zainab ka ye noha tha majaye khuda hafiz
kya din hamay furqat ne dikhlaye khuda hafiz

ek godh ke paale hai khele hai ek aangan may
ab chor chale mujhko tanhai ke is ban may
shikwa ye behan lab par kya laaye khuda hafiz
zainab ka ye...

ab kaun sakina ko seene pe sulayega
roothegi agar bachi kaun usko manayega
ro roke na wo bachi mar jaye na khuda hafiz
zainab ka ye...

khud apne hi hathon se amma ne siya tha jo
amma ki wasiyat thi kurta wohi ab pehno
puri wo wasiyat bhi hojaye khuda hafiz
zainab ka ye...

jab haale safar jaa kar sughra ko sunaungi
guzre jo alam hum par jab usko bataungi
aisa na ho wo sunkar mar jaye khuda hafiz
zainab ka ye...

har ghar may bicha doongi mai teri safe matam
har ghar pe laga hoga ek roz tera parcham
kam honge na gham ke ye saaye khuda hafiz
zainab ka ye...

bhai ka suhail us dam kya haal hua hoga
jab ruqsate aakhir may zainab ne kaha hoga
maajaye khudafiz maajaye khuda hafiz
zainab ka ye...
Noha - Zainab Ka Ye Noha
Shayar: Suhail
Nohaqan: Sajid Hussain Jafri
Download Mp3
Listen Online