hum se
zainab lipat ke....

abbas margaye hai sunkar khabar ye sheh se
tasveere yaas o hasrat har bibi thi alam se
zainab lipat ke....

ek hashr sa bapa arz o sama hai larza
aah o buka ka toofan uth-ta hai do haram se
zainab lipat ke....

bachi ne maa se poocha kyun itna ro rahi ho
ammu nahi milenge kya phir na aake hum se
zainab lipat ke....

baba chacha kahan hai laaye ho kyun alam ko
ye poochti thi bachi lipti shahe umam se
zainab lipat ke....

bali sakina laayi lab par na al-atash bhi
sehmi bichad ke aisi abbas se thi hasham se
zainab lipat ke....

ulfat ki aur wafa ki zinda misaal bankar
mashke sakina ab bhi hai muntaliq alam se
zainab lipat ke....

bhai se bhai bichde jiska koi ki haalat
dard aashna se poocho kya thi anees e gham se
zainab lipat ke....
Noha - Zainab Lipat Ke Royi
Shayar: Anees
Nohaqan: Nasir Zaidi
Download Mp3
Listen Online